الغرفة 39 .... للكاتبات : Sana mina & Sima wise . (سامية اد لامين & سنا بو عبيد)

غرفة 39
دخل كيجري اسر مفزوع معرف باش تبلا لقا اروى شاداها فاتي باش متقربش لمكان الصداع خوفا تجي فيها شي ضربة حط ليدو علا كتفها اش واقع اروى: الميمة عمر جاتها الحالة ولكن تاني مرة كاشدها ملي كتشوف عادل.. سلمى: سمحولي والله معرفت كيف فلتاتلي كنت مقابلاها باش متجيش لهنا. اروى: الميمة سمعيني ياك وليدك صغيور راهو عندك فلبيت كنتي عاد الصباح كتقيسولو اللبيسة لي صاوبتيلو الميمة: ولدي اه كان قد هكذاك هادي 25 عام... دابا قد هاد الشاب.. لي عينيه...كنشوف فيهم حياتي وشبابي.. هذا هو ولدي.. اسر': النيمة الله يهديك هدا راه خويا من بابا وراه ماماه باقا حية.. وانا عاقل علا الوقيتة لي تولد فيها.. يالاه نردك عند ولدك كون راه دابا كيبكي.. عنقها حتا هدات وداها للبيت. غطاها وحد حداها دميتها بقات تتغنيلها حتا نعسات هي براسها بلا ابرة مهدئ... تاتر اسر كيما تاتر لكل لحالها...سد عليها وخلا عندها سلمى ورجع لبهو القصر..

حسام..: يالاه افاتي نوصلك.. الصباح عندك المحكمة..بكري فتي وانا بلاتي غي توفت اروى الخلعة شوف وجها كيف صفر...اروى: سكتي اسر موراك...اسر': شوية...سمحولينا عل الازعاج .اروى: اه لاباس الكل: لا ماشي مشكل فاتي وحسام': الله،يعاونكم.. اروى: بوسيلي علي... وتصبحو علا خير اسر: متمشي حتا تاكد بلي فاتي دخلات للدار حسام: طبعا متوصيش حريص.. عادل؛ انا انا غادي اسر: لا معندك فين غتمشي من اليوم غتبدا تبات هنا هالقصر كبير والجناح ديالك راه فالطابق التاني كيفما ديما.. فيه لي تحتاج عادل: لا خويا غي خليني نمشي نخاف ديك السيددة تشوفني تاني اسر: طلع نعس دابا والصباح نشرحلك كلشي.....عادل: وانا خويا تصبحو علا خير.. اسر: اه اه اروى يا اروى شفتي مسايلك.. كون خرجات ديك السيدة والضياف مازال هنا... اخخ منك اروى: انا انا سمحلي اسر: بلا متعتذري.. احبيبة غي كنضحك موقع باس يالاه نرتاحو شوية ..اروى: اسر الطالون القفطان الدروج.. وانا عيانة فهمتي شي حاجة .اسر': هههههه زيدي اوپ.. هزها وطلعو للفوق...
سكنت الفيلا.. والكل خلد للنوم... وحتا واحد معارف احداث الغد

الالة الالة فين غادة..... الالة وقفي ممنوع تدخلي متخليناش نستخدمو معك القوة.... اروى خارجة بروب الاستحمام لقات اسر كيلبس ساعتو كيعدل من كرافاتو.. اروى: اش هاد الصداع اش واقع.. اسر: انا غنزل نشوف.. لبسي وجلسي هنا حتا نرجع متخرجيش وانا غنتصل بيك من بعد ونفهمك..

اروى باستغراب: وانا قبلاتو ودخلات لدريسنغ تقلب متلبس... اسر نازل... بكبرانية... خلوها...الحراس: وانا اسيدي اسر: انصرفو لاشغالكم... اسر: مرحبا مرحبا.... كلثوم: وليدي حبيبي.. توحشتك بزااف كنت غنتسطا وانت مريض.. اسر: عليها كنتي كتزوريني قباح وعشية......بصح معليش كتبقاي فمقام ماما وانا مكنتيش تخليني نقولك ماما كلثوم: اولدي سمحليا عافاك انا دابا معندي فين نمشي عادل رافض يشوفني او يجاوبني ومعرفتوش فين كاين وعبد الاله مليه اثر وانا محتاجة لك عافاك متبخلش عليا معندي فين نمشي.. اسر: مرحبا بلا هاد المقدمات.. تفضلي.. كاين الملحق فيه زو بيوت بيت لواحد السيدة وبيت ديالك كلثوم: الملحق ولكن هداك بلاصة الخدم.. اسر: هييه سميتهم مساعدين ماشي خدم.. عل العموم هنا بلاصة خوتي ومراتي وعائلتي.. ..وانا بصراحة مبقيتش كنتيق فيك.. غتبقاي فالملحق حتا تسترجعي ثقتي.. ومن بعد نشوفو كيف نديرو نردوك لهنا.. عيط عل الخادمة.. قالها وصليها لبيتها.. وخرج فالطريق اتصل باروى قالها متخرجيش من البيت حتا نجي وتفاداي تهضري مع اي واحد باليل نفهمك...
مساءا علا طاولة العشاء..اروى.. وسلمى كيتسناو فاسر سجيب لميمة تتعشا كيف موالفين...وصلها... اسر: للخادمة فين عادل الخادمة: سهران علا برا قالك متسناوهش للعشا اسزكر: اوك بصحتو.. عيطي لي علا السيدة لي فالملحق..
كلثوم: عيطي لي ولدي اسر: اسر سميتي اسر كيف مولفة تعيطي لي ولد النصرانية ياك. كلثوم: بغات بدل الموضوع اكيد مرتك هادي زوينة بزاف عويناتها تيحمقو اسر: خليك بعيدة علا مرتي وجلس اروى لي نايضة باش تسلم عليها.. الميمة..كانت كتغزز فسنانها سلمى': اروى اروى شوفي مالها.. الميمة؛ هزات سكين من فوق الطبلة وقجات كلثوم. كلثوم: بعدي مني شنو قصتك نتي اديك المريضة الميمة: نتي نتي لي مرضتيني القصة القصة: وكتحرك فراسها بحل الا كتفكر وكتشوف لبعيد قبل 25 عام جات واحد المراة كتبكي بولد فعمرو سبع سنين طلقها راجلها وجرا عليها هي وربيبو...جمعتها انا وراجلي من الزنقة....وخدمنها تقابلني علا ميتزاد ولدي لي كنت فرحانة بيه مور 8 سنين ذلعقم وانتظار اول حمل ليا...راجلي لي مات بكسيدة قبل مايشوف ولدو...امير.. نتي استغليتي ظروفي.. وصدمتي وختفيتي نتي وولدم وولدي حتا هو علاش علاش اش من عيب صرفت فيك...منسيتكش منستش وجهك.. اسر: اش كاين كلثوم؛ مكنعرفهاش... دفعات الميمة طلحت علا راسها: اروى: سارة سارة اتصلي بالاسعاف... اسر: شنو دابا عرفتي الا طرات للميمة شي حاجة غنقتلك والا صدق كلامها بصح... غنخليك تتمنايني نقتلك ومغنقتلكش... باش نوريك تكذبي علينا هاد السنين كاملة
اتاصلو بالاسعاف... بعدها اتاصلو بالدكتور نزيه باش يلحق عليهم ...لكن اسر مصبرش وخداها على الفور فسيارة فاتجاه المستشفى...دخلوها المستعجلات...اسر وسلمى واروى فانتضار يخرج الطبيب..
اسر : اروى حبيبي،، خاصك ترجعي باش تشربي دواك وتنعسي شوفي وجهك كي ولا صفر...حنا غادي نبقاو معاها واي جديد غادي نبلغك بيه...
اروى : لا عفاك بغيت نبقى مستحيل نرجع ونتا عارف راسي قاصح بلا متحاول..
اسر : افف اصلا بسباب قصوحية وصلنا هنا...
بعد ساعة خرج الدكتور ومعاه الدكتور نزيه....
اسر : ياك لباس اش وقع ليها ...
دكتور نزيه ... وقع ليها ارتجاج خفيف فراسها لكن الفحوصات طمنا انها بيخير وهيا دابا فايقة ولكن بغاتك لعجيب انها كتهضر كانسانة طبيعية دخل عندها وشوفها اش بغات ومن بعد نكملو ليها الفحوصات اللي باقية...
اروى : انا ندخل معاك عفاك بغيت نطمئن عليها...
د.نزيه : اروى يفضل تخليه يدخل عندها وحدو بطلب منها...
اسر : حط راسو على جبهتها.. بيبي سيري گلسي ارتاحي انا نهضر معاها نشوفها ونجي تسنايني اوكي ...
اروى : اوكي...
وقف عند الباب...فتحو كتبان ليه متكية وكتشوف في الباب شافتو...
الميمة : ولدي دخل
اسر : ميمة كي بقيتي
ميمة : بيخير اولدي،،، ولدي بغيت نهضر معاك فموضوع كيخص كلثوم اولدي اللي ضاع مني 25 عام هدي
اسر : ميمة نتي بيخير واش من ولد واش القصة اللي عاودتي قبل مطيحي بصح كيفاش
الميمة : ولدي انا....مشات ذاكرتها ل 25 عام قبل...عودت ليه على امرة جات هيا او ولد تكون عندو 8 سنين كتبي حيت راجلها طلقها وجرا عليها هي وربيبو عونتها سكنتها معاها تهلات فيها هيا وراجلها وحيت كانت مكتولدش لكن شاءت الاقدار ورزقها الله وحملت بعد عقم الشيء فرحها بلا قياس وفرح كلثوم حيت كانت ناوية على لغدر..بعد مدة توفى راجلها بكسيدة خلا الميمة حاملة في الشهر التامن...وصل شهرها في ليلة كانت شتا ورعد المسمة جاها الوجع بزاف وانقباضات ممشاتش لمستشفى مع شتا ورعد ملقاو من يديهم اضطرت كلثوم تولدها عانات بزاف كانت على وشك الموت واخيرا ولدت ولد كضوء لقمر.....الميمة :غادي نسميه امير على سمية راجلي ...بقات لميمة تستراح مشات كلتوم خدات حوايجها هزت ولدها وهزت ولد الميمة وخرجت خلاتها ناعسة...صبح الصباح ..
الميمة : امممم كلتوم فينك فين ولدي كلتوم...امم فين هي...ناضت بتثاقل كتمشي بشوية ومسندة على الحايط..كلتوم كلتوووم مشات لبيت ملقاتهاش مشات لبيت نعاس لقاتو مجموع والماريو محلول وخاوي او حوايج ولدها امير مكاينينش...بقات تغوت كلتوووووم ولدي فينهوا كلتووووووووووم..مشعرتش الا وهيا خارجة فاتجاه فيلا زوج كلتوم وصلت وقفها الحارس...اش كاين الالة فين غادة وشكون بغيتي...كان كلامها كلو مختاصر فكلتووم ولديييي....مشا الحارس عيط على كلتوم اللي رجعت لفيلا هيا وعبد الاله والزيادة من بعد ماخبرت احمد اللي هو بات اسر باللي كانت حاملة فاش طلقها ورجعت بولدها وهنا حست مكان لا تحاليل لا والو فديك الوقت صدقها ورجعت لذمتو....خرجت ليها..
كلتوم : اش كاين اش بغيتي نتي وشكون نتي اللي جايا هنا
الميمة : ولدي ولدي عطيني ولدي حرام عليك فين خديتيه حراااا....وطاحت مغمى عليها...هنا خداتها كلتوم لدار سدت عليها فينما كتبغي تنوض كتغوت كتعطيها مهدئات او مخدر وصات عليها دكتور بقا مراقبها عطاوها نفس العقاقير اللي كان كساخد اسر... حتى تبنات المصحة ونقلوها ليها الى ان جا حتى اسر دارو ليه نفس شيء لتنفيذ خططهم الشيطانية لا هيا لا عبد الاله كيف لا وهو ابنها...كل هدا تحكى لاسر من طرف الميمة ...اللي خلاه يتزير لكن صبر باش ميخلعهاش...
اسر : فديك الوقيتة انا كان عندي خمس سنوات...اوكي ميمة كوني اكيدة انا غادي نجيب ليك ولدك حتى لعندك...ارتاحي نتي دابا...وصل عند لباب هز ايدو تالسما خبطها مع لحايط خبطة خلات الكل يترعب من هاد الخبطة خرج....دخل دكتور نزيه عندها باش يكملو ليها الفحوصات...مشا تلقات ليه اروى تسولو لكن مكانش كيشوف فيها فاتها وخرج من المستشفى....هز تليفون طيييييط الو حسام من دابا عشرة دقايق لقاك فالقهوة **** جنب المستشفى ديال ابن طفيل....
فالمستشفى....
اروى : دكتور كيف بقات لميمة دكتور نزيه : دابا هيا لباس عليها جميع الفحوصات كتاكد انها لباس عليها والعجيب انها رجعت انسانة عادية كتهضر عادي امكن انها فاقت من صدمة كانت متعرضة ليها والسبب انها كتقول عرفت ولدها فين كاين لكن هذا مكيعنيش انها مرة مرة تشدها نوبة عصبية حيت كانت كتشرب عقاقير هيا نفسها كان كياخذها اسر...غادي تبع معايا مدة منعا علاج منها جلسات حتى ترجع تماما في كامل قواها العقلية هيا غتبقى عندنا يومين وبعدها تقدرو تديوها ونوصيكم اياكم شي حاجة تقلقها را مزال معرضة تنكس....
اروى : اوك بابا واش نقدر ندخل عندها...
د.نزيه : حتى يرجع اسر ودخلي معاه يفضل حست تقدر تجيها نوبة ونتي فوضع ميمكنش ليك نعرضوك لخطر تقدر دير ليك شي حاجة وتاديك نتي او لي فكرشك ...اروى : اوك انا نتاصل باسر....
عند اسر .....
حسام : وي اسر ياك لباس كاين شي جديد فخصوص داكشي اللي بادين..
اسر : ماشي هداك موضوعي دابا...موضوعي دابا هو خاصني طريقة كيفاش نتبت باللي عادل ماشي خويا....
حسام : كيفاش !!!!
اسر : عادل .....حكا ليه كلشي طبيعة لحال حسام صديق اسر من الطفولة عارف ضروف كيفاش دازت وداكشي لي دوزت عليه مرت باه وسبب تا خرجت وكيفاش رجعت بطفل....لكن حكا ليه حتى على اش قالت ليه المسمة من الف الى الياء
حسام : وااااو هادشي كامل خرج من كلثوم مكنتش متوقع...لكن كاينة طريقة خاصك دير تحليل DNA تاخد شعرة منها وشعرة من عادل بالنسبة لمسمة حالها ساهل كيبقى عادل...
اسر : عادل خليه عليا انا غاد ناخد فرشاة اسنان ديالو غدا مع سبعة صباح نمشيو نديروهم لكن محتاجك تسرع ليا العملية شوية كيما سرعنا وتحركنا كيما كان احسن معارفش غدا اشنو ممكن يدير عبد الاله....
حسام : ولا عليك جيبهم ليوما وغدا نتلقاو فواحد المستشفى ديال واحد صديق ساعتين لا اكتر نعرفو نتيجة...اسر : اوك.... تفارقو رجع المستشفى دخلت اروى شافت الميمة لقاتها ناعسة باستها ورجعو لفيلا....دخلت اروى تاخد دوش استغل اسر الفرصة دخل لبست عادل بالضبط لدوش خدا فرشاة ديالو فبلاستيكة حافضة ....رجع لقا اروى يلاه خرجات بدلت حوايجها شربت دواها ونعسو....صبح الصباح....تلاقا اسر بحسام مشاو المستشفى خداو داكشي عطاوه لدكتور....قاليهم بعد ساعتين يخبرهم....بقاو ينتاضرو دازت ساعتين ها الطبيب خرج مد ليهم ضرف خاص نتائج تحليل DNA فتحو اسر....
حسام : امضرا ولدها
اسر : ......
حسام : امضرا ولدها!!!
اسر: ميغد كان شكي فمحلو اصلا كيف كتشوف عادل كتجيها هيستيرية عينيها كيلمعو.... ولدها
حسام : اشنو غادي دير دابا...
اسر: غاد نمشي لدار دابا نشوف اروى وبعدها نفكر اشنو غاد ندير لكن انا واعدت الميمة نجيب ليها ولدها وغاد نوفي بوعدي خاصني نهضر مع عادل فاقرب وقت نجهزو لخبر مغاديش يكون ساهل عليه....
في فالفيلا..........
اروى : الو سلمى فينك كيف بقات لميمة سلمى : لباس عليها بدات كتحسن غدا ان شاء الله نخرجوها ونجيبوها لفيلا...
اروى : اوك تهلاي فيها حتى لغدا ونجي انا واسر نجيبوها اي اي
سلمى : مالك !!!!
اروى : اي كنحس بضريب فكرشي فنما ضربني كتشدني وجعة اووووف
سلمى : ههههه خارج لباه مجهد هههههههه فاش كنت حاملة باسيل كانت كدير ليا نفس شيء غير لوجع مكنش كيشدني فكل ضربة... غير ردي لبال لراسك متجهديش على راسك ومتعصبيش عطي لراسك راحة .... ان شاء الله يكون خير باقي كتجيك الكوابيس؟!
اروى : لا هاد اليومين لا يلاه نخليك ها اسر جا تنعيط ليك باش نطمان على الميمة ....
اسر : كيف بقات دابا؟!
اروى : كتقول لباس غدا غادي تخرج غاد نمشيو نجيبوها ؟
اسر : اكيد،،، امم كيف بقيتي وكيف بقا ولدي
اروى : امم شوية غير فينما تحرك كيضربني كتشدني وجعة
اسر : متبقايش تجهدي راسك ومتعييش راسك عطي لراسك راحة وهاد المرة ملي ندوي معاك تصنطي ليا وبقاي فبيتك ومغاديش تبقاي تحسي بهداكشي اممم مفهوم
اروى : ياسيدي يانا كتعرف هادشي كامل ونا مجايبة خبار
اسر : الحب را هادشي قالتو ليا طبيبة فاش ديتك لسبيطار اخر مرة نسيتي فاش كنا مخاصم.... قاطعاتو بقبلة
اروى : شششش مبقيتش نسمع هداك الموضوع كنت غادي نموت فيها
اسر : نموت ومناديش حبيبي اجي نتعشاو عندي ليك شي هضرة بخصوص عادل...نزلو يتعشاو اثناء العشا خبر اسر اروى بخصوص عادل وتحاليل
اروى :

غرفة 39
من بعد ماتعشا عادل لحق على اسر لمكتب طلب من اروى طلع لبيتها وطلب من الخدم يعيطو لكلثوم ملي يطلب منهم اسر.....
رجعو لفيلا عبد الاله ف ايطاليا....
عبد الاله : كيفاااااش اش كتقولي كيفاش جابها عندو هدي مكنتش متوقعها ونتي متاكدة عرفاتك
كلتوم : عرفتني ولكن بطبيعة الحال انا نكرت اشنو ندير را الى رجعت لوعيها تقدر تقول لاسر كلشي لبارح هددني الى عرف بالي لقصة حقيقية غادي يعذبني ونتمنى نموت وميقتلنيش ...
عبد الاله : الحقير كيفاش تجرا يهددك حسابي معاه ردي لبال الى لقيتي شي حاجة هك ولا هك هزي راسك ديريكت هاتف ليا تلقاي راسك فالمطار ... اي حاجة دابا ماشي فصالحنا غادي تهدم كلشي انا قريب في هاد اليومين نبدا تحركاتي باش نساليو فضرف اسبوع نهيو كلشي ونمشيو لامريكا مدى الحياة...
كلتوم : واخة اوليدي رد لبال راسك انا مشيت ولد النصرانية طلب من الخدم يعيطو ليا معرفت علاش بغاني امكن كتاشف...
عبد الاله : منضنش سيري وديري كيف قلت ليك....
قطعت معاه واتاجها لمكتب عند اسر .... دقدق
اسر : دخلي ....
كلتوم : طلبتيني اولدي
اسر : وي تفضلي،، انا هضرت لعادل على حالة لميمة وقصتها بلا متراوغي او تنكري انا عرفت كلشي عرفت حقارتك فين وصلت وعندي دليل همس ليها فوذنيها : عندي تحليل DNA كيتبت ان عادل ولد الميمة لذالك اي حاجة غتكون ضدك ..احم احم
عاودت لعادل كيفاش مخرتي ليها ولدها والقصة كاملة ولكن معارفش شكون هو ولدها
عادل : علاش اماما درتي هكا علاش خسرتي صورتك زوينة لي فعينية علاش ...
كلتوم : اهئ اهئ ولدي انا كنت مجبورة لاحني باك ف...
اسر : سكتيييي باركة من الكدوب عندي كلشي ميحتاجش نفكرك... انا غاد نخليك مع عادل غادي تعاودي ليه كلشي ويا ويلك وسواد ليلك ومتقولي كلشي گاع هداكشي لي قلت ليك وزيدي عليه دلائل دخلك لحبس انا نخليكم ... عادل غادي تحكيليك شكون هو ولد الميمة تبت راسك اخويا الله معاك...
طلع اسر خلاهم وحدهم وتوجه لبيت اروى... اسر : حبيبة نعستي
اروى : لا انا مزال فايقة اجي....اسر : افففف مشاكيل عبد الاله صدق ولد اكبر شيطانة اشر مخلوقات الله اففف كنخمم لعادل دابا غادي يكرهها
اروى : وي غادي يحس باللي فقد خوه هو متشبت بيك نتا اكتر كيفاش غادي يتقبل انك ماشي خوه لا من دمو ولا لحمو ...
اسر : هو خويا وغادي يبقى خويا ونصيبو غادي يبقى ليه كما هو.... فجاة تسمع صوت صراخ وبكاء وتهراس .... اروى : اسر اشنو كاين اش هادشي
اسر : اكيد عرف انا غادي نزل نشوف بقاي هنا نتي....
اسر : انا غاد نهبط نشوف واياك تحركي وتهبطي سمعتيني....
هبط اسر ديريكت لغرفة المكتب لقاه مقلوب سفاه على علاه كلشي مهرس ومشتت وعادل في حالة يرثى لها ايدو عامرة دم كيتنخصص كينهج دموع شلال في وضع جد جد محزن ان كان قلبك حجر يبقى فيك.... وكلتوم كتحاول تقرب ليه... عادل ولدي انا كنت مضطرة كان...
عادل : سكتيييييي انا كنت كنحس انك عمرك ماقدمتي ليا الحنان كنتي كتعطيني لخدامات يهزوني وفاش كبرت رباني اسر وبابا او اللي كنت متوقعو بابا ضحكتي عليه ومات وهو معارفش بفعلتك الحقيرة كنت كتشوفي عبد الاله كيضربني كيحيد ليا الالعاب من ايدي وكيرميهم ولا يخسرهم ومكنتيش كتهضري مكنتيش كتيقيني وفاش ولات عندي عشر سنين حاولتي ترسليني لداخلية لولا وقوف اسر وبابا فوجهك بزااااف مدرتي ولكن مكنتش كنترجمو على انك ماشي مي هداكشي علاش كنت كنقول را حنينة غير مكتبغيش تبين خلف طبعها القاسي كنتي كتشوفي عبد الاله كيعنفني كيحگرني مكدويش.... معمرني نشوف وجهك قدامي معمرني حرمتي مرة من ولدها 25 عام وهيا هبيلة غايبة على العالم الواقعي محنيتيش فيها زدتي كملتي عليها هديك المرة حسن منك بالف الف درجة انا متاكد كن خداو منك عبد الاله مديريش ربع اللي دارت عليا انا ...
اسر : اجي معايا نعالج ليك ايدك وبالنسبة لكلتوم خليها عليا انا عارف اش مدير معاها ... دابا سير من هنا سيري الملحق حتا نجي ولينا كلام سيييييري
كلتوم : واخة اولدي عادل بغيت...
عادل : سييييييري من وجهيييييييي مبغيتش مزال نشوفك.... خرجت حادرة راسها لملحق سدت عليها البيت خدات تيليفون وتاصلت على الفور بعبد الاله الو....
عند اسر وعادل ...
اسر : شوف شوف فيا مزيان كنهضر معاك نتا خويا وغاتبقى خويا وغاتبقى معايا طول ماحييت دارك داري ودارس دارك كلشي ديالي ديالك سمعتيني عمرني نفرقك را كتر من خويا نتا ولدي سمعتيني وتاحاجة مبغيتها تاتر علينا نتا خويا ولدي او عم ولدي ان شاء الله سمعتيني مبغيتش نسمع منك شي حاجة من غير هدي...
عادل : صدمتني كنت عارفها مكتحملنيش انما هادشي لي دارت صعيب كواتني شواتني اخويا شواتني بغيت مي نشوفها بغيت نمشي عند الميمة نتلاقاها نعنقها نعوضها غادي تعجب ولكن ملي كانت كتعنقني فاش كتجيها نوبة كنت كنبغيها تبقى معنقاني كنتسحلا تعنيقتها مكنتش عارف انني من دمها ولحمها وهدكشي لي كيخليه وكيخليني نحسو هكاك عفاك ديني عندها دابا...
اسر : نداوي ليك ايدك نطلع عند اروى نبلغها كن را مخلوعة دابا ونمشي نديك عندها ولكن واش واجد خاص يكون معانا د.نزيه
عادل : انا واجد لاي حاجة غير ديني
اسر : اوك انا جاي
طلع اسر عند اروى بلغها بداكشي لي طرا شيء اللي اثر فيها بزاف بقا فيها عادل والميمة بدل حوايجو باس ليها راسها وطلب منها متخرجش من غرفتها حتى يجي بما وصل عادل المستشفى عند الميمة على امل لقاء الام بطفلها اللقاء الذي سيكون مؤثر يا ترى ماذا سيحدث عند اللقاء...
امييي تم امي لحد اخر اخر يوم في عمرييي،،حب من اول حياة وهمو همي،، الى كتر خيرها دا خيرها في دمي وعايش بيه....
وصل اسر وعادل المستشفى برفقة دكتور نزيه اللي وصل عليهم لكن قبل فضل دكتور نزيه واسر يهضرو معاها باش تكون على استعداد تعرف شكون ولدها .....دقدق دخل ذكتور واسر
اسر : ميمة كيف بقيتي شوية
ميمة : شوية حمد الله اولدي امضرا لقيتي ليا ولدي عفاك انا مزاوگة جيب ليا ولدي كلتوم قالت ليك شي حاجة عليه اممم اهئ اهئ بغيت ولدي داتو ليا ....
د.نزيه : تهدني وخلي اسر يهضر معاك جايب ليك اخبار زوينة على ولدك تصنطي ليه حتا يكمل ...
اسر : احم ميمة انا كنت واعدتك من بعد ماقلتي ليا على القصة كاملة انني نجيب ليك ولدك تالبين ايديك ياك ... انا وفيت بالوعد اللي بغيت منك انك تهدني حيت ولدك كيتسنى برا هاد الباب انا عرفتو وتاكدت منو انه ولدك مية فالمية وهو عرف كلشي وعرف داكشي كامل لي دارت كلتوم وهو بنفسو طلب مني نجيبو .....مكملش هضرتو حتى كان عادل دخل ودموعو شلاااال شافتو لميمة لي بدورها عينيها لمعو كلمة وحدة نطقتها .... امير فتحت ليه دراعها وهوپ تلاح عليها عادل يعنق ويبوس وهيا بدورها تعنق وتبوس كانو فوضع جد مؤثر خلاو اسر ودكتور نزيه يتاترو لهاد اللقاء المؤثر....
خرج اسر ودكتور خلاوهم وحدهم يهضرو ويشرحو لبعضياتهم ...وتطفي لميمة جزء من نار الاشتياق لي دام 25 سنة منذ ولادة عادل لي مفرحاتش حتى تضمو او ترضعو .... يااااه اي شر هذا يفرق ام عن طفلها كل هذه المدة.....
مشا اسر لفيلا خلا عادل مع دكتور والميمة... وصل دخل طوموبيل وهو فالجردة سمع صوت شي حد كيتكلم من بعيد بقا تابع صوت حتى بانت ليه كلتوم كتهضر فتيليفون بقا واقف كيسمع فيها بدون متنتابه ليه حيت ضرگ عليها ....
كلتوم : عادل عرف كلشي وانا بلغتو حيت اسر هددني ان عندو دلائل باش يفضحني ويدخلني الحبس اش ندير..
عبد الاله : الحقير كيفاش تجرا خاصك تغداي بيه قبل مايتعشى بيك والليلة غادي طبقي اش غادي نقوليك،،،سمعني اش غادي نقوليك ....
كل هاد الكلام والخطة سمعها اسر اللي ابتاسم بشر من الخطة اللي غادي يطبقها فهاد الليلة ( ههههه ( غادي تلقايها ابتي اكلتوم معامن نتي مع ذييييييييب )
من بعد ماسمع مكالمتها وعلى الكمين اللي ناصبين ليه... تسلت بشوية دخل لفيلا طلع مباشرة عند اروى لقاها كتسنى فيه لعشا...
اروى : على السلامة حبيبي امضرا اشنو وقع ...حكا ليها على كلشي...
اروى : اهئ اه ئ واعععع انا لي كنت كنصحابها هبيلة ومكنتش كنتيقها وهادشي كامل صحيح الله ياربي صبرت ونالت فرحت ليها اهئ اهئ واععع
اسر : ودابا لاش هاد البكا كلو تاحاجة مقلتيها
اروى : سكت نتا مكتعرف والو نتا اخخخ اش هاد ريحة واعععع
اسر : اويلي لا تهبلينيش ونا هبيل خلوق اشمن ريحة زيدي زيدي قدامي تعشاي
اروى : بعد مني
اسر : نووووضي تعشاي ولا نهبطك بطريقتي
اروى : هبطني بطريقتك... هوپ اعععع نزلني المصطي نزلني
اسر : شكون قاليك انا بعقلي ياك بغيتيني مصطي وتحملي...هبطها نزلو يتعشاو لكن مغافلش على الخطة اللي ناوي حيت سمع بكلشي عيط لكلتوم تجي تعشى معاهم... تعشاو شوية نطقت كلتوم ...
كلتوم : اسر بغيت نمشي نغسل ايدي يلاه انا مشيت.،، استاذنت مشات لملحق خدات داكشي لي موجد طلباتو من احد رجال عبد الاله اللي رسلهم ليها هو مع داكشي لي ناوية طبقو لاسر ليلة تسنات شي ساعة حتى مشات اروى واسر لجردة يتمشاو ودخلت لفيلا طلت مبان ليها حد دخلت....
عند اسر واروى...
اسر : حبيبي مكتحسب بوالو مبقاتش كضرك كرشك!!!
اروى : لا هاد الايام مزيان حمد لله،،، غير بغيت رجع لمصحة عييت من دار ولبيت را وليت مزيانة سولت طبيبة قالت ليا امكن ليك ترجعي داومي عادي ...
اسر : اوك غدا نديك لمصحة تبداي خدمتك ... فجاة بان ليهم صداع وضواو قدام الباب ...
الشرطي : كلم لينا اسر بناني معانا امر بتفتيش
اسر : اش كاين خليوه يدخل ياك لباس سيادة الضابط ...
الصابط : سي اسر بناني جاتنا اخبارية بلي مدسوس عندك كمية من المخدرات من نوع هيروين ومعانا امر بتفتيش الفيلا باكملها..
اسر : يمكن ليك تفضل... اروى قبطت ايد اسر بجهد طبطب عليها وباس ليها راسها طلب منها تهدن ومتخافش هو معاها... جات كلتوم كتبتاسم بشر اذا هيا مولات المخدرات ولكن اجيو نشوفو اش غادي يطرا ... ملقاوش المخدرات فالفيلا لذاخل شيء لصدم كلتوم بدات تصرط فريقها...بقا ليهم الملحق فتشوه حتى تم خارج الضابط وفايدو جوج كيلو من مخدر الهيروين .... سي بناني هذا لقيناه فغرفة فملحق الفيلا ديالمن الغرفة
اسر : الغرفة ساكنة فيها مرت با هاهيا كلتوم
كلتوم : اكيد كاين شي غلط سيادة الضابط مدياليش قمممم
الضابط : نتي رهن الاعتقال لحيازتك كمية كبير من المخدرات غادي تمشي معانا سي اسر سمح لينا عالازعاج يلاه ديوها... كانو غادين بيها استوقفها اسر وهمس ليها فوذنيها.... : لقد انقلب السحر على الساحر متنسايش مدام دزت گاع من هداكشي كان عليك تعرفي انني كسبت خبرة والذيب ملي كدار بيه كيبقى يشمشم ريحة الغدر بسلامة اه متنسايش يقد عبدو يتبعك فاي لحضة باي سينيورينا....
خدات الشرطة كلتوم لتحقيق فانتضار النطق بالحكم عليها وها واحدة من عائلة الشيطان تحيدات من طريق اسر عقبال لعبد الاله ....
في فيلا ايطاليا....
عبد الاله : لااااااااااااا كيفاش كيفااااااش مي دخل لحبس كيفااااااش حقيييييييييير اقسم بالله منساها فيك ودابا غادي نتحرك ليلة تبات فقبرك اسر بناني ليلة,,,انا دخليا مس لحبس...طيييط الو جوكر عشرة دقايق تلقاك قدام وجهي تنقص دقييقة نطير راسك ..... دازت عشرة دقايق جا جوكر عند عبد الاله...
جوكر : نعام اسيدي
عبد الاله : غادي تاصل دابا باحد من رجالك يجهز لينا قنبلة موقوتة ويفضل يكون مهندس مختص بالاسلحة والقنابل بغيت ليلة طبق فسيارة الحقير ديال اسر ليلة يتشتت سمعتيييني منعاودهاش كلشي بغيتو يطبق بحذافيرو وبحذر واياك نسيق لخبار مماتش غادي يطير راسك فبلاصتو مفهوم ...
جوكر : علم وينفذ سيدي...
عبد الاله : يلاه غبر من قدامي منشوفكش بداو من دابا....
في فيلا اسر فمراكش...
اسر : حبيبي فيقي براكة عليك يلاه دوشي باش نمشيو عند طبيبة ونديك لخدمة نووضي...قبلها فنيفها شوية هبط لفمها بقبلة طويلة حنونة
اروى : امممممم كتشبح بحال شي مشة مصدرة اصوات رقيقة ههههه
اسر : (اححح والله كن مازربانين تانفتارسك هنا ونتي تشبحي عليا كي المشاش اخخخ ) نوض حبيبي يلاه دوشي انا نتسناك لتحت
اروى : موااح اوك حبيبي
هبط اسر... دخلت دوشت لبست لبسة فضفاضة خاصة بالحوامل كيف لا وهيا اصبحت الشهر الخامس بدا بطنها فالبروز.... شعرها جمعاتو على شكل كعكة مفخفخة ومكياج خفيييف مع بارفان...هبطت لقات اسر وعادل والميمة فطاولة الفطور.... مقلتش ليكم عادل خدا لميمة ورجعو لفيلا مع اسر باقة كتبع العلاج مع دكتور نزيه شوية بشوية بعزيمة واصرار كيف لا او ىلدها حداها سبب صدمتها بدات كتمتاتل لعلاج وعادل رجع يخدم مع اسر كيما كان....وهما اثناء الفطور جا لاسر اتصال كيقطع ويعاود يتاصل حتى استاذن خرج لجردة يجاوب...
اسر : اش كاين كاين شي جديد...
جوكر: سي اسر ....
اسر : ميغد شكون من رجالي بالضبط .... اوك مفهوم يلاه سير...ليوما تلقا مبلغ محرز فحسابك....
دخل اسر بوجه غير مفسر.... اروى يلاه نمشيو....خرجو ركبو فالسيارة...وانطالقو
اروى : علاش بدلتي طوموبيل ليوم ومالك لابس هاد الحوايج ...ماهيا الا خمس دقائق حتى تسمع انفجار مدوي فنواحي لفيلا....
اروى : اش هادشي ....
فلاش باك ...
من بعد ما انهى اسر المكالمة عيط لاحد من رجالو اللي خانوه عطاه قتلة ديال لعصا....تا مبقا قد حيد ليه حوايجو مع هو بوديگارد طويل ومبودر بحال اسر لبس ليه حوايجو وخدا حوايجو لبسهم
اسر : دابا غادي تمشي قدامي ودخل لطوموبيل وديماري سمعتيني يلاه ...داكشي لي دار خدا طوموبيل وديمارا خرج لجنب لفيلا هنا واحد من رجال عبد الاله يصحابو اسر بضغطة زر انفجرت سيارة....
نرجعو ملي تسمع الانفجار....خرج كلشي رجع اسر واروى لي كان وجهها صفر طلب منها طلع وطلعو ليها دواها...ومشا هو لبلاصة الانفجار...عيط لبوليس جاو خداو افادتو بلي معرفش وطلب من احد رجالو ياخذوها ليه تغسل حتى وقع لي وقع كمل الافادة ورجع...ذاع خبر انفجار سيارة اسر بناني فالجرائد الشيء لي وصل لعبد الاله لي فرحتو ماليها مثيل حتى وصلو خبر باللي ماشي اسر اللي كان فيها...هنا عرف بالي كاين خائن معاه...اللي هو جوكر..
جيبو ليا جوكر دابا فين ما كان....
سفح جبل...يقف عبد الاله... واثنين من رجالو....واقف كيلعب بنظاراتو الشمسية... حتا قاطعو صوت...الجوكر: سي عبد الاله.. بغيتيني عبد الاله ؛ نو نو ربي لي بغاك الجوكر: كيفاش عبد الاله: يعني وقت جات.. تعقل اول عملية درتي ليا...شنو قلتلك ....قلتلك انا الشيطان وقد ماطولتي معايا..وقدمتيلي خدمات عمري نحن فيك او نسمح لك قدام اول غلط... كلمة الصفح بالنسبة لي تعااادل روحك الجوكر: كيسرط فريقو عافاااك اسي عبد الاله انا عمري غدرتك اوفكرت نغدرك... عبد الاله: القناضكص.. القنبلة المخدرات امي لي فالحبس كل هاد الامور معارفها غي انا وانت.. شنو زعما انا لي قلتها لاسر... الجوكر: سمحلي وخليني نمشي عافاك عبد الاله: اكيد غنخليك تمشي...جبد بخففة مسدس مور ظهرو طرق.. الجوكر بين عينيه لي تتهاوى من المنحدر...طل عليه ولوح بيدي.. بايات الجوكر...رد نظاظرو..وركب فالسيارة مبتسم بخبث.. نوبتك جاية نوبتك جاية اولد النصرانية..
عبد الاله: برونتو فرانشيسكو...بغيت باسبور هوية..مزورة غدا غنرسلك الصور والفلوس... بغيت علا ابعد تقدير الاسبوع الجاي ندخل للمغرب باسم... وهوية اجنبية...
قطع
.بينو وبين نفسو... غنسلبك ااسر حياتك وفلوسك ومرتك وولدك كلشي غيولي ديالي كيفما سلبتك حريتك وعقلك من قبل.. غنعدبك... ونخرج فيك كاع العقد لي عندي بسبابك.. من صغري كنكرهك وكنكره تريكة البناني كامليين
مركز معاه دخلات عليه اروى جلسات اروى: احم احم.. اسر: حبيبة ورجع كيشوف فالتيفي.. اروى: اسر بغيت نهضر معك فواحد الموضوع مهم...اسر: طفا التلفزة ودار لجيهنكتها قبط ايدها بزوج... وبين ايديه شنو عندك احبيبتي شنو بيك.. واش كضرك شي حاجة... اروى: لا...غير بغيت نقولك بلي راك عمرك حضرتي معايا شي حصة ديال الرياضة او اليوغا بحال رجال العيالات لي معايا فالنادي.. وليت كنحس بنقص كبير.. كيجيبلي راسي فحال شي ام عازبة...تيشوفو كلشي فيا بحال جايباه من الزنقة.. اسر: قلب نظراتو من انتباه وتاثر لتكشيرة..: شنو هاد. الهضرة كيفاش ولد الزنقة.. علا مكفاهمش الاسم راكي اروى بنيس بناني والاسم كيبين انك مدام واحد من البناني فاميلي يعني ضروري يكون مشغول وعندو التزامات هادشي منضنش يشكل لك نقص وانا ديما كنجي نجيبك اروى: كتجي تجيبني مور مكيمشو كلشي حتا كنريح نساينك بالساعة مور الحصة..صافي مقلتلك والو عارفاك.. مشغول....غلبوها دموعها وهربات للدوش... تاتر اسر وتبعها اسر': اروى حلي الباب..اروى الله يهديك خرجي ممزيانش تبكي فطواليت تمرضي وتمرضي ولدنا وصافي...مقلتيليش امتا عندك الحصة الماجية..اروى. غلباتها ابتسامتها مع الدموع حلات الباب وعنقاتو شكراا بزاف اسر: هبيلة امتا الحصة اروى: غدا مع العشرة اسر: مييغد.. ميتينغ مع وفد اجنبي.. اروى: طلقات منو صافي كنت عارفاها هئ هئ... رجعها بايدو لي طوقها علا كرشو.. كتسناه يهضر كان كيركب رقم فجوالو.. اسر: الو مدام امل...عافاك اجليلي مواعيدي ديال غدا كامل لبعدو حتا للقاءي مع الوفد...تصرفي بمعرفتك... شكرا بزااف.. اسر: همس فودنها دابا مزيان... اروى: شكون امل '! اسر: اروىىىى اروى: ههههه اجي نبوسك صافي متقلقش..
اسر ؛ نموت فيك انا ولي تخسر لي خاطرك مكايناش...اروى: يخليك ليا حبيبي... اسر عمرنا هضرنا علا جنس الجنين شنو بغيتي يكون عندنا اسر: مغنكدبش عليك ونقولك الي جا من عند الله بغيتو انا كنبقا راجل ومكرهتش البكر عندي يكون ولد يهز سميتي... ويكون سليل البناني وامتداد لاسر.ولكن الا جات شي بنوتة فحالك بهاد العوينات غنفرح بززاف... لي كيهمني دابا هي صحتك وربي ينوضك لي بالسلامة ياربي اروى: ياربي.. ولكن نسمي انا.. اسر: كيفاش نتي علاش ماشي انا اروى: انا لي تعدبت عليه وزايدون عندي واخد صاحبتي سميتها سيما...من جروب القصص لي كنت عاودتلك عليك عندها شي سميات زوينين معرفت منين كتجيبهم... اسر: حتا صديقة عادل ديك لي تعشات معانا داك النهار اروى: سنا مالها اسر:،اقتارحات شي اسماء حمقوني.. اروى: من بعد ونشوفو.. اسر: الله ينوضك بالسلامة يالاه نوضي تنعسي ممزيانش السهير لك

غرفة 39
الغد ليه...
اروى: اسر واسر يالاه نوض... جلساتلو فوق ظهرو وانوض خلاص اسر: تقلب بشوية جابها متكية حداه اش طرا وجرا اليوم نتي لي مفيقاني ماشي انا لي مفيقك اروى: الفرحة الي دارتها اسر: بتعجب لفرحة!! اروى: ايوا حتا انا ندخل للكلوب وقابطة فايدراجلي...عاد غتكون بلبس السبور كاع لي فقصاتني بشي عوج ديالها... اليوم تمرض اسر: والله تاهبيلة نتي لحبالة طيراتلك ديك الغرامات دلعقل. اروى: لعقل لي عندي هربتك بيه وتقاضى اسر: منسيتي والو ماد فمو صباح الخير.. اروى: صباح الورد. وناضت خلاتو بلاكة رجعها... مبقيتش غادي معاك.. بلهلا يطريه ليها تبوس وتعاود..
دخلات فارشة ريشها كيف الطاووس فقصات لي بغات تفقص.. وملي سالاو... بذلو حوايجهم.. ملي نازلين.... سونا تلفون اسر..اسر: الو اهلا فاتي... اه اروى معايا.... مجابتش يمكن تلفونها معاها انا ندوزها لك اروى: الو حتيتي انتي لاباس.. وعلي كيف غادي مع القراية..
...اليوم صافي وانا.. بلاتي نسولو.. اسر اسر انت مسالي ليوم باليل.. اسر: اهه علاش اروى غنتعشاو مع فاتي. فدارنا.. اسر: اوك..اروى: وانا باليل نتشاوفو بيزو ختيتو.. اسر هاك تلفونك.. اسر: يالاه طلعي..نمشو نتغداو...
بليل فبيتهم اروى بكسوة حوامل فالموف غامق... وصبيبط بلا.. مايكاب خفيف.. طلعات شعرها للفوق بنفخة... مع اكسسوارات بسيطة وخاتم زواجها... عاونات اسر يلبس جاكيتو كان بجينز لي من نهار رجع للخدمة مالبسو وشوميز بيض وجاكيت مارو وصباط مارو...اروى: كون غي بغات الميمة تمشي معانا اسر: خليهم علا راحتهم قاتلك بغات تتعشا مع عادل بوحدهم اروى: مصاب غي يدخل بكري ميسهرش علا برا اسر: لا هضرت معاه راه فالطريق... يالاه قبطي فيا تعطلنا علا فاتي..
وصلات اروى وراجلها لدار ختها.. فتحات لها فاتي.. فاتي: مرحبا.. اسر: فين نسيبي فاتي: علي خارج مع صحابو واعدني ميتعطلش بزاف بلا يشوفكم حتا هو تفضلو.. اروى: اممم ريحة كتشهي حيطيلنا نتعشاو توحشت طيابك اختيتو فاتي: هههه واخا بلاتي اسر: كتسناي شي حد فاتي: ف فالصراحة ترن ترن...انا نحل ونجي... اسر كيشوف فاروى.. تحل الباب.. حسام: السلام عليكم.. اسر: اكتمل النصاب ..الناس دالقانون هنايا حسام': لاباس اصاحبي اسر': لاباس خويا تعانقو... وسلم حسام علا اروى لي سبقاتهم تستوات علا طابلة دالعشا تعشاو بالضحك والمزاح.. ملي كملو جلسو الرجال مجمعين فالصالو ن دخلات فاتي بالصنية هي اروى.. حسام: احم احم فاتي: احم احم اسر: مالكم شعندكم.. فاتي': فالصراحة حسام: شوف اكيد استغربتو تواجدي هنايا المهم معندي منخبي عليك اخويا اسر انا كنبغي فاتي وبغيتها للحلال علا سنة الله ورسوله.. هي قالتلي خصني نخطبها منك مدام انت فمقام خوها الكبير شنو قلتي.. اروى: بصح مبروك.منلقاوش محسن منك لختي فاتي: حمارت اسر: مخنزر.. حسام: مالك.. اسر: طبعا لا مموافقش حسام ': علاش اصاحبي وحنا عشرة سنين وماعمرك شفتي فيا غي لخير..فاتي': علاش اخويا راني باغاه اسر: ههههه غلب عليه الضحك. واش شفتو وجاهكم هههههههه اكيد موافق والعرس علا حسابي... تعانقو الصحاب حتا دخل علي علي: اش واقع
اسر: اهلا نسيبي.. حسام: دفع اسر اهلا نسيبي حتا انا علي: فيا الجوع الكل: عهههههعههههه
كدوز الايام... مزيان بحب وود.. وتفاهم بداو تحضيرات لعرس فاتي وحسام.. اروى تجري وتقول ماجرات وانا بكريشتها ولكن مقصراتش من جهدها... والعرس كان كلو كادو من عند اسر.. نهار العرس... الي داروه فقصر البناني... اروى بقفطان فالاسود واسر بكوستار من نفس اللون اللميمة.. بتكشيطة جوهرة فالبيض...وعادل بكوستيم حتا هو بلو مارين... نزلو عرسانا بالتعشاق والصلا علا النبي...فاتي بلباس الاميرة.. اروى مقدراتش تحبس دموعها شريط تضحية ختها وتربيتها ليهم مر قدام عينيها.. حسام حتا هو جا بوقوص... العرس كان فايف ستار كلشي كان متيول وعلا حقو وطريقو... ...اسر فاخر الحفل قدملهم هدية اخرى باسمو وباسم عائلتو رحلة مدفوعة التكاليف... لجزر المالديف... الشي لي فرح بزاف فاتي وحسام... اروى كتودع ختها بالدموع والاخرى بدورها كدلك كتوصيها.. علا..علي واسر وتديها فراسها وولدها....
انتهى الحفل والعائلة كلها فين مشا...
اسر: اروى طلعي رتاحي ساعة وتطلع الشنس ونتي كدوري مازال هنا اروى: اسر بلاتي نوصي علا كل حاجة كيف تدار.. اسر': حتا ترتاحي وكملي طلعي ترتاحي... مبغيتيش... هزها اروى: حطني.. غيضرك ضهرك راني وليت بحال رجل الثلج اسر: بالعكسر ديما فعينيا غزالة وفننة.. شوفي غي اليوم شحال من واحد كنت غنزولو عينية من بلاقتهم خطفت الانظار كتر من فاتي. اروى: متزيدش فيه... اصلا باينة مبقيتش كنعجبك.. اسر : اجي نتبت لك.. اروى: حيد عليا لهيه مقادة لك اليوم بغيت نتصل بختي.. العالم الله بيها.. اسر: دوزي تبدلي حوايجك خلي العرسان راني موصي صاحبي عليها اروى: احح عليك انت وصاحبك... اسر: كتقلبي عليا والله جرها... وكملو نعاسهم حتا.. لمنتصف النهار فيقهم غير.. تلفون..اسر لي حلف لسكت اسر: اوووف
اووف طفاه المرة الاولى والثانية اروى: وجاوب تقدر تكون شي حاجة مستعجلة.. اسر: ناض بتتاقل.. جاوب الو... اه هو هذا... لاا ميمكنش شد راسو... اروى: شنو كاين اس واقع هضر.. اسر: بقا كيشوف فيها بشفقة عينيه لمعو بالدموع

اسر: كيفاااااش ،، لا ميمكنش....انا جاي....خبط تيليفون مع الارض حتى ناضت اروى مفزوعة...
اروى : حياتي ياك لباس مالك اش واقع ؟؟!!
اسر : حبيبة تهدني غير.....
اروى : غير اش اش واقع ختي طرات ليها شي حاجة دوييي اهئ اهئ...
اسر : لا فاطمة الزهراء بيخير غير دكتور نزيه وقع ليه حادث اليم وهو دابا بين الحياة والموت ....نعم كان الدكتور نزيه اللي وقع ليه حادث،،،،اروى اصرت انها تمشي معا اسر وعادل لي فور معرف لبس حوايجو باش يمشي مع اسر... عيا معاها تبقى لكن ميمكنش متشوفش الاب لي قراها ورباها او وقف معاها فاصعب حالاتها....
في المستشفى.....
سولو عليه فالاستقبال نعتو ليهم وتجهو على الفور لطابق العمليات لقاو عند باب الغرفة فتاة في مقتبل العمر كتبكي في حالة يرثى لها توجهت ليها اروى بخطى متسارعة....
اروى : نسيبة حبيبة اشنو وقع لبابا كيفاش طرا هادشي...
نسيبة : اهئ ماهئ معرفتش اختي،،كنت كنتسنى فيه باش يرجع ونتغداو...حتى جاني اتصال من المستشفى بلغوني بالحادث قاليا طبيب حالتو خطيرة بزاف اهئ اهئ....
اسر : اروى اجي گلسي ان شاء الله خير اجي ...
بقاو كيتسناو كل من عادل واروى واسر ونسيبة ابنة الدكتور نزيه (نسيبة ابنة دكتور نزيه فعمرها 19 عام عايشة معاه وحدهم امها طلقت من نزيه لما كان عمر نسيبة 10 سنين ملي طلقت هاجرت لفرنسا وخلاتها ليه وهيا الان كتقرى فكلية الطب على امل تبع على نهج باها تخصص الامراض العقلية والاعصاب...) مرت ساعتين حتى خرج الدكتور شافو اسر مشا يجري ....
اسر : امضرا دكتور كيف بقا دكتور نزيه عفاك حنا على اعصابنا....
الدكتور : درنا لي علينا هو جا فحالة جد جد خطيرة حاولنا نقدوه ما مرة ما جوج لكن كانت الاصابة جد خطيرة مع الاسف مقدرناش نقدوه اولدي البركة فراسكم والله يصبر دويه ويصبركم...
اسر : ميمكنش بقا يضرب فايدو مع الحايط...
سمعاتو اروى غوتت غوتة وحدة: بابااااااااا لاااااا فوقعت فاقدة الوعي...... تحول المستشفى لماساة
اسر اللي ماحيلتو لاروى ماحيلتو لخبر لي نزل عليه كالصاعقة صدمة كيف لا وقد فقد شخص رجل وقف معاه فاشد المحن ايد من الايادي اللي تمدت ليه نور من الانوار اللي خرجاتو من الضلمات ضحا براسو بخدمتو وهربو عطاه دارو صبر معاه حتى رجع ليه عقلو وحقو وبيه تعرف على اروى عن قرب حبيبتو ام ولدو ونصفو الثاني.... صدمة لم تكن في الحسبان...ان لله وان اليه راجعون..
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
مرت خمسة ايام على دفن الدكتور نزيه،،تكفل اسر وعادل بتكاليف الجنازة رغم ان الدكتور كان لباس عليه لكن فضل اسر انه يتكلف بيها بنفسو كرد ولو القليل من فضل الدكتور عليه.... فاطمة الزهراء وحسام رجعو فاليوم الموالي اجلو شهر العسل علاقل حتى تكمل الربعينية....
اسر : حبيبة يلاه نمشيو لفيلا را اسبوع ونتي هنا خاصك ترجعي واحنا ديما معاها مغاديش نخليوها ها عادل تكلف يبقى معاها يطل عليها ويشوف الى خصتها شي حاجة ويديها ويجيبها الكلية نتي خاصك ترجعي باش نمشيو عندك موعد الطبيبة نتي دخلتي فالشهر سادس خاصك عناية اكتر ونتي ادرى مني فهادشي يلاه نوض احبيبي...
اروى : اوك ولكن واعدني كلا نهار نجي نشوف نسيبة ميمكنش هدي امانة بابا مها ممعاهاش متاصلت بيها معرفت واش مات ولا لا اهئ اهىئ ...
اسر : شششش كوني هانية حنا معاها .... قبل جبينها تسالمو مع نسيبة خلاوها مع عادل وتوجهو لفيلا.....
مرت اايام اخرى....اروى مشات عند الطبيبة طمنت على صحة الجنين وطلبت منها تگلس فالدار بحكم شوية حملها صعيب خاصها راحة... اسر رجع الخدمة... حسام كذالك فاطمة الزهراء....علي سكن مع اروى فالفيلا بحكم بقا بوحدو مبغاش يسكن مع فاطمة زهراء عيات معاه حتى قنعو اسر بحكم لفيلا كبيرة عالاقل حتى يولي قاد براسو ويرجع لدارهم....
اسر : صباح لفل حبيبي....شوية هبط لعنقها بقبلة نارية ....طلع لفمها بقبلة عمييييييقة... اممم اش كديري
اروى : باستو بوسة خفيفة في فمو...والو اعمري غير كنتاصل بنسيبة مكاتجاوبش تاصلت بعادل قاليا بلي معاه وتيليفونها سيلونس جايبها من الكلية...
اسر : اممم اوك حياتي يلاه نهبطو نفطرو برا عشقت نفطر مع مرتي حبيبتي او ولدي بوحدنا اسرة سعيدة ....
اروى : يلاه نصف ساعة بينما دوشت ولبست ....
من بعد ما دوشت لبست حويجها مع ميكاب خفيف يضرك صفورية وجهها ديال الحمل...هبطت لقات اسر مجمع مع الميمة باست الميمة راسها وكذالك اسر دعات معاهم....قبط ايدها وهما متوجهين لباب حتى كيسمعو صوت رجال قدام لباب مضاربين مع شي حد
اروى : اسر شكون هادشي....
اسر : منعرف يلاه نشوفو.....ايييه شكون اش واقع.....فجاة تحولت ملامحه الى غضب زير على ايديه .....اروى كذالك دهشت لكن رجعت بالور وشدت فضهر اسر من لور....اش جابك هنا .....
اسر : اروى دخلي نتي انا نتفاهم معاها...اش جابك هنا باش من وجه جايا والله كن ماجيتيني مرة تندير فيك شرع ايدي يلاه براااا ديوها من هنا ....
غيتة : سي اسر عفاك انا عارفة غلاطي عارفة اش درت انا كنت عبد مامور كنت مهددة منقدرش نتصرف الى هضرت يطير ليا راسي عفاك انا ندمت عارفة مغاديش تسامحني شكون انا باش تسامحني عدبتك كنعطيك حقن عقاقير صدمات كهربائية...
اسر : سكتيييي سكتي براااااا....
غيتة : عطيني غير فرصة نهضر معاك .، عندي دلائل وثائق ضد عبد الاله دخلو لحبس مدى الحياة الى عطيتيني عشرة دقايق من وقتك وبعدها دير فيا لي بغيتي كنترجاك....
اسر : علاش جايا تالدابا علااااش،،علاش مساعدتينيش فوقيتة كنت ضعيف ومحتاج لي يعوني ونتي كنتي عدوي احد ناس لي عذبوني علاش تاتشافيت ورجعت اقوى ذيب لا يقهر...
غيتة : انا ملي وقع مشكل هروبك من سبيطار،،،بقا عبد الاله تيقلب بالحس عليك والو ملقاكش قتل الممرضات لي كانو مقابلينك،،كان بغا يقتلني ولكن انا سمعتو قالها لدكتور محمد فالبيرو بانه بغا يقتلني رجعت لداري وهزيت حوايجي موقفت تالفرانسا عند اختي مت تما وانا مخبيا ملي سمعت بلي عبد الاله من واحد الممرضة صديقة ليا كنت كنتاصل بيها كانت كتجيب ليا جميع اخبار المصحة بغتني انه هرب ملي حكمو ليك برجوع ممتلكاتك فايد زوجتك...ومحمد معرفوش ليه اتر هرب فنفس نهار لي مشا فيه عبد الاله تما عرفت بلي هما مجموعين بجوج اصلا عبد الاله كان ديما محمد دراعو ليمين فكلشي....انا جيت ونادمة بغيت نعاونك نتمنى تخليني نتبت ليك ونعطيك هاد الدلائل....
اسر : غادي نعطيك عشرة دقايق يلاه معايا لمكتي ويا ويلك ونلقاك كادبة او كتلعبي بذيلك انا لي غادي نعطي شرف لعبد الاله يقتلك بطريقتي....
مشا اسر مع غيتة لمكتب سدو عليهم عطاتو دلائل كانت كفيلة دخلو لحبس كتبت انه اختلس اموال طائلة،،تعذيب كل من اسر والميمة....تبييض اموال واحيانا كان كيتاجر فالسلاح خلسة كل هذا جابتو كانت كتسلت لمكتب ديالو حضاتو ملي كان كيدخل كود ديال كوفر فور وخداتهم دارت ليهم نسخة...
اسر : علاش درتي هادشي قبل ...
غيتة : حيت عارفاه غادي يجي واحد الوقيتة ويتخلص مني داكشي لاش خديت احتياطي الى حاول نهددو بيهم....دابا اشنو غادي دير انا من بعد ماجيت عندك مايمكنش ليا رجع حتى نتاكد بلي عبد الاله خدا جزائو...
اسر : اممم غادي نرسلك مع شي حد من رجالي لواحد البارطما غادي تبقاي فيها حتى ياخد جزائو وديك ساعة كلا واحد يمشي فطريقو كناكد ليك يا ويلك نشم شي ريحة غدر منك نهيك من الوجود وراني نديرها ونفوتها بلا متجربيني مسميني ديييب ....
غيتة : قممم اوك سي اسر انا فالخدمة....
من بعد مكمل هضرتو معاها تافق معاها متبانش هاد المدة حتى يسالي مابدا.....خرجت خداوها رجالو فين قال سابقا وطلع هو لبيت عند اروى...
عاود ليها كلشي من الف الى الياء...طلبت منو يرد بالو كيف مكان لحال ميتيق فتاحد...
اسر : راك عارفاني كنت ذيب وبعد هداكشي لي داز زدت قويت متخافيش حبيبك قاد...
اروى : امممم قاد اي اي ...
اسر : اشنو مالك كضرك شي حاجة!!!
اروى : ههههه لا غير كيرفسني اجي تقيس ...
اسر : اووو عينيه غرغرو كيف لا وفلذة كبدو هديك لي بغات تجي لدنيا تحمل اسمو تسلسل لامبراطورية بناني.... حبيبي بابا شوف صبر مابقا والو وتشرف وديك ساعة غادي نكون اسعد اب فالوجود غير صبر احبيبي...
اروى : كنبغيك ربي يخليك لينا....
اسر : ويخليك حتى نتي اعمري وروحي وحياتي و....انقض على شفتيها الكرزيتين يقبل بشغف ونهم كيجر فشنيفاتها برق ويردد توحشتككك اممم ايييه زگاي بديت وغاد نكمل...
اروى : بشوية را ولدك تما غادي تفسد ليه اخلاقو المجنون لا ههههه ....
اسر : علاه ملي بغيتيني كنت بعقلي اجي لهنا را مزيان هادشي كيعطي فيتامينات انا نقوليك خليييني....ممشا تا دار داكشي لي قاليه راسو ههههه...فانتهت وهما بين احضان بعض احيانا يقبلون بعضهم واحيانا يضحكون ....الى ان نامو..

غرفة 39
مرت شهرين على موت دكتور نزيه....اروى اصبحت في الشهر تامن تقلت بزاف مبقاتش كتمشي لمصحة كيف قالت ليها طبيبة اسر ولا كيقضي ساعتين فالشركة والمباقي فجمب اروى حيت هاد المدة حساسة تقدر تولد حتى فالشهر ثامن فاطمة زهراء زواجها بحسام والحب لي بيناتهم كيكبر نهار على نهار كتسنى بفارغ صبر انها تحمل ثمرة حبهم... عادل علاقتو بميمة غادية وكتكبر مبقاش كيتفرق عليها الا لا خرج مع نسيبة لي اصبحت علاقتهم جد وطيدة ديما خارجين (يا ترى اشنو قصتهم،،،اممم سكينة شوفي ليك فيمن تشدي مشا ليك عادل ليك الله هههه)....
سيداتي سادتي لقد وصلنا الى المملكة المغربية المرجو من الركاب ربط الاحزمة سوف تنزل الطائرة.شكرا.....نزلت الطائرة في مطار مراكش المنارة الدولي( المحاميد هههععععه) بلباس على غير العادة مونطو تروا كار نضارات سوداء...لحية طويلة ياعة روليكس....توجه بلاصة تقديم الجوازات عطاه جواز سفر كان باسم .... ماركو سيشنكو ...تحقق منو الشرطي.... ممكن تحيد نضارات...
ضربات قلب متسارعة ..... Si sinyor....
حيد نضاضر بقا مدة كيحقق فيه .... اوك
Welcom MR marco we wish you have nice time in morocco
Thank you
اتاجه لباب المطار لقا فاستقبالو سيارة رباعية الدفع من نوع hamer H3 نزل منها شيفور وحل ليه الباب لور .....
من بعد ماركب خدا اتصال ....الو
شوف ليلة لقاك في هاد العنوان باش نعلمك امتى تبدا اوكي يلاه...
ههههههههه قريبا سي اسر بناني قريبا والاتي اعضم ندمك على نهار لي فكرتي دخل ليا مس الحبس وزيد عليها الامبراطورية بديت بواحد وهالسلسلة غادية نخليك تعذب كتر من لول حتى نوصل لولدك ا....منتسماش عبد الاله بناني ........الى مخليتك تشوى وتعذب طول حياتك .....


فليلة صيفة حارة....اسر واروى عادل والميمة... وعلي ونسيبة جالسين مور العشا فالجردة...
اليوم اروى هيلي طيبات حيت عارضة علا نسيبة نعرفت كيف دارت لها ولكن.. جاتها الحالة علا الطياب... كيتفكرو ذكريات وميضحكو... عليها....حتا جابت الخدامة التلفون لاروى... اروى: شكون ...الخدامة: واحد السيدة كتقول بلي جارة ختك.اروى انتفضات من جلستها واقفة... اسر حتاهو اروى: السلام عليكم.. ختي عفاك فوليلي واش فاتي لاباس.. شنو عندها...الجارة: انا بنتي معرفتش خرجت نخرج الزبل حاشاك حتابان لي باب الدار مفتوحة تقابلت مع الباب تتبان لي الدار مرونة سمعت شي انين..قربت لقيت ختك مغيبة دابا حنا فكلينك الامل... اسر: نطر التلفون ومعيطوش علا البوليس الجرة: انا ولدي اش عرفني تم قدر تتح كون غي مخاصمة عادي منح بي من زو حج مزوجين نوض انا نكبر المشكل انا كنت باغة غير نعتقها وصافي..اروى: ختي ا اسر معنديش من غيرها اسر: يالا نديك دغيا. عندها علي': حتا انا غادي الميمة عادل ونسيبة: حتا حنا اسر: لا الميمة نتي غتبقاي فالدار وتشربي دواك وعادل غتوصل نسيبة علي: اوف وفيناهو راجلها زعما يكون ضربها وخلاها مرمية غنتفاهم معاه.. اسر:: لا حسام راه فمهمة فمدينة اخرى... ميمكنش يدير شي حاجة بحال ماهكذا.. يالاه طلعو دغيا علي اجي حدايا... حل لاروى الباب اللوراني. اروى: ياربي ميون عندها باس ياربي ياربي.. اسر: خصنا نقولوها لراجلها كيفما كان الحال من حقو يعرف اروى: كنقولها متبقايش بوحدك فيما يكون برا الدار غيبات اجي عندنا او حنا نجو عندك اووف منها..
اسر: هادي هي المصحة دخلو مهرولين لقاو الجارة وراجلها كيتسناو خرج اطبيب. اروى: دكتور عافاك. المريضة فاطمة الزهراء العمراني بنيس
شنو عندها الدكتور: معندي منخبي عليكم السيدة متعرضة لتعنيف وضرب قوي علا مستوى الوجه والراس وكسر فالدراع الايسر... ولاكثر من هذا مقدرناش نقذو الجنين لي كان تقريبا فاسبوعو الثالت..
اروى غير سمعات انو ختها لي امنيتها فهاد الحياة هي داك البيبي خوات بيها رجليها...كون مشدها اسر من ظهرها الدكتور: عل العموم حنا علمنا الشرطة وغتفتح تحقيق فالامر..اسر: نقدرو نشوفوها الدكتور: دابا خلوها ترتاح ملي تفيق من اامخدر تقدرو تشوفوها... الحمد لله علا السلامة اسر وعلي': شكرا دمتور.. اروى: انهارت بالدموع.. بقاو تماك ثلات ساعات التحق بيهم عادل مور ما وصل نسيبة ولكن اسر قالو خصو يرجع للدار ويقابل للميمة حيت شام ريحة دالغدر... باقي كيهضر معاه فباب المصحة... تسمع صوت فرامل قوي حسام عينيه مدماعين ضرب فيهم ودخل كيجري لقا اروى وعلي مقابلينها من الزاج.. حسام': نوضي احبيبتي عمري مازال نخليك.. نوضي يالاه.. ميبقاش فيك الحال مازال يكونو عندنا ولا اخرين... ولكن كنواعدك مول الفعلة مغنخليهش خصني غي نعرف شكون هو.. اسر حط ايدو علا كتفو: انا عرفت شكون... حسام: شكون.. عبد الاله قتل نزيه خبار الجوكر تقطعات... دابا وقلات نوبة فاتي غدا واحد فينا خصنا نكونو علا بال حسام: غناكلو بسناني خصني غي نشوفو..
اسر: بالعقل احسام دابا خصنا نكونو غلا باا نحاولو نحمو بعضنا ونبقاو متحدين... الا برات فاتي غتنتاقلو كلكم للقصر...حتا نسيبة كيفما كان الحال راها منا.. حسام: غي تنوض لي مرتي بالسلامة هاديك الدنيا بلي فيها..
اروى؛ ايييي واماما وااااااع
اسر: مالك
اروى؛ كنولللللد.. واعتقوني هئ هئ اسر: علي سولنا علا قسم الولادة دغيا... جاو الممرضات خداوها للغرفة الولادة... اروى: اسر متخلينيش غنوت.. اسر: كيشد فايدها هانا معك احياتي... ..دخل معاها للقاعة الولادة...علي وحسام مقطعين مرة يمشو لعند فاتي مرة يسمعو لاروى.. حتا تسمع صراخ بيبي صغيور.. اسر دمو ع الفرح تزلو بلا سابق انذار...اروى: ششنو ولدت الدمتورة: ولد فحال البدر.. حطاتو لها علا صدرها ولكن اروى غيبات...من تعبها..
علي عنق اسر ملي خرج من عندها عرقاان تقول هو لي كان تيوللد حسام: تصنع الفرحة ولكن قلبو ضرو حرخو جديد مكاملة حتا اربع ساعات باش فقد ولدو لي مازال مشافوش
اروى: كتفيق شوية بشوية صورة ماواضحاش الضبابة علا عينيها كيبان لها اسر علا الكنبة متكي اروى: بتقطاع فالصوت اسر.. اسر اسر: حياة اسر قلب اسر علا سلامتك...مبروك علينا اروى: فينو ولدي اسر': مع الوليدات الصغار فالحضاانة غي ترتاحي ونجيبو لك..اروى: ختي ا اسر فاقت.. اسر: اه بحرى فاقت...كنت عندها ولكن رجعت دغيا عندك خفتك تفيقي متلقاينيش اروى: بغييت نوض نمشي عندها اسر': حماقيتي ارتاحي اروى: اسر عافاااك الله يرحم والديك عاوني نشوفها عافاااك.. اسر: اوف منك اف راسك قاصح شدي فيا... نهزك اروى: غنقدر نمشي غي عاوني اسر: دوين معاك.. هزها فااكولوار غي عطا الله الصباح بكري مكاينش الناس بزاف ذخلها عند فاتي لي كانت متكية وحسام حداها شاد فايذها غي شافهم دخلو ناض عل الكرسي لاروى لي جلسها اسر.. فاتي بدموع: سمحيلي اختي مكنتش معك..كيفما واعدتك.. مبروك عليك وبي يخليه لك وميحسسكش بفقدانو.. اروى: تلاحت علا ختها هئ هئ انا لي سمحيليا. بسبابي وقع هدشي كامل.. فاتي': لا الهبيلة متقوليش هكذا هادشي مكتاب قدر الله وحنا رضينا بيه المهم هو نفرحو..للفرج الله لي سيفطولنا مع ذاك الملاك..لي جا... ماتبكيش اختي عافاك.. وارتاحي اسر: ختي فاتي كنواعدك نرجع حقك اختي فاتي: عارفة اخويا... حسام: اجي اسر بغيت نهضر معك شوية.. خرحو للبرا اسر': ياك لاباس حسام: فاتي قالت بلي شافت واحد معهم فحال عبد الاله كان بلحية هذا كيدل انو فالمغرب متنكر ومنتحل شخصية اخرى هذا كيصعب علينا المهمة.. اسر: اه هدشي لي كنت. ترن ترن.. اسر: بلاتي دقيقة الو الصوت: مبرووك الف الف مبروك ليك اخويا لعزيز... مقلتيليش كيف جاك الكادو غي انا سبقت الكادو قبل السبوع تهليتلو فخالتو.. اسر: حييواان غنقتللك الا عاود قربتي لعائلتي....
حسام: نتر التلفون الو الو الو.. قطع الجبااان.
اسر': غنربيه غي خليه ليا انا لي كنعرفلو دابا غنرجعو عند البنات حاول متبين والو راهم عيانات... حسام: واخة
رجع اسر: قبل ايد نسيبتو.. وجبين مرتو حاول يخليهم يبتسمو.. هز اروى رجعها
وجاب لها الحاجة لي ممكن تفرحها وتخرجها من مود الخوف والحزن.. ملاكها الصغير... لي غي حطو فحضنها اطلقت للعنان للدموع حارة مخلطين فيها بزاف دالمشاعر...نعم انه شعور الامومة
اسبوع دوزاتو فاتي فكلينيك اما اروى وولدها خرجو قبل... وكلهم توجهو للقصر.. تافقو يبقاو مجموعين حيت قوتهم فاتحادهم كيما نقولو الاتحاد قوة
جروح وجه فاتي بدات كتلتئم واخا باقا الزروقية ولكن جرح قلبها كبير ملي فقدات جنينها خصوصا ملي تتهز قصي بين ايديها تتالم وتتدمع وكلشي لاحظها... داكشي علاش عطلو السبوع شوية حتا تولي لاباس...
نهار السبوع ديال قصي.. كيفما اتفق الكل يسميه...
اروى بالقفطان فالاخضر ملمي بخيط الروح بنونات فالخضيضر ماكياج ثقيل صباط عالي بالذهبي من لون الخياطة... قصي بجبادور جاه تيحمق بالبلون كاسي هاز قصي بلبيسة تقليدية فالبيض مع جيلي مطروز بالذهبي.... جا تيحمق اصلا صورة طبق الاصل من اسر... نازلين مع دروج القصر الناس فرحو بيهم.. تيباركو فاخر الدروج.. اربعة دالعيالات بنفس اللبسة بداو صلااة والسلام جاو موراهم ربعة ديال الولاد من صحاب الهزة المخزنية بعمارية فالذهبي اروى دمعات من الفرحة شافت فاسر لي طلع حاجب هبط لاخر غالباه الابتسامة زعما راه ممسوقش..اروى تفكرات النهار لي قالتلو حلمي نطلع فالعمارية...عنقاتو... بشوية حيت كان هاز قصي.. طلعوها ودارو بيها فوق الكتاف فالقصر كامل فاتي ونسيبة لبسو تكاشط من نفس اللون بزوجهم فالبيج... وعادل وحسام حتا هو ما بالتقليدي... هبطات اروى علا انغام الموسيقى التقليدية.. دارو شويش دالشعبي تحركو الناس المهم ماشي شطحو شطيح الشيكي غير لي بغات تبين حوايجها اجي تشوفو سبوعاتنا حنا الا مكان الشعر تيطير فالسما والارص كتمشي وتجي بالدرديگ ماتما سبوع... فاخر الحفل تنزل الاكل.. وتطلق الملحون.. اروى: عطيني اسر تيبكي نمشي نرضعو ونرجع خليك مع الناس.. اسر نطلع معاك احبيبة اروى: لا غي خليك احتمال نتعطل غنزول القفطان ثقل عليا...طلعات اروى للبيت.. رضعات قصي وبدلاتلو لاكوش... ملي نعس حطاتو علا ناموسيتهم ودخلات للدوش لبسات فراشة بالبيض ونقصات المايكاب...
خرجات كتقلب علا قصي ملقاتوش اروى: اوف منك اسر مبصكقيتيش تقدر تبعدو عليك.. واخا غي شوية نزلات كيبانلها اسر كيضحك مع شريكو.. اروى: اسر فين قصي.. اسر: تضحكي عليا ياك عطيتولك بيدي طلعتيه يرضع.. بلا مزاح اروى: اسر انت لي بلا مزاح.. اسر: كيشوف بحال الا فهم.. اسر: حتااا واحد نيخرج من الفيلا سد البوابات وقلبو كل قنت فالدار شوفو تسجيلات الكاميراات لي لقيتو قرب من ولدي غنقتلو اروى: مخنوقة بالدموع اسر فين ولدي اسر بغيت ولدي اهئ هئ.. جاتها هستيرية تجدب وتعاود وكلشي تيبكي معاها.. اسر: اروى نوضي الله يخليك متخلعنيش عليك خليني نقلب غي علا ولدنا كنواعدك نجيب لك ولدك كنوااعدك.
ترن ترن
اسر: شنو
عبد الاله: ههههه ولدك بوقوص عويناتو فحال ولد النصرانيه هههههههه اش سميتيه بلاتي نشوف الگورميت قصي.. زوينة قصي نخليهالو ماشي مشكل اسر: حسابك معايا انا خلي ولدي بعيد كنواعدك الا اذيتي ولدي نقطعك طراف طراف.. عبد الاله ': هييه سكت انا لي هنا تنهدد انا لي فموقع القوة.. كتسمعع انت بقات فيك غي الهضرة انا دخلت لقلب دارك ولبيت نعاسك من فوق غراشك هزيت ولدك كنت ناوي نستمتع شوية بمراتك غي مبقاليش الوقت عههههه اسر: غنقتتتتتتتللللللاااااك.
قطع وجاتو الهسترية كيهرس فكلشي مخلا حتا ديكور صحيح فالدار
تحول السبوع من فرح الى حزن....كلشي بقا فيه قصي او بالاحرى اروى لي اصبحت حالة لا يحسد عليها....فقدت وعيها خداوها لفوق ضربت ليها نسيبة ابرة مهدئة تبقى ناعسة نهار كلو تاغد ليه هيلي تفيق.....اسر بقا معاه حسام حتى تهدن انصرف المدعويين بعد ما تمناو ليهم يلقاوه ان شاء الله .... من بعد متهدن اسر طلب من حسام يتوجهو المكتب باش يبداو يتحركو....بداو بكاميرات المراقبة ديال لفيلا....لقاو ساعة منها ناقصة .....اذا شي حد عاون عبد الاله داخل لفيلا من رجال اسر ....
اسر شنق على المكلف بمراقبة وصيانة كاميرات الفيلا....
اسر : كيفاش ممسوحة ساعة من كاميرا دويييي كنقسم ليك الى لقيت ليك علاقة بعبد الاله ولو من بعيد نهايتك على ايدي دابا غادي تعاود ليا كلشي .... مطلق منو حتى عاود بلي تلقى تهديد من شخص من حراس لفيلاا هددو بعائلتو...
حسام : اسر تهدن غادي نعرفوه فين كاين نعرفوه غير بشوية
اسر : كيفاش نتهدن وهو بين ايديه ولدي مزال مكمل حتى اسبوعين كيف بغا يكون حالو كن راه جاهل بغا مو بغا يرضع متقولش ليا صبر نتا معارفش بحق.... سمح ليا حسام سمح ليا مقصدتش غير معصب معرفت ولدي اش دار فيه داك الحمار...
حسام : ولا عليك كلنا ممكن نطيحو فنفس هادشي ماشي مشكيل....بلاتي الو....اوك احنا جايين....اسر اش كاين
حسام : يلاه دابا نمشيو را دراري شدو البوديگارد لي عاون عبد الاله باش يدخل لفيلا بغا يهرب عبر حدود طنجة الميريا وصيتهم يجيبوه لواحد الدار يربطوه حتى نجيو....
اسر : يلاه نمشيو دابا....ركب اسر بعد ما وصى بحراسة مكثفة لفيلا وتحلف عليهم لي حاول يلعب بديلو تاهو نهايتو على ايدو وصى عادل يتكلف بنسيبة يجيبها من الكلية لفيلا ويتسناو حتى يجي باس اروى وهيا ناعسة واعدها مايدخل حتى يكون ولدو فايدو.....توجهو لدار كيف دخل مشا جاهل كيجري عطا لحارس قتلا ديال لعصا جاتو هيستيرية كن ما رجال حسام كن قتلو قبل مايقوليه كلشي دواو ليه جروحو وتسناوه حتى يفيق بعد مدة فاق حاول ما مرة ما جوج ما تلاتة ينكر لكن بعد تعذيب واخيرا گر بكلشي وراهم شخص كلفو وعطاه مبلغ مالي وعرض مغري خارج المغرب فاسبانيا....توجهو لداك شخص لقاوه حتى هو عطاوه قتلا ديال لعصا بلغهم بلي خداه عبد الاله مع مجموعة من حراس شخصيين لواحد الغابة بعيييييييدة معزولة جات حدا الواحات لي كاينين فمراكش بالضبط فواحد الرياض من الرياضات ....خلاوه مع بعض من رجال حسام....توجه حسام هو واسر والشرطة من وراهم فاتجاه الرياض....حاصرت الشرطة الرياض....دخل حسام طلب من اسر يبقى حتى يدخلو هما وغادين يجيبوه ليه لكن شكون سمعو خلاه حتى مشا جبد مسدس من مجر سري فالسيارة دارو ورا ضهرو توعد شر لعبد الاله .....دخل يتسلت من ورا جردة ديال رياض .....دخل من كوزينة...ملقا تاحد ....بقا يقلب والو هادشي كامل حسام ملي بغا يبلغو بانهم مايدخلو حتى يتاكدو جا لقا غير البرد هههه ....
دخل اسر بقا يقلب والو قلب رياض كامل لا اثر لعبد الاله ولا لحتى شي حاجة لي دل على ولدو...يلاه بغا يبدى يهرس حتى بانت ليه تقشيرة صغيييورة حدا واحد الباب وانتابه ان داك الباب مدخلش ليه هز تقشيرة شمها هبطت ليه دمعة لا اراديا من عينيه فتح لباب لقاه بيت نعاس معزول....وووو

غرفة 39
ف.ز: اروى حبيبتي ختي عفاك صبري را هادشي لي كديري فراسك مغادي ينفعك بوالو كولي باش يجي ولدك ان شاء الله يلقى مايرضع لبكا غادي غير يهرب حليبك منك .....
اروى: مكتجاوبش كلمة في فمها كتردد جيبو ليا ولدي ولدي ولديي...دابا عاد حسات بمعانات الميمة وكل مكتنطق بهاد الكلمة كتحس بالعافية شاعلة فيها كيف لا وفلذة كبدها قطعة منها مزال رضيع ويلاه عندو اسبوعين ملاك صغير ومع من مع احقر انسان شيطان لا يعرف للرحمة طريق.....
ف.: الو وي حبيبي انا معاها جاييين اش درتو اممم صافي اوك ماشي مشكيل....
اروى : ولدي ولدي جابوه فينهو ولديييييييي جيبو ليا ولدي بغيت ولدي نزلت كتجري تابعاها فاطمة زهراء باش ترجعها والو كانت اسرع منها تبعتها....نزلت اروى وهيا كتنادي باسم ولدي حتى تفتح باب لفيلا وضهر حسام معاه اسر لكن بلاتي بلاتي هاز بين ايديه شي حاجة .....توجه نحوها ودموع فعينيه محجرين ....
اسر : حبيبة هاني واعدتك ووفيت ها قصي جبتو ليك سالم غانم .....نعم كان قصي لي هاز بين ايديه بغيتو تعرفو كيفاش لقاه.....
فلاش باك.....
بقا اسر يقلب لا اثر ليه يلاه بغا يستسلم لغضب ولدموعو حتى كيلمح تقشيرة صغييييورة ديال زيادة فلون اصفر عرف بسرعة البرق انها ديال ولدو حيت كانت مصيباهم ليه لميمة بايديها وكانت كتعطيهم لاروى هزها استنشق ريحة لي فيها ريحة ولدو كتعرفو ريحة دراري صغار كتكون فيهم ريحة خاصة وزوينة ولو تبقا نهار كامل تشمها متقنعش....نزلت من عينو دمعة لا اراديا...يلاه هز راسو حتى بان ليه باب نفس لون الحايط دفع بايديه تحل دخل حتى كيكتاشف انه بيت نعاس كبير فيه ناموسية شوية حتى كيسمع صوت انين طفل صغير مشا يجري لقا كونة وفلداخل ديالها قصي كينغش فيها هزو بسرعة كيبوس ويقول مابست ويشمشم فيه فجاة كتبان ليه وريقة فيها "هههههه انا خليتو ليك كانذار لمرة جايا غادي نخطفو ولكن عمرك تشوفو غادي نقتلو حتى تعوضو بواحد اخر مشاء الله عليك تقدر تجيب حتى عشرة غاد نعاود نخطفو بطريقتي لكن حتى نشوف ضحية قبل تسنى لي جاي ههههههه " ....يلاه بغا يدور حتى كيدخل عليه حسام ولبوليس.....
حسام : رياض خاوي لكن بلاتي قصي معاك كيفاش ....عطاه اسر الورقة.... خداو اسر وقصي جابو ليه طبيب طمانهم عليه واتاجهو بيه على الفور لفيلا......
عطاه لاروى لي شداتو واطلقت العنان لدموعها تبكي وتبوس خلات الكل يبكي معاه بادلات اسر بابتسامة وهو كذالك مشا باس جبينها وعنقها هيا ولدهم لتتشكل صورة اسرة صغيرة .....
اشرقت الشمس لتعلن على يوم جديد.....الكل فالفيلا بطلب من اسر وحسام وفاتي حتى هو نسيبة الكل تما.....في بيت نعاس ديال اسر واروى...ناعسين متوسطهم قصي اسر معنقهم بجوج او نقولو مخشيين فيه بجوج خههه فجاة فاق قصي.....حست بيه اروى فاقت بقات كتشوفيه كيلع بايديه ويخرج لسانو بحركة اطفال....
اروى : ثباح لخيييل حبيب مامي فيك جوع اجي ماما نرضع مواح ...
اسر : صباح الخير اغلى معندي.....
اروى: صباح نور حبيبي انا نرضع قصي ونتا دوش باش نزلو نفطرو...
اسر : وانا
اروى : نتا اش
اسر : اممم والو غير ولدتي ونسيتي ولدك الكبير حتى انا بغيت بحالو تبوسيني ولعبي ليا فشعري وترض....
اروى : ااااااسر....انا مشيت نبدل ليه ورضعو اجي تبدل ليه نتا ليكوش بينما ....مجات فين تكملها تالقاتو طار لدوش ههههه( تاليكوشة ملاعبش هههعععههه)
من بعد نزلو بجوج هازين قصي ....في طاولة الفطور الكل صبح عليهم وبارك ليهم برجوع ولدهم ....استغل اسر فرصة وجود حسام وعادل وطلب منهم يتوجهو لمكتب باش يهضرو...استاذنو ومشاو
في المكتب ديال اسر ....
اسر : حسام انا متاكد غادي يتصرف باش يادي شي حد منا خاصنا نتحركو باش نعرفوه فين كاين شي حاجة ولو بسيطة توصلنا ليه مبغيتش نعطيهم دلائل والوثائق لي دينو حتى نشدوه بين ايدينا غادي تصرف نتا وحتى انا بالنسبة لعادل غادي نكلفو بنسيبة تكون كيف ضلها الى ضطريتي تمشي لخدمة رسل معاها جوج الاشخاص موثوقين سمعتيني وتكلف حتى بديك غيتة راك عارف فين رسلتها انا غادي نتصرف باش نجمع عليه اكبر قدر من لوثائق لي ضدو ....
حسام : كن اكيد حنا غادي نديرو اكتر من جهدنا باش نعرفوه فين مخبي عرفنا مواصفاتو دابا جديدة من داكشي لي خبرتني بيه فاتي...غادي نديرو لازم
عادل : انا موجود فاي وقت بغيتيني ولكن بغيت نخبرك بحاجة مزال معارفهاش وسمح ليا حيت مقلتها ليك حتى لدابا لكن كان خاصني حتى نجيب دليل لي يتبت هاد الهضرة لي غاد نقوليك....
اسر : تكلم كنسمعك....
عادل : نغم
اسر : ضرب ايدو مع المكتب حتى تشق....متعاودش تجبدها ليا سمعتييييي
عادل : نغم مقتلتيهاش نغم....عاود ليه كلشي ملي ضرب نغم ولكسور لي وقعو ليها حتى جا عبد الاله وقتلها....مشعر براسو حتى جاتو ضربة لوجه.....
حسام : اسر اش درتي خليه عالاقل يشرح ليك علاش مقالهاش ....
اسر : حطرتو شحال من مرة ميخبي عليا والو ومسمعنيش عطيتو فرصة وخانها علاش مقلتيهاش ليا علاااش مخليه يهددني تا دا ليا كلشي ااا ولا
عادل : لا اخويا لا الا هدي نرجع نفكر فيها مستحيل نموت الف موتة ومنرجعش نخونك...انا خبيت عليك ولكن كان بشكل مؤقت حيت بغيت حتى نجيب دكتور لي كان مشرف عليها.... من بعد ما تصالحنا مبغيتش نقولها حتى نجيب دليل...
حسام : اشنو درتي لقيتي دليل...
عادل : وي من بعد جهد جهيد قدرت نجيب تسجيل كاميرا كياكد ان عبد الاله دخل لمستشفى فوقت مننوعة فيه الزيارة وبالضبط فلجناح لي فيه نغم قدرت نجيب غير تسجيل لي كيوضح انه دخل عندها فساعة متاخرة من ليل هيا لي كاينة حيت فاش شفتو كان كيخنق فيها كان ضلام وكاميرا فشومبر مكايديروهاش لخصوصية المريض،،،،الا بشق الانفس حيت عامين باش وقعت الواقعة وكان خاصني رشي المسؤول على الصيانة بعد شحال هيلي اقتانع مشينا الارشيف وخديت تسجيل دوزو ليا ف فلاشة....فاش كنتي كتسول عليا وكيقولو ليك انني خارج نسهر انا كنت موصيهم يقولوها ليك او شي مرات كنقوليهم الى سول عليا راني خارج نسهر مع صحابي ....كنت كنمشي نقلب على دكتور لي قلت ليك كان فديك الايام فاش جابو نغم وهو لي حضر ليها تا ماتت وفحصها وعطا تقرير انها ماتت نتيجة الضرب المبرح لقيتو وجبت معايا رجال باش خطفناه وخليناه بعد مدة غير ولبارح هيلي اعتارف بان عبد الاله لي مهددو وعطاه مبلغ مالي كبير بزاف تا بدل تقرير بلي ماتت نتيجة اختناق من فعل فاعل الى موت نتيجة الضرب المبرح عطاني تقرير الحقيقي وتقرير مزور كان داسهم وسجلت ليه فيديو ديال اعتراف كنت كنتسنى حتى تلقا قصي ونعطيهم ليك كلشي واجد وكانت هدي هيا لفرصة لي نقوليك فيها هاني قلتها...
اسر : اففففف حقيييييير احقر واوسخ واشر مخلوقات الله من عبذ الاله مشفتش هادشي كامل حقد جاي الوقت اشيطان وتلقى الله فهادشي وعلى ايدي انا ذيب اسر احمد بناني......
دابا غاتجيب ليا هدكشي لي عندك ونزيدوه على دلائل لي عطاتني غيتة زيادة على شهادتك انك شفتيه كيخنقها وكيهدد بقتلك باقي الان نعرفو بلاصتو....فينك الحقير فيييينك....
فغرفة اسر ...اروى ناعسة حداه... وبالقرب من السرير مهد صغيور باللون الازرق ناعس فيه قصي..... اسر ممد علا ظهرو معلي راسو بمخدة وساهي فالسقف..
قصي بدا كيبكي...
اروى: واخا اماما هاني... هاني يالاه اوبلا اجي نرضعو حبيبي فيه الجوع هزات ولدها انتبهات لاسر... اروى: حبيبي منعستيش الزوج دليل هادي اسر: لا مازال مجانيش اروى:، نقدر نعرف علاش وفاش كتفكر اسر: اوف والله معرفت عليا حمل ثقيل. ..هاد الناس كامل لي فهاد الدار مسؤولين مني ومنبغيش شي واحد يتآدى بسبابي يكفي غي العم نزيه الله يرحمو.. وحسام وفاتي لي فقدو ولدهم او بنتهم والله حتا راسي غينفجر.... لوكان غي بان لي ناكلو بسناني ولكن هو كيتخبا كيف الفيران... اروى: رجعت قصي للمهد ودخلات للفراشها حداه... احنا عارفين ومقدرين مجهودك.. وكلشي تيقولها فغيابك حنا فرحانين معك.. انت لي جمعتينا من قبل ومازال جامعنا فدارك ولو رجع بينا الزمن مرة اخرى اكيد كنا نعاودو لي درناه بكل فرح.. اسر: اجي عندي حبيبتي ضمها.. والله غي نتي بكلام وتشجيعاتك لي كتشجعيني وكتخلني نحس بقوة كبيرة الله يخليك ليا اروى:الله يخليك لنا انت كلشي لي فهاد الدار محتاجلك وقصي وانا اكثر منهم عطي للخاطر لراسك ربي كبير واكيد غينصر لحق..اسر: ياربي.. عرفتي بعض الاوقات كنتعجب كيفاش كبرت مع واحد قتال بحالو وكنشوف لحكمة دالاب ديالي ملي كان ديما نافيه.. تيقولي عينيه عامرين بالغدر وانا فداك الوقت مكنتش كنفهم بالعكس كنت كنحن فيه وكنعاونو.. عمري تحاسبت معاه.. فالفلوس... كان كيكمل دياولو وياخد ديال عادل ويجي عندي... كنعطيه بحب حيت كنشوف فيه خويا لكبير اه شحال كنت ساذج وحمق اروى: انت عمرك كنتي ساذج انت انسان مزيان بزاف وقلبك كبير ولكن خسارة ناس كلشي ماشي بحالك... انا دوزت معك اقل من عام... شفت انسان لو كنت نركبو خصلة خصلة مكنتش نلقاه فحالك فخورة بزاف بلي انت بابات ولدي وفرحانة حيت انت الشخص لي باغاه قلبي..
اسر: انا فرحان بيك نتي حيت اختارت لولدي انسانة محبة وتعاون بلا متنتظر المقابل ولي بلا بيها مكنتش انا في حي دابا...هدتيني العائلة لي تحرمت منها اروى: كنبغيك.. اسر: كنموت فيك
دق دق دق دق
اروى شنو كاين
اسر: انا نفتح.. غي فتح الباب وترامات عليه فاتي.. كون مشدهاش كانت غطيح علا ركابيها
اسر: شنو واقع مالك اختي.. اروى: شنو كاين خلعتينا فاتي: حسااام
اسر: مالو واش وقعات ليه شي حاجة...فاتي: تحول للتحقيق ومنعوه يخرج من لابريگاد لقاو فالطوموبيل ديالو صاك دلفلوس... ودلائل مخصهاش تخرج من ولاية الامن يعني قضية رشوة وخيانة امانة اسر: لا ميمكنش ايديرها حسام صاحبي لسنين طويلة.. اروى: معايا ختي نوضي اكيد غنلقاو شي حل.. فاتي: اش المعمول دابا.. اسر: عنتقرف وغنضطر نستخدم الحاجة لي تنكره نفوذي ومعارفي فوزارة الداخلية اكيد غنلقا لو شي تخريجة....
غي صبرو خليكم قويات.. اسر دخل بدل حوايجو... فاتي: نمشي معك يمكن يحتاج محامي.. اسر: هههه لا المحامي فالامور الواضحة حنا غنستخدمو.. وحدة من شرور المغرب العميق فحاجة خير... الرشوة والعلاقات تهناي الالة راجلك.. انا غنجيبو لك ارتاحو..
اسر: اروى بلا منوصيك خودو الحذر ديالكم... يالاه باي اروى: الله معك.. فاتي: شكرا ليك... قبل جبين مرتو وختها ..وخرج..
اتقل بكاع لي كيعرف... كتاب دولة.... موظفين كبار.. ولاة.. كلهم واعدوه بلي مطلع الشمس حتا يكون تحل المشكل وقف فباب لابريگاد سنترال... كيتسنا يشوف واش وعدهم تنفد... حتا كيبان لو حسام.. خارج... وعلامات الخيبة علا وحهو.. قبل مايوصل لطونوبيلتو عيط عليه اسر وبلا سابق انذار مشا عندو عنقو... حسام: شفتي اش وقعلي اسر: عرفت كبشي وانا متآكد القضية فيها ان.. حسام: معرفتش كيفاش اصاحبي السيارة عاد عطيتها تغسل الصباح وتسنيتها حتا تغسلات مكان فيها والو اللعبة لي دارت لي دارت فوسط المركز.. اسر: هدشي علاش كنقترح عليك تاخد كونجي هو اكيد مخلص شي حد مراقب تحركات وعارفك شنو كدير بالتفصيل ولكن الا غبرتي من لابريكاد ومن الواجهة غيتوتر غيشك بلي راك كتوجدلو شي قنبلة عمرو يقدر يدير شي حاجة غيبقا ديما خايف من ظهورك.. حسام: بصح كلامك صحيح غدا ناخد كونجي شكرا بزاف.. راني شفت تعاملهم معايا قبل الاتصال ومور الاتصال عرفتك بلي انت مولاها عمري نسى خيرك... اسر: وعلاه انا لخاطري هههههه انا كنت ناوي نخليك تگلاصى شوية.. ولكن اخويا مرتك الا بدات لغوات غي صافرة اندار والسلام.. مسكينات لاهي لا اروى مخلوعات خليتهم كيساينو.. حسام': والله حتا تلاقينا مع بنات الناس.. يالاه نفطرو معاهم فالدار مبغبناش نحسسهم بالخوف والخطر مازال اسر: واخا هي دابا والحمد لله علا السلامة مرة اخرى حسام: الله يسلمك علا بونت كنت نخسر خدمتي وبالشوهة من الفوق...
اسر': ايوا الستار الله..
دخلو للفيلا.. اروى وفاتي لي فراسهم الخبار هوما لي تعرضو لهم فرحو بزاف لي نقزو مكيدة عبد الاله هاد المرة... طلبو يخلو الامر غي بيناتهم باش ميزيدوش يوترو الاجواء فالدار...دخلوولقاو علا طاولة الافطار...الميمة وعادل... اسر: فين نسيبة اعادل واش خليتها مشات بوحدها.. اروى: لا راها مزال ناعسة عندها التدريب بالعشية اليوم.. عادل: اجي بعدا فين كنتو علا النبوري اسر: فطر.. وخرج فيه عينيه عادل: لا لاصافي عندي شي غرض نقضيه... باش نرجع نوصل نسيبة فالوقت.. الميمة: سير اولدي الله يسر لك ..باس راس الميمة وايديها.. هز قصي من عند اروى حتا باسو وخرج..
بعد الزوال
نسيبة نازلة بحويجات شيك.. واول مرة دايرة مايكاب.. وطالقة شعرها.. اروى:، ايه ده كلو ايه دكلو... فين كان مخبي هدشي نسيبة: شفتي ختيتك الصغيرة فننة اروى: عارفة يالالة داكشي علاش ناوية نبيع بالغالي... نسيبة ': يخليلي الخبيبة ام قصي اروى: جراتها من ودينتها اجي لهنا متلفيش الهضرة شنو سر هاد الشياكة.. هاي هاي هاي والمكياج الالا.. نسيبة:، ايي ايي واطلقي عافاك.. راني تعطلت سمعي الكلاكس ديال عادل برا اروى: هممم وانا نفهم... بوسي ايدي ونخليك تمشي نسيبة: اروى حرااام عليك اري نبوس اروى:، لاصافي بدلت رايي عطيني تعنيقة.. ههه تعانقو.. اروى فنفسها الله يفرحكم... ويجمعكم فالحلال ويبعد عليكم كيد هذاك الشيطان..
عادل: اشنو هاد تعطيلة
نسيبة: وا مرت خوك دارتلي الديوانة بزز باش خلاتني نخرج.
عادل: الصراحة عندها الحق بيني وبين هاد الزين كلو غي ديال الدار
نسيبة: عاااااديييل بلا بسالة
عادل:، هممم صافي هاهو يالالة ساكت
وصلها لباب المصحة داروى لي كتدرب فيها
يالاه بغات تنزل عادل: نسيبة نقدر نطلب منك طلب
نسيبة: مرحبا علا الراس والعين عادل:، تقدري تخرجي ليوم بكري شوية نسيبة: خدودها حمارو كيف ديما بغاو يديمارو.. هههه بخجل همم واخا الستة نكون سالايت عادل: وانا من الخمسة تلقايني منشور هنايا.. كنتسنا البرنسيسة
نسيبة': اغيييت..
هرباات بالحشمة كون بقات عشرة ديال الثواني كون سحفات لو تماك..
فالعشية لقاتو كيتسناها فالسيارة.. ناعس هذا دليل انه من ايمتا وهو تماك.. ياودي ياودي لي معول عليه اسر يحميها..نسيبة: دقات فالسرجم.. عادل: ا ا ا اهلا نسيبة يالاه طلعي.. نسيبة؛ ههههه الطريق كامل وهي كتضحك بلا حس هو شافها ولكن مييك ولا كيتجنب يشوف فيها عرف بمجرد مينطق غتفرشخ بالضحك..
وصلو لحي سكني راقي.. ونزل فتح لها الباب..
نسيبة بتردد فين حنا و عا باش جايبني لهنا
عادل: كتيقي فيا
نسيبة: اومات براسها ااه مدلها يدو عادل: ايوا تبعيني..
دخلو للعمارة سكنية هاي كلاس... تفتح المصعد اختارو الدور الرابع... نسيبة بان عليها التوتر ولكن ملي وصلو لباب شقة وفتحها عادل سرعان متحول التوتر للدهشة
تحل الباب وكانت الشقة روعة تحففة بتصميم اروبي اروع اثات قليل ومنظف.. واجهة زجاجية الوان باردة كتدخل البهجة وتبعت الراحة فالنفس... طلب منها تغمض عينيها... سايراتو وهو شاد فايدها تمشاو بضع خطوات ملي حلات عينيها كانت غرفة.. كانها جزء من ريسطو عالمية.. من تنظيم فطاولة الاكل لي عليها مالذ وطاب ولا من الوان لاناب وسغفييت ولا من الوسيقى الهادئة...
عادل: تقبلي تتعشاي معابا نسيبة: ببابتسمة طبعا... جلسو علا طابلة دالاكل..
تبادلو اطراف الحديث هدرو فكلشي مخلاو حتا حاجة..
ححتا قاطعهم اتصال اروى: الو فين كاينة سولت عليك فالمصحة قالولي خرجتي من مدة وتخلعت عليك.. نسيبة: فالصراحة فالصراحة خطف منها عادل التلفون. عادل: ختي اروى راها معايا عرضت عليها للعشا قلت نبدلو الجو ونفرحها شوية.. اروى:، واخا ماشي مشكل استمتعو بوقتك. غي انا واسر تخلعنا عليها والسلام. يالاه كملو عشاكم بون ابيتي عادل: شكرا ختي..
كملو اكلهم.. عادل وقف سد الصدفة دلافيست ومشا قاصد نسيبة لي فاخر الطبلة.. عادل: دوموزيل نسيبة تسمحيلي بالرقصة نسيبة: هههه جنتل مان... عادل: ههههه جرها وبداو كيتنايلو علا انغام موسيقى كلاسيكية.. كل مرة كيقربو لبعض اكتر وكتنقس السنتمترات بيناتهم حتا حطات نسيبة راسها علا صدرو ولات تابعة دقات قلبه فالرقصة ماشي الموسيقى
عادل: نسيبة. نسيبة: هممم عادل: كنبغيييك
هنا بعدات عليه ورجعات جلسات حتا هو ماشي من العاجزين رجع وقفها مسمعتينيش كنبغيك وكنموت عليك كنتسنا غي تدوز هاد الظروف ونطلب ايدك... مترفضينيش الله يخليك ومتقتليش احساسك تجاهي راني حاس بيه نسيبة: حتا انا عادل: نتي شنو نسيبة كنبغيك.. بلا سابق انذار طار علا شفاها... وكانت هادي اول قبلة ليهم.. مباشرة بعد اعترافهم بزوج.. دقات قلبهم متسارعة شوية وتوقف

براااااااق
اويلي اش هدشي زعما يكون قلب

غرفة 39
طيييييط طيط طييييط طيط....في غرفة بيضاء فيها الالات دايرين بيه بسلوكة موصولين ليه ....فتح عينيه بشوية عاود سدهم شعا ضرو فعيينيه عاود فتحهم بشوية حتى بدات الرؤية توضح ليه....بصوت مبحوح بالكاد كيتسمع....
عادل : نسيبة نسي...بة
كان حداه ممرضة سمعاتو كيهضر مشات تجري بلغت طبيب لي جا بسرعة البرق شافهم كل من اسر وحسام واروى وفاتي لي كانو فالكلوار جنب غرفة الانعاش..... دخل عندو طبيب فحصو ....خرج اكد ليهم انه تجاوز مرحلة الخطر حيت كان فغيبوبة دامت اسبوع نتيجة الضرب المبرح لي تعرض ليه اسفر عن اصابة بليغة فالراس تم كسور على مستو الرجل والايد ليمنة.....حالتو الان مستقرة نوصيكم يدخل عندو واحد بواحد حتى نرجعوه لغرفة عادية....
اسر : شكرا دكتور انا غاد ندخل عندو دابا ....اروى حبيبي سيري نتي وفاتي طلو على نسيبة واش فاقت وردو ليها لبال من نوبة لا ترجع ليها تاني ....مشات اروى وفاتي عند نسيبة دخل اسر وبقا حسام كيتسناه برا.....عند عادل
اسر : عالسلامة اخويا خلعتينا عليك ياك كنتي بغيتي تمشي وتخلينا مبقيناش فيك بلاتي غير تبرا ونعاود لخويا واحد الطرح نسيك حليب مك ... توگض معانا مزال محتاجينك شوية دابا ...
عادل: نسيبة فينهيا واش طرا من من.....نزلو دموع من عينيه من بعد متفكر اش طرا اخر مرة ...
اسر : ششششش نسيبة بيخير هيا دابا ناعسة خليت اروى وفاتي عندها وحسام راه برا ششش متقول والو حتى تبرا ولينا كلام كن اكيد مبقا والو ونفرسو بايدي غير تهدن انا سبابكم انا لي غادي نفككم...
عادل : اش طرا من بعد وكيفاش عرفتينا فين كاينين...
اسر : تعطلتو تشطنا عليكم عيطت تيليفونك مكيجاوبش ،،شوية جاني اتصال ملي قلبت لقيت اسمك كيتاصل جاوبت كنسولك فينك حتى كنسمع صوت نسيبة مقدرتش نفرز اش كانت كتقول سوى كلمة عتقونا....وقطعت الخط امكن لحضتها فقدت الوعي ملقيت كيف ندير مشيت ل GPS تبعت تيليفونك وعرافتكم فين مشيت انا وحسام لقينا المكان عمار وبانت لينا طموبيلتك طلعنا ليها كنقلبو حتى كنلمحو بابكم محلول وكلشي مهرس ومشتت لقيناكم فهداك الوضع ونسيب...
عادل : الحقييييييير تعدا عليها اغتاصبوها قدام عيني حقييييييير....بقا يتركل حتى جات لممرضة خرجات اسر وضربت ليه ابرة مهدئة ونعس....
اسر : حسام فكرتي فاش كنفكر...
حسام : ليلة نبداو فيها.....
اروى كطل على نسيبة من زاج ديال لغرفة فين ناعسة كتحسر على موصل بيها الحال هاد الفتاة لي فمقتبل عمرها كيف غادي تقبل من بعد كيف غادي يكون الحال بعادل لي شهد على الماساة لي تعرضت ليها محست الا ودموع نازلين من عينيها غصة فقلبها غيض من راسها لي مصانتش الامانة لي بقات ليها من الاب لي رباها من نزيه اللي طار حتى هو فغمضة عين ....وهيا غارقة فتفكيرها تحطت ايد على كتفها دارت لقات اسر وراها كيطبطب عليها مهضرتش انما كانت لغة العيون كافية ماهيا الا ثواني ترمات فحضنو لكبير دافي رغم كل شيء الا انه كيبقى مركز الامان ليها ولولدها سندها ضهرها حاميهم بجوج روحها وحبيبها ونصفها تاني....حتى هو خشاها فيه واعتاصرها قبل شعرها بهمس ....
اسر : حبيبي انا واعدتك وغاد نوفي غادي ناخذ حق دكتور نزيه هو الاول تم عادل ونسيبة بغيت فقط دعم منك انك تبقاي قوية مهما كانت الضروف تبقاي فجنب عادل ونسيبة هما دابا فحاجة ماسة لينا عالاقل عادل ممكن جروحو طيب لكن جروح نسيبة مع زمن غادي يورينا....
اروى : علاش كتقول هكا فين غاتمشي وعلاش ناوي دوي راك خلعتيني...
اسر : قبل شفتيها بعممممق ....حبيبة متخافيش مغادي يكون والو لكن خاثنا نتحركو انا وحسام فاقرب وقت،،،خاص نلقاوه باي طريقة كانت تسنينا لكن هو كل مرة كيغفلنا ويديرها بينا خاصنا نتعاملو معاه بفعايلو هكا غادي لقاوه بسهولة....وهكا نهنيو البشرية من شرو هذا ماشي حقد هذا منبع الشر شفت تاعييت ومعمرني شفت اشر منو مكنتش متوقع يخرج منو هادشي عائلتي نتي ولدي كلشي فخطر عييت وانا كلا ليلة نبات نفكر ... اوك حبيبي متخافيش انا غادي نكون ديما فجنبك ومعاك غير صبري معايا ومتخافي من والو...
اروى : انا كنت وغنكون وغانبقى وديما فجنبك وكنبغيك ونموت عليك منقدرش نعيش بلا بيك جزاني الله بيك منفرطش فالنعمة لي عطاها ليا الله الله يخليك ديما فجنبنا ومعانا ومعايا.....
اسر : كنمووت عليك .... قبلها قبلة طوييييلة شغوفة تحمل في طياتها حب كبيييير كلنو كيقوليها زوديني بالقوة لي محتاج فهاد الايام جايا... يا ترى علاش ناوي اسي اسر البناني ....
دازت يومين اخرى نقلو عادل من غرفة الانعاش الى غرفة عادية كانت جنب نسيبة عيا مامرة مازوج يخليوه يمشي يشوفها لكن كلا مرة كان كيتحججو ليه انها ناعسة او عندها طبيب او او كلا مرة واش.... خلاهم حتى خرجو من بعد ماطمانو عليه ودعوه ومشاو لفيلا تاكد من مغادرتهم ....نادى على الممرضة تعطيه عكازات لي حداه بحجة بغا يدخل لمرحاض "حشاكم" من بعد ماخرجت توجه بخطى تقيلة لباب بقا يتعكز بيهم طل لقا تاحد مكاين توجه لغرفة لمجاورة ليه فين ناعسة نسيبة ...حل لباب ودخل لقاها ناعسة كي الملاك لكن وجهها شاحب مخطوف منو دم باين عليها العياء والارهاق مشا بشوية تالجنب سرير ....گلس حداها كيتلمس فشعرها بحنان وعينيه مغرغرين ...شوية بدات كتفيق غير حلت عينيها بان ليها عند راسها اطلقت العنان لدموعها دموع غزيرة اكتفت بالبكاء والانين...
عادل : شششش حياتي كلشي غادي يفوت انا بجنبك عمرني نتفرق عليك بغيتك وغاد نبقى ديما نبغيك ولو يطرا لي يطرا نتي حياتي عرفت بنات حتى عييت من مختلف الجنسيات وعمر شي وحدة قدرت دخل لهنا (كيشير لقلبو) نتي دخلتي ومعمرك تخرجي انا كنبغيييك وغادي نتزوجو ان شاء الله ونساو كلشي نتي معندك تا ذنب ذنب ذنبي انا لي محميتكش منو خ..
نسيبة : عادل حاول تنساني انا مبقيتش مناسبة ليك شرفي ضاع حياتي دمرات حتى ولو غادي تبقى الحادثة فبالي اشمازيت من راسي مبقيتش ناسبك كلشي مشا يا ريت تنساني وتخرج ...دورت راسها لجيهة لاخرى...
عادل: دور وجهها بزز عندو ...سمعيني عمرني نتفرق عليك بغيتي او كرهتي انا ليك ونتي ليا وعمرني نسمعك مزال عاودتي هاد الهضرة انا بغيتك لعفويتك برائتك ضحكتك ماشي لجسد ديالك ماشي نتي اول وحدة يطرا ليها هكا وزيادة على ذالك انا شفت كلشي انا الملام الوحيد معمرك مزال تعاودي هاد الهضرة نتي ديالي وحدي وتاوحدة ماتجي فبلاصتك جوج كلمات منعودهمش غير نبرى وغادي نتزوجو بغيتي او كرهتي سمعتيني اممم...
نسيبة : اكتفت بالصمت ....خداها فحضنو ضمها ليه بكل قوة مابقى مايتقال سوى الصبر....بقاو معانقين بعضهم حتى قاطعهم دخول .....
تحل باب الغرفة.. كان حسام... حسام: ايو الله ينزل عليك اللعنة يالمومسيخ.. فريفر تطير مع الطيور هدشي غي مدشدش... كانت هادي اول ابتسامة... يبتسم عادل ونسيبة مور الحادث.... مور حسام... كان الشخص لي ماعرف بالحادث غي اليوم ومن الجرائد...اسبوعين وهوما كيكذبو عليها نهار الحادث قالولها بلي عادل ونسيبة..جاو مور منعسات باسوها قبل..ميسافرو مع صحابهم.... مستاصاغتش الامر ولكن.. حاولات تمثل انها مصدقة... كل كتسولهم فين تيقيلو مكاينش لي يجاوبها..حتال هاد الصباح عاد قرات فالجريدة... اعلان باسم... موظفي البناني جروبس كيتمناو الشفاء العاجل لعادل بناني اثر الاعتداء لي تعرضلو... تصدمات.. لقات حسام داخل يبدل حوايجو ويعاود يخرج لصقاتو يجيبها لعندهم... ضعف امام دموعها رغم انو اسر موصيه مايخليهاش تشوفهم... حسام فالطريق عاودلها كلشي طلب منها توقف مع ولدها ونسيبة هاد الوقت لي محتاجينها فيه داكشي باش مسحات دموعها...وقوات راسها عاد دخلات..
الميمة: تبارك الله علا وليدي امير ولالة نسيبة.... وجهكم منور.. تبارك الله علاش تيقولو بلي راكم مراض.. عادل: لميمة شنو جابك.. الميمة: مجيتش عندك جيت عند بنتي...
عادل: ماما
الميمة: علا سلامتك ولدي حبيبي... حسام ولدي تقدر تعاون امير يمشي للغرفة ديالو حتا نجي عندو.. حسام: اهاه... الا يدك اخويا... تسناتهم حتا خرجو... نسيبة: بغات تنوض تجلس.. الميمة': خليك مرتاحة.. ابنتي... ولا تبغي نقول كنتي. نسيبة: خالتي فالصراحة.. انا منستاهلش... الميمة: شش اش غتقولي نتي مكتسوايش.. الي دارو ديك الفعلة هوما لي خصهم يحشمو من راسهم... والناس دالمجتمع لي تيشوفو المغتصبة مذنبة وماشي ضحية هوما لي متيسواش.. انا مزال تنشوفك نسيبة بنتي الي هادي شهرين تتبات معنقاني... وتنحس بيها بنتي لي معطانيش الله مازال تنشوفها نقية وصافية ومازال نفتخر ونتمنى تتزوج بولدي.. نسيبة: لا لا الميمة هئ هئ الميمة: دابا كلامي ومجيتي مسوات عندك والو ابنتي... بلاتي...ناضت مشات للباب سداتو وتاكدات بلي مكاين حد
الميمة': اليوم.. اليوم غنعاود لك سر دفنتو كثر من 34 عام..ولكن قبل خصني نسولك واش غتحفضي لي هاد السر نسيبة': حركات راسها باه.. وكتمسح فدموعها.. الميمة: ملي كانت عندي عشرين.. عام.. كنت كنخدم غواحد الادارة عمومية كنت زوينة بزرف وكنت فرحانة بجمالي ..المدير ديالي كانت شاب وسيم.. بزاف.. حاول يتقرب لي مامرة مازوج...بعد مدة من قلبي لكلامو الحلو والمعسول وليت كنخرج معاها طبعا فالسر لادارنا ولا الناس لي خدامين معانا.. عرفو حتا لواحد النهار..قبلت نزورو فدارو...تعدى عليا... وهددني الا قلتها لشي حد يقتلني...رجعت للدار محطمة.. مقلتها لحد وخدمتي سمحت فيها.. حتا بداو كيبانو عليا اعراض الحمل تماك عاقو بيا والديا قتلوني عصا وتبراو مني...وخرجت للشارع مكاينش لي تقبلني لا خدمة ولاسكن.. كنت كنتمنا الموت وكنلعن هاد المجتمع... حتا نهار لي ضرباتني سيارة..فرحت بزاف مورها اني فقدت داك البيبي لي كنت كنعتبرو نقمة ولكن هاد الحادث جابلبكي الفرحة... السيد لي ضربني هو بابات امير.. كان طبيب... هو لي دار لي العملية.. عاودتلو قصتي... وعرض عليا المساعدة تزوجني وولكن بقينا 8 سنين عاد تولد امير حيت الاجهاض تسببلي فعقم مؤقت والباقي كتعرفيه غتقولي هادي كتعاودلي قصة حياتها ولكن انا بغيت نقولك اني عشت نفس التجربة غي انا درتها بايديا ونتي ربي كتبها عليك... وبغيت نوصلك انو بابات امير عمرو نقص مني او عاملني علا اني بلاشرف بالعكس كان كيحترمني وانا متاكدة بلي امير غيعاملك بحسن من ديك المعاملة.. انا ليوم كنطلب ايدك لولدي وكنترجاك تقبلي..وفتحات ذراعاتها... تماك ترامات عليها نسيبة كتبكي... موافقة اخالتي.. موافقة ..
اسر: اروى اروى فينك اروى: هانا فالدوش بشوية تفيق قصي... اسر فتح الباب متتخافيش تدوشي بليل بوحدك.. دابا يخرجلك شي جن اروى: شيرات عليه بشمبوان تفو عليك عارفني كنخاف وكتخلع فيا.. اسر: ايوا خليني نونسك... لاح حوايجي فغمضة عين ودخل معاها تحت الدوش. اسر: توحشتك بزاف اروى: هبيل ياك انا ديما معاك اسر: همم ديما معايا غير هو فهاد الظروف عمري قربتلك والقراحة راني شاد راسي عليك غي بززز.. بلا سابق انذار لاح عليها لفوطة وخرجها لفوق السرير... وبدا المرحلة رقم واحد: التقبيل من اسفل القدمين لقمة الراس مرفوقة بملامسات كانت كافية لاشعال فتيل الرغبة عند الروى المرحلة زوج: اروى بادلاتو فيها التقبيل... لكن مكتافاش كان طماع وبدا عملية اجثثات الصدر من الجذور مع لعق الاذن.. والرقبة.. اسر مغمض عينيه: بهمس فوذنيها شحال هذا مخليتلك شي تذكار. اروى: لا عافاك.. ماقدة علاشوهة مخلاهاش تكنل كان طبع طبعة كبيرة فالجانب الايسر من عنقها... المرحلة الثالثة : لقاء العمالقة.. لي ختار هاد المرة بوز فرنسي.. ظهرها علاصدرو ايديه بزوج مطوقين بطنها.. كلام معسو يهمس فاذنيها.... فنفس الوقت انفاسو كتقطع لانو قايم مجهود كبير... كيدك الجبال..... حتا وصلو لقمة النشوة وتراخو علا السرير... حتا فيقهم الكافر بالله.. متخلعوش ماشي عبد الاله.. غي الجوع الكافر لي قبط قصي.. ..كان كيبكي فاقت اروى... حضرات الرضاعة لقصي.. لعبات معاها شوية ورداتو لبلاصتو... خافتو يعاود يفيق ولما مابقالهاش.. هزات الترمو.. ولبسات بينوارها نزلات للموزينة... كتطيب فالما... حسات بالتخرشيش مورها...تخلعات مشات كتقلب علا مصدر الصوت طلات من السرجم.. كان البرد والاشجار كتحرك... سداتو مزيان. كتصبر راسها بلي هداك غي صوت الاشجار مع الدخلة دبيتها.. لقات شي حاجة خلاتها تغوت بخر جهدها خلات كاع لي فالدار ينوضو اسر خارج غي بالبوكسر... حسام وفاتي بحوايج النعاس لميمة حتا هي لي معمرهم شافو شعرها خرجات بيه طالب الشتا... كانت دمية مقطوعة الراس لابسة نفس اللباس المطرز بالذهبي والبيض لي كان لابس قصي فالسبوع ولكن هاذي مابيضاش كانت غرقانة فالدم... اروى كترعد.. اسر عنقها شش صافي احبيبة راه بغا غير يخلعنا.. اروى: ولدي ولدي الميمة: بسم الله عليك ابنتي هاهو ولدك.. ناعس ارتاحي... حسام شاف فاسر...تفاهمو غير بالعينين... بشفاهو لي تحركات.. باليوم هو اليوم...
اسر اتصل بشركة الحراسات وطلب يغير الطاقم.. كامل..
وطلب من الكل يمشي ينعس حيت عادل ونسيبة غيخرجو فالصباح بكري
هز ولدو حطو حداهم فالسرير ونعس بينو وبين اروى اروى لي تمخششات فيه ومازال كترعد من المنظر لي شافت قدامها ضمها ايه وطمنها بلي هاهو ولدها حداها وبلي مغيسمحلوش يتآذى.. حتا داها النعاس اما اسر.. فمطاحلوش الجفن علا خوه.. الله اعلم باش كيخطط
فبار...لوڤان غوج... كان حسام مريح علا الكونطوار....كيشرب ويعاود. ....حتا وصل حد الثمالة. ...حسام بصوت كيبين انو سكران مكمل': زيدني قرعة اخرى )الي قراتها بللحن.. معلللمة)
البارمان: اسيدي هاد القرعث الثالثة..
حسام: دفع دوك الكيسان كاملين.. ماشي شغلك كتخلصو عليا.. حمار حيواان.. يالاه جاو باش.. يهزوه لڤيادرة ...حتا بانت ايد شيرات لهم بخيليوه...
الشخص جلس حداه فالكرسي علا الكونتوار..الظابط حسام. .. كنظن بلي خلصتك المتواضعة مختخلصش ليك هاد الخساير كلشي لي درتي... حسام؛ ماشي شغلك.. الصوت: اولا... نسيبك البناني مهلي فيك..هاهاهاها.. كان فهاد الوقيتة حسام.. نزلوعلا الكاس لي مدولو الشخص جعمة وحدة... بدات الضبابة كتنزل علا عينيه حاول يدقق فالوجه لكن مقدرش يميز الرؤية... كانت صلتو بالعالم انقطعات... هزوه رجال مرابعة لاحوه فكوفر سيارة سوداء رباعية الدفع...
بعد ساعات
حسام مكتف علا كرسي خشبي.... يالاه بدا كيفتح عينيه حتا كان تكب عليه سطل ديال الثلج بارد.. حساام توگظ فهاد اللحظة... حقق فالوجه لي كان قدامو.. كان عبد الاله بصباط كيلمع فالجلد الاسود معطف وسروال من نفس اللون تبدل شوية علاقبل شيبات جنب شعرو ولحية كتيفة وممرتباش..حسام: هاهاهاهاها كان عليك ديرلي شي فيديو قبل متكب عليا الثلج.. عل الاقل نلوحووفالفايس هاد الايام راه موضة اختبار الثلج.. عبد الاله: طنز اوليدي طنز... مازال غتمنى تخرج ديك الضحكة ومتلقاش كيفاش... حسام: ههههه شوفو شكون كيهدد فار القوادس... مخبي فحالهم مبدل من شكلو لابس الاسود.. منتحل شخصية اجنبي.. مخبي فهاد المكان المهجور ومخبع وسط عشرة دالرجال مسلحين هذا الا ذل علا شي حاجة كيدل انك ماشي راجل عبد الاله: معصب قراك ولد النصرانية متقول حسام: هو راجل عليك وانا ممحتاجش لي يقولي فك يدي وواجهني راجل لراجل... انت مكتفني حيت عارف اني كنشكل خطر عليك.. هنا عبد الاله تعصب... وبدا كيضرب فحسام بوحشية... حتا كان غيقتلو.. عبد الاله: كيف جيتك راجل ولا لا.. حسام؛ ههههههه الرجلة صعيبة عليك.... هز سلاحو من عصبيتو.. شهد علا روحك الحيوان اليوم نقتلك... قبل ميضغط علا الزناد بجزء من التانية بدا تلفون حسام كيصوني.... هزو عبد الاله كان الاسم لي طالع اسر.. هنا ضحك بشر... عبدالاله... كيبانلي مازال غنحتاجك. ...مزيان نيت توفرو عليا وندفنكم فقبر واحد

غرفة 39
عبد الاله: غجاوبو حسام: لا مغنضخيش بصاحبي.. عبد الاله: مرتك... كتكون فمحكمة الاستئناف مع 9 بالضبط اش بان لك تجاوب ولا نجيبها تونسك حسام: اه نجاوب... عبد الاله فتح السبيكر...
حسام': الو صاحبي.. اسر: مالك اخويا غابر من البارح. .شوف راه بغيتك فشي حاجة مهمة حسام: شنو هي اسر: متتقالش فالتلفون.. حسام: غي قول اسر': لقيت اوراق ومستندات تدخل الشيطان للحبس حياتو كاملة.. بغيت نشوفم دابا عبد الاله هنا كيشير لحسام باش يجيب اسر.. حسام': اسر كنفضل نتلاقاو فشي بلاصة بعيدة علا الدار.. اش بان لك فولحة النخيل لي فالخرجة... اسر: اه عند بلاكة ديال اشغال البناء وانا نص ساعة ونكون تما.. عبد الاله بتاسم بشر.. وكيضرب فوجه حسام بشوية بمعنى برافو عليك
بعد 45 دقيقة فالواحة
عبد الاله وحسام فسيارة وزوج سيارات عامرين برجال مسلحين... هنا عبد الاله توتر.. عبد الاله: ناري ومايجيش ليوم نقتلك باقي مكملهاش... كتبان لهم سيارة خفيفة فاللون الغري..كتقرب بشوية تكون غادة بشي عشرين كيلو فالساعة بلا سابق انذار رجال عبد الاله نزلو عليها بوابل من الرصاص.. ردوها غربال....
هنا ترجل من السيارة عبد الاله وبمشية كلها كبر وخيلاء بايدو فجيابو... قاصدها ابتسامتو الشريرة كتشمت فرخان انو قتل اسر.. ولكن المفاجئة كانت كبيرة ملي جبدو ليه رجالو دمية..علا شكل ادمي من السيارة... مجا فين يعيق بالخدعة كان حسام دار امارش لطونوبيل عبد الاله وبعد حد الشوف... عبد الاله: بالغوات ولاااد الحراااام مكييدة مكملهاش طوقاتو كثر من خمس سيارات.. فوحدة منها اسر.... اسر: رمي سلاحك ولا نفجر لمك راسك انت وياه
بلاي باك
اسر ملي نعسات اروى ناض من حداها..لقى حسام كيساينو فالجردة حسام: عرفت دابا بلي عبد الاله كيسكر كل ليلة فلوڤان غوج.... اسر: فتح ودنيك مزيان وطبق هدشي بالحرف.. >شرحلو الخطة<تسر: متآكد بلي غتصبر للعصا.. حسام: نفديك بروحي ااسر ومتنساش بلي هدشي مدرب عليه..
اسر كان كيسمع للحوار لي كان تيدور بين حسام وعبد الاله بجهاز تصنت كان مع حسام داكشي علاش اتصل فاخر لخظة قبل مايتيري فيه عبد الاله..
عبد الاله؛ نتفاهمو اخويا اسر عافاك نتفاهمو بلا متقتلني
اسر نقز من سيارتو: هممم مغنوصخش ايدي فيك غنقدمك للعدالة ولكن قبل... اسر كيحك يديه مع بعضهم باستمتاع...
غنلعبو شوية غنتفنن فتعذيبك..
عبد الاله طاح علا ركابيه لاااااا

اسر : هزووه من هنا ربطوه وحطوه فطومبيلتي لور وسبقوني لبلاصة لي قلت ليكم،،اجيو نتوما معايا ...
خداو عبد الاله من بعد مريطوه مزيان فسيارة اسر لور بقاو حداه اسر واحد من رجالو واتاجهو فرا لبلاصة فين داير مع حسام وعادل في مستودع مهجور ....وصلو خداوه وربطوه فكرسي جا كل من عادل وحسام عطاوه قتلة ديال لعصا لكن كان عادل اكتر واحد تجنن عليه حيت هو سبب فاش اعتاصبو ليه خطيبتو قدام عينيه برد فيه جنون دنيا ولاخرة لولا تدخل حسام كان قضا عليه نهائيا،....
حسام : دابا خاصنا نسلموه البوليس ...
اسر : اكيد ...
خداوه جرتيلا ديريكت لمخفر الشرطة سلموه وعطاوهم وتائق والدلائل ديال كل جرائم لي قام بيها من قتل اختلاس تبييض اموال اغتصاب ....حتى لمشكلة اسر .... توجه لتحقيق ومن وراها لسجن حتى تحين محاكمتو لكن فهاد المدة استغل عبد الاله لفرصة وتاصل بالمحامي ديالو ....
عبد الاله : شوف اي طريقة تخرجني من هنا واخة تعرف تهربني مستحيل نتسجن بهاد السهولة تصرف باي طريقة كانت لي بغيتي نعطيه ليك يكفي انك تخرجني من هنا...
المحامي : سي عبذ الاله صعيب انك تخرج مكاين حتى ثغرة فالقانون لي نستغلوها باش نخرجوك سوى....
عبد الاله : لمعو عينيه .... دير لي عليك

صباح صباح جديد ...فيلا البناني ....
اسر : اروى اروينا حبيبي اجي را قصي كيغوت
اروى : من ورا لباب ديال دوش ...اسر ليوم تبدل ليه هيا ليوم ...حبيبي انا كنعوم بليييز شوفو را خاصو يبدل ليكوش متخافش را غير پيپي مداير والو بليييز حبيبي
اسر : هااااا فينهيا دادا تبدل ليه اجي را كسر دنيا غوات ...
اروى : اااااسر دادا مكايناش مشات هيا ولميمة يتقداو داكشي لي خاص لعرس ديال عادل ونسيبة وبدل ليه را عقلو غادي يخرج...
اسر : اوووووف اجي اولدي اجي احبيب بابا اكيد ماشي ليكوش اجي نشوف....اعععععع واعععع لاااا افففف
خداه فوق الطابلة لمخصصة لتبديل الاطفال نعسو فوقها حيد ليه سروال وحل ليه گغونوييغ واخيرا لكوش هههه
اسر : شوف هانتا تقدر تبدل راسك ...اروى حلت لباب بشوية حاضياه وميييتة بالضحك من منضرو وهو داير مقبط على منخرو هههههه وليگات اودي يا ودي على ديييب قهراتو رائحة العبق هههخخخ
قصي : واغغغ غوووو اغغغغغ هووو
اسر : يا بسم الله غير هو حل ليكوش فضهرت الخيرااات مناجم لماس اقصد مناجم الفضلات يا سلامم على رائحة رائحة الحليب المفرزز
اسر : حيدها شوية بشوية حبة حبة واخيرا بدل ليه ومسح ليه يلاه بغا يدير ليه ليكوش وهيا توقف عليه اروى ميتة بالضحك ....حبيبي منضركم كيقتل بالضحك ااااهههههههههههههههههههه
اسر : كضحكي شديه كملي ليه انا مشيت ندوش اوووعععع
استمر ليوم روتيني اسر ممشاش لخدمة عالاقل هاد السيمانة حتى يحضر عرس عادل ويتقرر موعد جلسة النطق بالحكم لكل من عبد الاله ودكتور سابق محمد وغيتة وكل من شارك عبد الاله فجرائمو....بعد ايام تحدد موعد الجلسة لي كان هو نفسو يوم عرس عادل للاسف فاطمة الزهراء مغاديش تحضر لعرس نسيبة حيت هيا محامية دفاع لاسر ونسيبة وعادل وحسام ضد عبد الاله غادي يحضر اسر لكن لمدة قصيرة حيت خاصو يحضر لمحاكمة كشاهد وكمدعي الاول فيما يخص عادل فوكل كيف قلنا فاطمة زهراء تنوب عليه....
وصل اليوم الموعود نطق بالحكم .....
لقد قررت المحمة العليا للجنايات الحكم على عبد الاله بناني باحالة اوراقه لطبيب النفسي المحلف لدى المحمكة نضرا لامكانية اصابته بمرض عقلي وبالتالي ارساله الى مستشفى الامراض العقلية حيت يتواجد الطبيب المحلف لدى المحكمة...تانيا الحكم على دكتور محمد الزايدي الطبيب المحلف السابق لدى مستشفى ابن النفيس سابقا وحاليا مستشفى اروى بناني بالسجن لمدة عشر سنوات بتهمة المشاركة فالاختلاس والقتل اضافة الى خمس سنوات بتهمة استغلال مهنته في تعذيب مرضى المستشفى وممارسة اشد انواع العذاب وتزوير تقارير كل من اسر بناني و عاليا المروازي (الميمة) وسحب شهادته المهنية والجامعية بصفة نهائية وبذالك تصبح عقوبته السجن لمدة خمسة عشر سنة نافذة وغير قابلة للطعن،،. الحكم على غيتة ميسور بالسجن لمدة خمس سنوات قابلة للطعن .....هذه كانت عقوبة كل من ساهم في تستر على مجرم او الطمع حيت طمع لا دين له مهما كان الضلم او الحگرة او او شر الا وكينتاصر الخير فالاخير،،، بغيتو تعرفو علاش تحالت اوراق عبد الاله لعلاج نفسي ... رجعو معايا فاش هضر مع المحامي وعطاه الموافقة يتصرف...كانت خدعة من محامي انه يعطي رشوة لطبيب نفسي اخر ويمتل عبد الاله بالي مصدوم مينطق ميهضر ويدير راسو كيدخل ويخرج فالهضرة ويضحك ويبكي غير راسو بدون سبب باش يتبت انه مريض نفسي وهكا يسهل عليه انه يهرب ...جابو ليه تقرير وقدموه لوكيل الملك دازت جلسة قدمو فيها وتائق ضد عبد الاله وتدخل محاميه قدم تقرير بان عبد الاله مريض نفسي وظطرو يزيدو جلسة اخرى يحضر فيها محلف وهنا اسر عرف بخطة عبد الاله لكن مدوزش عليه تلاقا بحسام وخبرو بالخطة جديد انهم يوضفو طبيب نفسي محلف لدى المحكمة ويعطيوه اجر مضاعف باش يجيبو عبد الاله لمصحة ديالو ....
كملت المحاكمة تسدت القضية وتقرر ترحيل عبد الاله لمصحة في اليوم التالي من المحاكمة ....خرج اسر وفاطمة زهراء وحسام توجهو على لفور لفيلا فين مقام عرس عادل ونسيبة باش يبلغوهم بالاخبار وتكمل فرحتهم فرحتين....كمل لعرس لي داز من لروع من اروع ما يكون سافر عادل ونسيبة في شهر العسل فالمانيا....
بعد مرور ست اشهر ...رجع الكل لعمل ديالو اسر لخدمتو اروى لمصحة ف.ز وحسام واخيرا رزقهم ربي وعطاهم هدية جديدة لي هيا حمل فاطمة الزهراء بمولود جديد رجع ليهم لفرحة لي غادرتهم من بعد فقدانهم لمولود الاول.....سكنت نسيبة وعادل فبارطما جديدة فحي بالقرب من فيلا اسر ولميمة سكنت معاهم حاول معاها اسر لكن رفض عادل بحكم بغا مو تبقى معاه وعمرو يتفرق عليها كتعاملها نسيبة كتر من مها لي تخلات عليها....

طق طق طق صوت خطوات متجهة لغرفة من غرف المصحة اتاجه بخطواتو المعهودة الجنتلمانية ...
اسر : شكون مكلف بيه...
اروى : مكلف بيه طبيب لي وضفنا وممرضات معرفة زائد جوج ممرضين لي زدت رجال ...مسؤولة عليهم سلمى ...حلت باب كان باب احد الغرف لي فجناح من اجنحة المشفى رقمو 39...
اسر: بلاش خليه بلا منطل عليه ميستاهلش منديرش نفس داكشي لي دار ليا ربي حاسبو ورجع ليا ولينا حقنا... خلي سلمى دخل الا الى مكانو معاها الممضين لي وضفت فاي لحضة يقدر يغفلكم مزيان ملي كاين هاد البوديگارد..مزلت ممتيقش انه فقد عقلو فعلا كلشي ممكن معاه...
اروى : حياتي را عاود عاينو الطبيب واكد بالي فعلا فقد عقلو وفاي لحضة يدير فراسو شي حاجة خصوصا بعد معرف بمقتل مو فالسجن وسرقة اموالو من احد رجالو يعني مشا ليه كلشي....
اسر : ولو الحذر واجب حياتي معلينا يلاه نمشيو لمكتب ديالك نشوف ديكور جديد ونيت نهضر معاك فموضوع اجي شفتك زينتي هاد الايام شي حاجة كاينة اممم....
اروى : بتلعتمم امم والو معرفتش اجي نمشيو....
دخلو لمكتب فين كاينة اروى بعد جولة فيه واستكشافو دار لقاها مخشية فشي وراق تقدم نحوها بسرعة هز وجهها ....
اسر : توحشتتتك نهار على نهار كتزياني ...بقبلة ساحرة سرعن ما تحولت الى قبلات هائجة نساتهم راسهم فين كاينين حتى دفعاتو وهي كتنهج
اروى : اسر نسيتي راسك راحنا ماشي فالدار...ايييه اسر لا درك يدخل شي حد بليييز
اسر : مغيدخل تاحد متبقايش تقاطعيني كنكره بحال هكا اصلا ميدخلو تايدقو اففف
اروى : شافتو تقلق...حبيبي حياتي انا اصلا دايرة ليك مفاجئة عشية عرض من الطراز الرفيع والى سمحتي تمشي لخدمتك وخليني نسني شي وراق ونمشي نوجدها ليك بينما جيتي اوك حبي...
اسر : اخخخ منك ومن مفاجئاتك وعروضك متعطينياش شي عنوان لهاد المفاجئة غاد نمشي منخدم تاحاجة غير راس الخيط
اروى : نوووو مي لي نواعدك غادي تكون ليلة ناااار
اسر : يا بنزييين انت كن غير خليتيني واحد شوية هنا لحاجة بتخبية كتجي بنينة ...
اروى : ااااسر براااا...

غرفة 39
من بعد ممشا اسر وهو كيتحلف فاروى ليلة تخرج منها يا كان العرض يا مكانش ليلة يفرسك ابتي اروى اش داك خليه يقضي لغراض لا من شاف ولا من دري.....ايوى اجيو نشوفو اش ناوية واش دارت....
كملت خدمتها خرجت من المصحة بطوموبيلتها وتوجهت لسوبيرماركت تقدات شي لوازم خاصة ليلة من شموع عطرية وشكلاط وحتى فريز اش بغاتو الله واعلم ههه امم وتوجهت لمحل بيع بذلات رقص خدات بدلة فاللون احمر قاني عامرة بالموزون من جيهت صدر ومفتوحة من رجل ليسرة فتحة طويلة ولاصقة عاللحم كتبين جميع معالم الانوثة صدر مفتوح على مصراعيه.......بعد مكملت توجهت لفيلا عطات لخدم اجازة بقات غير هيا وقصي رضعاتو دوشت ليه ولبساتو ونعساتو دوشت حتى هيا بمستحضرات عطرية برائحة الورد البلدي ناوية على ليلة بلدية شادة لجدر والديك اودي ا اسر من بعد ذهنت لحمها بزيت من نفس رائحة حطت مكياج دخاني ناري ابرز زرقة عينيها رشت عطر خفيف ....وجدت لبيت من مجاميعو حطت سيدي باغنية "ادلع يا كايدهم" اكاوا....كلشي وجد بقا غير شيخ العرب (تحية لكونتيسة نسرينا ههههه صاحبة اللقب) يدخل وماهيا الا دقائق حتى شرف العمدة بقا يقلب ويعيط حتى طلع لبيت مع الحلة حل لباب وعينيه وفمو وشي حاجة اخرى ناضت هههه
اسر : ااااااااااايون
اروى : حبيبي عييتي اجي بدل حوايجك وسير دوش را كلشي وجدتو ليك انا نتسناك اوكي حوبي
اسر : هاااا فينهو دوش اااا هاني هاني....ماهيا الا عشر دقائق بالحساب حتى خرج كيدار لهاد دوش منعرف .....توجه بخطواتو ليها لاوي على خصرو فوطة خدات ايديه فاتجاه طابلة جلساتو فوق الكرسي وهو يا عيني كي تلميذ المطيع غا مربع ايديه وكيتفرج فيها وهيا كتمايل بخصرها وصدرها المشدود لي ازداد جمال على جمال توجهت لريمونت كنترول تلقت اغنية لي كانت موجدة وماهيا الا لحضات حتى بدات كتمايل وهز يا وز وشيخ العرب خدام كيميل مع ميلاتها وصوت الخلخال لي فرجليها رنتو وصلت مسامعها لقلب اسر...تا ريوگو سالو عرق خرج منو واحد لحضة بغا يجرها وهيا دفعو بحجة حتى تكمل واحد شوية جات تالحجرو وگلست خدات شكلا دايبة وغمست فيها فريزة (هااااكاك ونا نفهم والله منصحابها غابغاتو لعصير كيف موالفة انا هههه) بقات تاكل فيها بغنج كدوزها على فمو وكتاكلها
اسر : احححححح
بقاليها شوية في فمها يلاه بغات تمسحو حتى انقض عليها بالي بيك بقبلة ساخنة كتدفع فيه وهو واااالو جهل سيد مبقاش فهاد العالم يقبل يقبل ويجر ويعض حتى طوش دم من فمها انتقل لعنق يمص ويجر ويلحس وايديه مخشية فصدرها ميلعب فيه حتى مبقاش صبر هزها لوات رجلها على خصرو وايديها ورا عنقو وهو مخشي خدام فالمص والجر والعض رماها فوق ناموسية لاح. الفوطة لي ملوية عليه انتقل لتقبيل سائر جسدها بقاو مدة حتى استعد لضربات وهي توقفو .....اروى :حبيبي بشوية را كاينة واحد الحاجة عنداك تفلق ليه راس
اسر : بعدم فهم ...مفهمتش
اروى : وقع واحد الغلط مع المشاكل مشربتش الپيلول نسيتو او وقع حمل صباح تاكدت ملي درت تيست هدكشي علاش كنت ماجلة نقولها ليك حتى لهاد الليلة

غرفة 39
ايها المارون بين هذه الكلمات.. النابشون وسط الذكرياات
خذوا عبرا.. امثة ورسالات.
فقصتي من مختارات الحكايات..لانها ليست كغيرها.. السابقات.. قصة ابتدئت وانتهت باحدى الغرفات... ابتدآت بشدرات امل..ثم رائحة موت وانتهت.. ببداية الحياة

. . شاف لجيهتنا سيما وسنا... بدات معاكم اروى هاد القصة ولكن انا لي غنهيها قصة بدات من هنا من الغرفة 39 ..وهاهي كتنتهى فيها....هذا فحد ذاتو ميساج.. الدنيا قصيرة.. كنبداو لاشئ وكنتكملو لاشئ مكنديو معانا لا فلوس لا متاع ولاعلاقات ولا جاه ولا سلطة.. مكبمشي معانا غير اعمالنا.. واشنو درنا من اعمال خير...
هنا كملات حكاية اسر واروى والغرفة لي جمعاتهم... كل واحد وشنو مثلاتلو منهم اسر تعذب فيها وضيع سنين من عمرو اروى لقات فيها حب حياتها... وعبد الاله وضع فيها حد لحياتو...
اسر: سلمولي بزاف علا البنات وحدة وحدة مكرهتش نشوفكم وحدة وحدة ولمن الغالب الله اروى كتغير ومتنبغيش نخسرلها الخاطر وهي حاملة... نقولكم الله يعاونك ..نرجع لمرتي ووليداتي..

كنبغيوكم بزاف

#غرفة رقم 39
ااااااااللللللنننننههههههااااااايييييييييية
شكرا ليكم البنات وباسمي واسم Sima Wise كنتمناو اننا نكونو امتعناكم وقدرنا نكونو عند حسن ضنكم وان شاء الله كاين الجديد تعاون اخر بيناتنا فور انتهاء قصتي جديدة وقصة سامية لينا تعاون من نوع اخر وضروري من الرومنسية تكون حاضرة شكرا ليكم بزااااف على صبركم معانا وتفاعلكم لا من قريب ولا من بعيد الى لقاء القريب

قصة و لا في الأحلام , ديجا قريتها كانصحكم بيها