من خوفي مقدرتش نتلافت... هربت للكوزينة ولكن الشخص تبعني.. صافي تفضحت.. وغيقتلولي ولدي.. شديت علا كرشي بغيت نسد..الباب..عليا ولكن تحطات ايد منعاتو
كانت بنت.. كنحاول نتذكر ملامحها مغريباش عليا البنت: واش معرفتنيش معقلتيش عليا.. انا هند الممرضة لي عاوناتك سيمان: حطيت ايدي علا قلبي اوف تخلعت اختي فكرتك شي حد من العائلة كيفاش منعقلش عليك ونتي نقذتي حياة ولدي..
هند: درتها وندمت شوفي حالتك كيف ولات نقدت ولدك ودفعتك لاموت درت خطآ كبير الله يسمح ليا ملي عاونتك مكنتش عارفة مرضك...وكن تشوفي راجلك شنو دار علا قبلك.. قلب المستشفى سفاه علا علاه وكان غيقتلني. انا ولي كانو تماك جهل غوت وبكا وجاتو هسترية..
ومخلا فين ماقلب عليك حتا من البوليس حققو معايا شحال من مرة..
والله مسكين الا قطع فقلبي.. سيمان: هئ هئ عمر هئ انا مبغيتلوش هكدا ولكن هو كان بغا يرزيني فولدي.. هند: دعي من الله يشافيه ليك..بحال داك الانسان ميتعوضش قليل لي مازال كيحب بديك الطريقة...سيمان: كيفاش الله يشافيه..
هند: متقوليش ليا مفراسك والو فين عايشة نتي واش مكتشوفيش التلفزة مكتقراي جرايد مكتدخلي للنت سيمان: لا من نهار هربت اعتزلت كلشي باش منشوفش صورتو ونحن.. عافاك قولي لي شنو كاين شنو واقع ليه هئ هئ..
هند: والله مكنتش عارفة بلي مفراسك والو.. كيف ندير نقولها ليك.. سيمان: قولي عافاك رجليا مبقاوش هازيني .هند: راجلك عندنا فالكلينيك.. دار حادث سير..كان عندو نزيف داخلي فالراس وقدرو يوقفوه ولكن مكيستجيبش للدكاترة مدة هادي.. ..حسيت بالدوخة سندت علا رف ديال الاواني الزجاجية طاح كلو.. تفكرت عمر وكلامو الا خليتيني حتا انا غنتبعك وغنختار الموت.. وحملني ذنب راقيا والبيبي اذا بقاو يتامى شنو.. غندير دابا. البنت: يالاه معايا دابا انا نتسناك دغيا.. سيمان واخا.. تسناي لحت ديك الطابلية حتا انا وطلعت للدار كنجري بدلت حوايجي وجمعت حقيبة صغيرة ديال الظهر.. فيها اهم حاجياتي.. ونزلت لعندها... سيمان: سمحيلي مخليتكمش تاكلو فخاطركم.. هند: هانية اختي ماوقع باس..المهم تلحقي تشوفي راجلك قبل مايموت سيمان: الله ينجيه للولاده .عافاك سربيو.. فتح لي الراجل لي معاها.. الباب.. للوراني.. وانطلقنا بسرعة.. ناحية العاصمة
فالطريق.. لي طالت عليا هاد المرة.. حاولت ندعي من كل قلبي يشافي عمر ويرجعو للولاده.. توقفت بينا السيارة فمفترق الطرق بين الفيرمات.. انا ظنيت انه كاين شي مشكل.. او خسرات السيارة.. سولتهم ولكن مجاوبونيش نزلو من ديك السيارة غير مكثرتين بندائي.. زعمت وانا نزل نتبعهم... سيمان: هند هند شنو واقع..... زوج ادين كبار كنعرفهم مزيان. تحطو علا كرشي.. وانف تدفن فعنقي... تلفت بسرعة.. سيمان بهسترية: هئ هئ هذا انت يالحمار الكلب الحيوان.. كنت غنموت بالخلعة عليك... كنت غنحماق كنهضر وكنضرب فصدرو.. هو كان متبت عينيه الباهتين فيا.. وحابس دموعو بزز من حالتي لي ولات كتشفي... حتا هو ضعاف من وجهو وخلا لحيتو.... هبط.. عينو لكرشي... هاد المرة نزلات دمعة علا خدو قبل ميضمني لعندو بشدة... عمر: علاش اسيمان هادشي كامل علاش خليتيني غنحماق عليك مخليت فيما قلبت علاش تعاديتي مع نفسك وباغية تقتلي راسك وتعدبيني معك.. بعدت عليه وتقابلت مع وجهو سيمان: الا بغيت ولدي يعيش نكون عدوة راسي.. لا انا منسيتش شنو درتي فيا واذا هربت منك فحيت مبقيتش كنحس معك بالامان لي مولفو ليا.. عمر: شوفي حالتك.كيف ولات وزايداها بالخدمة.. وتمارة نتي خصك عناية خاصة خصك متخرجيش من الكلينيك... سيمان: مالها حالتي انا راضية بيها تلفت لهند لي كانت واقفة بعيد سيمان: علاش كدبتي عليا.. هند: انا مكدبت عليك فحتا حاجة كل حاجة قلتها لك بصح وفعلا موسيو عمر كان دار حادث وبقا عندنا مدة فالكلينيك وثاثرت بحالتو وكيفاش كان كيتعدب من جيهتك والبارح بالصدفة جيت لفيلاج وشفتك مع واحد السيدة كبيرة وتبعتك حتا عرفتك فين ساكنة وفين خدامة وجيت قلتها لسي عمر لي رجعات فيه الروح ورسل معايا.. الشيفور ديالو باش نجيبوك بالحيلة حيت عارف راسك قاسح.. عمر: تقدرو تمشيو شير للشيفور باش يوصلها بسيارة اخرى كانت واقفة بعيد.. سيمان: بصح..درتي كسيدة عمر: اه.. وتعدبت كثر بغيابك وتفكير بيك وفحالتك.. راك عيانة مريضة علاش مبغيتيش تفهمي.. مكملهاش ...بدا الدم كيقطر من نيفي.. فتحت الساكادو جبت منديل...
عمر: سيمان مالك طلعي راسك شوفي فيا... شد راسو ملي شاف الدم عمر: من امتا هاد الحالة كتجيك... سيمان: يوماين مور ماجيت لهنا..
عمر: لا.. لا سيمان: شنو عمر: خصك تدخلي للعلاج اليوم قبل غدا سيمان: عاودتاني عاد ماقلت حنيتي فيا.. بعد مني هئ هئ مغنخليكش تقتل ولدي... عمر: سيمان اجي لهنا فين غادية... والله مناديك.. سيمان وقفي نهضرو خليتو كيهضر.. وكنزرب نبعد عليه مكنتش قادرة نجري ولكن هو جرا وتبعني.. عمر'): سمعي انا فرطت فيك مرة مغنعاودش مرة اخرى والله مناديك كنواعدك ثيقي فيا هاد البيبي مغيموتش غير رجعي معايا راه خص يشوفك الطبيب سيمان: تواعدني اعمر متكدبش عليا عافاك هئ هئ عمر: لا والله منكدب عليك.. سيمان: بما انو مابعدناش علا لفيلاج يالاه معايا نودع الناس لي عاونوني ونرجع معك عمر: واخا ولكن منتعطلوش سيمان: دغيا.. غير يالاه..
عمر: طلعي للسيارة ندير مكالمة ونتبعك سيمان: عاود؟؟ عمر: هه متخافيش عطيتك وعد وغنوفي بيه بغيت نشوف غير واش دكتور بن شقرون فالمصحة هاد العشية ولا حتال الصباح سيمان: عافاك خليها حتال الصباح بغيت نشوف راقية والعائلة عمر: والعائلة؟!! سيمان: وي احتمال يشدوني فالكلينيك مدة طويلة خليني نشوفهم غير الليلة عمر: متاكدة ؟! سيمان: متاكدة ومستعدة نسامحهم.. علا لي داروه فيا.. عمر باس جبيني.. كنبغيك يااحن انسانة فالدنيا سيمان: حتا انا كنبغيك وسمح ليا.. عدبتك بزاف عمر: شش متقولي والو صافي ومتبقايش تبكي انا فالطريق.. لي طالت عليا هاد المرة.. حاولت ندعي من كل قلبي يشافي عمر ويرجعو للولاده.. توقفت بينا السيارة فمفترق الطرق بين الفيرمات.. انا ظنيت انه كاين شي مشكل.. او خسرات السيارة.. سولتهم ولكن مجاوبونيش نزلو من ديك السيارة غير مكثرتين بندائي.. زعمت وانا نزل نتبعهم... سيمان: هند هند شنو واقع..... زوج ادين كبار كنعرفهم مزيان. تحطو علا كرشي.. وانف تدفن فعنقي... تلفت بسرعة.. سيمان بهسترية: هئ هئ هذا انت يالحمار الكلب الحيوان.. كنت غنموت بالخلعة عليك... كنت غنحماق كنهضر وكنضرب فصدرو.. هو كان متبت عينيه الباهتين فيا.. وحابس دموعو بزز من حالتي لي ولات كتشفي... حتا هو ضعاف من وجهو وخلا لحيتو.... هبط.. عينو لكرشي... هاد المرة نزلات دمعة علا خدو قبل ميضمني لعندو بشدة... عمر: علاش اسيمان هادشي كامل علاش خليتيني غنحماق عليك مخليت فيما قلبت علاش تعاديتي مع نفسك وباغية تقتلي راسك وتعدبيني معك.. بعدت عليه وتقابلت مع وجهو سيمان: الا بغيت ولدي يعيش نكون عدوة راسي.. لا انا منسيتش شنو درتي فيا واذا هربت منك فحيت مبقيتش كنحس معك بالامان لي مولفو ليا.. عمر: شوفي حالتك.كيف ولات وزايداها بالخدمة.. وتمارة نتي خصك عناية خاصة خصك متخرجيش من الكلينيك... سيمان: مالها حالتي انا راضية بيها تلفت لهند لي كانت واقفة بعيد سيمان: علاش كدبتي عليا.. هند: انا مكدبت عليك فحتا حاجة كل حاجة قلتها لك بصح وفعلا موسيو عمر كان دار حادث وبقا عندنا مدة فالكلينيك وثاثرت بحالتو وكيفاش كان كيتعدب من جيهتك والبارح بالصدفة جيت لفيلاج وشفتك مع واحد السيدة كبيرة وتبعتك حتا عرفتك فين ساكنة وفين خدامة وجيت قلتها لسي عمر لي رجعات فيه الروح ورسل معايا.. الشيفور ديالو باش نجيبوك بالحيلة حيت عارف راسك قاسح.. عمر: تقدرو تمشيو شير للشيفور باش يوصلها بسيارة اخرى كانت واقفة بعيد.. سيمان: بصح..درتي كسيدة عمر: اه.. وتعدبت كثر بغيابك وتفكير بيك وفحالتك.. راك عيانة مريضة علاش مبغيتيش تفهمي.. مكملهاش ...بدا الدم كيقطر من نيفي.. فتحت الساكادو جبت منديل...
عمر: سيمان مالك طلعي راسك شوفي فيا... شد راسو ملي شاف الدم عمر: من امتا هاد الحالة كتجيك... سيمان: يوماين مور ماجيت لهنا..
عمر: لا.. لا سيمان: شنو عمر: خصك تدخلي للعلاج اليوم قبل غدا سيمان: عاودتاني عاد ماقلت حنيتي فيا.. بعد مني هئ هئ مغنخليكش تقتل ولدي... عمر: سيمان اجي لهنا فين غادية... والله مناديك.. سيمان وقفي نهضرو خليتو كيهضر.. وكنزرب نبعد عليه مكنتش قادرة نجري ولكن هو جرا وتبعني.. عمر'): سمعي انا فرطت فيك مرة مغنعاودش مرة اخرى والله مناديك كنواعدك ثيقي فيا هاد البيبي مغيموتش غير رجعي معايا راه خص يشوفك الطبيب سيمان: تواعدني اعمر متكدبش عليا عافاك هئ هئ عمر: لا والله منكدب عليك.. سيمان: بما انو مابعدناش علا لفيلاج يالاه معايا نودع الناس لي عاونوني ونرجع معك عمر: واخا ولكن منتعطلوش سيمان: دغيا.. غير يالاه..
عمر: طلعي للسيارة ندير مكالمة ونتبعك سيمان: عاود؟؟ عمر: هه متخافيش عطيتك وعد وغنوفي بيه بغيت نشوف غير واش دكتور بن شقرون فالمصحة هاد العشية ولا حتال الصباح سيمان: عافاك خليها حتال الصباح بغيت نشوف راقية والعائلة عمر: والعائلة؟!! سيمان: وي احتمال يشدوني فالكلينيك مدة طويلة خليني نشوفهم غير الليلة عمر: متاكدة ؟! سيمان: متاكدة ومستعدة نسامحهم.. علا لي داروه فيا.. عمر باس جبيني.. كنبغيك يااحن انسانة فالدنيا سيمان: حتا انا كنبغيك وسمح ليا.. عدبتك بزاف عمر: شش متقولي والو صافي ومتبقايش تبكي انا لي خصني نطلب السماحة ويالاه نشوفو الناس لي عاونوك.. ر رجعنا للفيلاج.. سلمت علا عمي غسان وخالتي سعيدة وجبت بقية اغراضي
وعمر تعرف بيهم وشكرهم ودعاهم يزورونا فوق مابغاو... وفي طريق الرجوع.. عمر كيبقا سايگ امان الله حتا كيفراني ويطير عليا يعنقني ويديماري تاني المرة الثالثة سيمان: اوووه الا غتبقا هكدا مغنوضلو حتا غدا بحال هاد الوقت..عمر: اعذريني مازال ممتيقش انك رجعتيلي راه معرفتيش الجحيم لي عشت بلا بيك فهاد الاربع شهور
شوفي غنديرها معك من هنا هاد المرة الا قلقتك ضربيني.. تعصبي عليا وعلا عرفتي شنو نشريلك سلاح وتيري فيا ولكن متبقايش تهربي.. وتغبري عليا ضاعت حياتنا وانا كنقلب عليك هالعار.. سيمان: هههه وعلاه انت كيقضي فيك هادشي.ملي كتسيف عليا كتولي كيف شي ثور مكنبقاش نعرفك مكنلقا قدامي حل من غير نهرب.. ههههه عمر مالك سكتي عمر:تعدبتي معايا ومني بزاف الله يقدرني ونعوضك.. سيمان: انا مسامحاك وعمري منقدر نحقد عليك.. رغم كلشي انت احسن حاجة طرات ليا فحياتي...
كملنا الطريق فجو من هاد الاحاديث.. والاعتذارات..
وصلنا للمدينة مع غروب الشمس ..سيمان: عرفتي حلمت ببزاف دالحوايج وحققتهم ولكن ابسطها هي نشوف غروب او سروق الشمس من اولو معمرها كتابتلي.. عمر: نتي من دابا ديري لائحة باحلامك.. ونبداو نحققوها بزوج شنو بان ليك.. سيمان: اكثر متمنياتي دابا هي نشوف ولدي قبل منموت عمر: الصمت.. عارفاه تعصب من كلامي غير مابغاش يقهرني.. وحنا عاد راجعين ولكن هو سولني علا متطلباتي وانا نقولها لو بعفوية.. وصلنا للقصر..كان فاستقبالنا.. اب عمر وشعيب وغادة وراقية.. وفاطمة.. بغيت نقول والدتي.. اما الاب ديالي فغالبا غيكون رجع للمغرب يقابل مشاغلو..
سلمت علا الجميع رغم ان الكل كان مصدوم من الحالة لي وصلت لها ودموع فعين البعض منهم كتفسر بلي عمر عاودلهم مشكلتي...تقدمت ناحيتها ملي كملت منهم ..كانت كتتفحصني ودموعها نازلين معمرين وجها....بلا منطق بحتا كلمة عنقتها وانفجرت بالدموع... بغيت نشبع منها فهاد الايام لي بقات لي يكفي اني تحرمت منها سنوات كثيرة... منزيدش نبعد.. عليها...
حاولو يفرحوني بالتفافهم عليا... وتحضيرهم ليا كاع الشهيوات لي كنبغي ولكن مكانتش عندي شهية استئذنتهم.. نطلع نرتاح وصلني عمر للفراش وغطاني... وبقا جالس حدايا كيمرر يدو علا شعري.. حتا داني النعاس..
الإثنين أغسطس 14, 2017 7:14 pm
