قصة عز الشوق ... للكاتبة : sima wise (سامية اد لامين , SAMIA ID LAMINE)

تيت تيت تيت.. غرفة بيضاء...باردة..الات طبية...شابة جميلة ممدة.. علا سرير اكلينيكي...نافذة زجاجية...هناك..يقف خلفها..شاب في اواخر العشرينيات فارع الطول...بلحية غير مرتبة....لم يفقده.. سهر الليالي الطوال داخل هذه المصحة الملعونة...جاذبيته الرجولية...نقترب منه ببطئ..دونما اصدار لاي صوت....لنرى عيونا زرقاء...صافية كمياه المحيط...يسهل الغرق فيها
الشاب: ذكتور عافاك واش مكاينش حتا جديد فالحالة ديالها
الذكتور.. حرك راسو يمنة ويسارا...ربت علا كتفو.. ودخل لغرفة الانعاش...
الشاب: اوف اوف...علاش اربي..علاش...فيقي عافاك ماتخليناش بوحدنا... انا انا انا السبب الا وقعات لك شي حاجة عمري عمري نسامح راسي
نزل للارض مع الحيط.. ساند راسو معاه...غمض عيونو وكيتفكر فحياتو من نهار خرج من المغرب...
سميتي..عز العرب الصوفي حاليا عندي 30 عام.. تزاديت وكبرت فمدينة الناظور ..
عندي 4 دلخوت...3 بنات...ودري... عشت طفولة عادية كنت لمفشش ديال الدار واخا كنت انا لكبير ....رغم ان الاب ذيالي كان معظم الوقت علينا بعيذ...كان كيقري فالمدرسة العسكرية فمكناس... كنت طفل عنيد...وعصبي وعدائي.. ولكن كنت كنغطي علا شغبي بالابجتهاد ديالي... لحد الان كلشي كان عندي عادي حتال لنهار لي كملت السلك الاعدادي ونجحت بتفوق...فرض عليا الاب ديالي... اني نمشي نكمل قرايتي...فالولايات المتحدة الامريكية....كانت الام ديالي معارضة فكرة نبعد عليها حيت مازال صغير ولكن الاب ذيالي معبرهاش ومسمعلهاش سيفطني مع.. واحد.البعثة...ملي وصلت.. لتماك تفاجئت بلي انا مجايش نقرا
كنت فشبه معسكر تدريبي كنقرا غير ساعتين فالنهار والباقي كلو تداريب...حتا درت 18 ..عام وتقلبات الاية ولات لرياضة ساعتين.. والقراية. عشر ساعات فاليوم.
درست فديك المدة علا الاسلحة الخفيفة والثقيلة وتصنيعها....وملي تخرجت...خدمت فصفوف...الجيش الامريكي...وكنت راضي بحالي.. واخا كنت ديما خايف شي نهار يرسلوني لشي بلد عربي او مسلم نقاتل.. فيه.. كان كلشي فحياتي غادي مزيان كنجي لبلادي مرة فالعام. .تهليت فاهلي فخوتي....وتقوات شخصيتي الكل ولا كيعطيني قيمة كبيرة لافالنغرب لا فامريكا...ترقيت بزاف دلمرات....وحياة دخلات فمايسمى المثالية.. الدار العمل العمل الدار.. كان عندي صديق...حتا هو من مدينتي..سميتو.. ايمن...طبيب عام...و عندي صديق اخر من مراكش شميتو مهدي وهاذ الاخير كان ديجي.. فاحد اكبر النوادي الليلية فنيويورك... هو لي كنت كندوزو عندو الويكاند.. بقات حياتي غدا هكدا حتا لنهار لي عرفت فيه...اول حب فحياتي..
ايمن: تحرك اصاحبي.. وانت كتخالف ليا مع الگور.
عز: اوااه اصاحبي شهالفك ديال البلا بلا هانا موراك.. راه غي كنت كنعطي النمرة لديك الدرية....
ايمن: بغيت غير نعرف اصاحبي واش كديرلهم الطلامس ولا شنو عز.: هاداكشي كبير عليك اعمو...اح ايمانو شوف شوف.الزين...
ايمن: منصحكش اخويا.. هديك راه معرفتيهاش بنت من يالاه نجلسو فديك لاتابل نشربو شي كوكتيل بيدما يسالي صاحبك خدمتو...ونمشو نكملو السهرة فالدار
عز: غتكون بنت شكون كاع... نشاطرك.. الليلة نبيتها ففراشي
ايمن: ههههه متال هادي منضنش غتجيبها غير فعضامك شوف دوك لوحوش لي مكيتفارقوش معاها
عز: هادوك ميخلعونيش... سلخت ماكثر منهم
: ايمن: الا تفكيتي منهم هو ما باها منضنش
عز: شكوناهو كاع باها اش غيكون..بسلاما.. بابلو ايسكوبار...
ايمن:، كثر اخويا كثر.. باها: هو. جيم كيردون.
عز: ويكون ليوم نبات نعاها منفلتش هاد الزين. والزعورية..ايمن: واقيلا مسمعتينيش هادي راه نانسي.. كيردون...باها يقطعك طراف طراف..الا قربتي منها
عز:ههه عارفو اكبر بازون ديال بيع السلاح فالسوق السوداء كلشي عندو مباح... وتطيار الريوس عندو بحال صباح الخ ر تفرج وتعلم
مهدي: هاي العشير...فيناهو.. النقيب ماجاش معك..
ايمن: شوف لهيه راه كيعلق فبنت كبردون ليوم ناكلو شي قتلة.. مهدي': ريلي ويلي علا الحمق نوض نوض خلينا نمشو فحالنا بعظامنا صحاح... انا هنا كلشي كيعرفني ماقاد علاشوهة فخدمتي.ايمن: شش شوف شوف كيف خارج معاها... والبادي غاردات دياولها مهدروش..وكيشوفو فيهم
تلفت فيهم عز وهو حاط ايدو علا خصرها.. بغمزة..ختمها بمعنى ربح الرهان...
علاقتو بنانسي.. خرجات عن المالوف ونطاق الليلة الحمراء واشباع الرغبات والنزوات ديالهم بزوج....تعداتها لعلاقة حب ولاو فيها بزوج مدمنين علا بعضهم البعض.....هدشي عارضو البعيد قبل القريب....عائلة...عز واصحابو....وحتا باها لي مقبلش علاقة بنتو بشاب مسلم..وبدات رحلة العذاب

هاد كيفن مخلا حتا وسيلة لتعذيب العاشقين.. من ضرب..خطف... احتجاز.. ولكن كان كيتلقا الشدة والجسارة من طرف... عز....الشي لي خلا البارون... ييتفاهم بالتي هي احسن... مع هاد الوحش المغربي الكاسر زثلي مرضخش بشتا الوسائل..
رجع... عزالعرب باليل للشقتهم..عز: نانسي فينك حبيبتي....هانا كبتلك المراهم لي وصيتيني باش يتحيدولك السيكاتغيس....نانسي...فتح البيت ..الحمام االبالكون ملقاهاش. دخل للكوزينة لقا ورقة لاصقة فالثلاجة.." واخا تخوي هاد العالم كامل ماشي غير الولاية نجيبك نجيبك"
عز: كيكمش فالورقة كيريب فلماعن كيزآر.. لا لا لا هادا زاد فيه شنو شنو باغا عاود...هز سوارت دطوموبيل...والشرار كيطير من عينيه.... تلاح فيها ومشا بلاعقل حتا وصل للقصر. جيم...والغريب فالامر انو هاد المرة محبسوهش الحراس بالعكس حيياوه وفتحولو لباب...والباديگاردات هاد المرة مضربوهش..بالعكس عاملوه بكل احترام تفتح باب التاني ديال القصر...وكان المنظر غريب زينة واضواء ورود شموع.. مدعويين...طابلة فالوسط...عليها مفوض من المحكمة...وعليها.. جالسة نانسي... البنت الشقراء الفاتنة بعيون خضراء... متوسطة الطول... ناسبها ثوب العرايس كانت فحال الملاك واخا عينيها عامرين بدموع واثار الكدمات بادية علاوجها ومخفاهاش،المكاياج... اثر القتلة لي كلاوها بزوج من اخر مرة هربو فيها...
عز: كيغوت وكينتش فالزينة شنق علا باها...نقتلك الا زوجتيها من غيري نقتلك... كتفهم نانسي ديالي وغتبقا ديالي ماشي انا لي نفرط فحاجتي..
كيفن داير ايده مور ضهرو بابتسامة ماكرة وشكون قالك ماشي انت العريش...عز تراخا منو عز: كيفاش... زعما رطاب وحن قلبك ورضيتي تزوجنا...هييبه راني كنعرفك قلبك حجرة وميمكنش تدير

حجة بحال هادي.. جيم: شوف الوثيقة لي عند المفوض مطبوع عليها سمياتكم بزوج...وصوركم بزوج خصكم غير التوقيع...عز: كتفلا عليا.. جيم:، عمري مكنت جدي كثر من هكدا. عز: هههه لا لا ميمكنش جيم النفعي البراغماتي يتنازل غي هكداك ..قول قول شنو لمقابل... ندوز لك شحنة...فالجمارك.. او نخدم معك... ايوا لاهادي لاديك.. غنجر حبيبتي فايدي وغنخرج مع هاد الباب ومغنتراجعش جيم: هز عينك شوف فجنابك...كانو بزاف درجال مصوبين الاسلحة ليه...عز: حقيير جيم: عندك زوج حلول ياما ترفض عرضي وتخرج من هنا ميت وماشي بوحدك انت وهاد...المتمردة لي مبقيتش كنعتابرها بنتي.. او تقبل.. وتدير شنو قلتلك.. وماشي داكشي لي دكرتي... وتخرج ومرتك فايدك.. نانسي قربات لباها كتشوف فعينيه ودموعها شلا ل.: علاش علاش ايمتا انت اعتبرتيني بنتك ها دوي ياك ديما كتفضل عليا... الفلوش والصفقات ديما دايرني طعم لاعداءك وشركاءك كنكرهك انت ماشي اب نهار لي لقيت الانسان لي بغاني بصح نهار لي لقيت لي يعاوني نصلح حياتي انت وقفتي ضدي..
لا لا عافاك متقبلش اعز متبعيش ضميرك...ومبادئك علا قبلي.. عز: ضامها للصدرو شنو المطلوب!!!
جيم: دابا دويتي...تسهل...ولوج رجالي للمخازن ومستودعات السلاح.. فالادارة لي انت خدام فيها...غنهزو السلاح الاصلي لي تماك ونعودوه بلميوتاسيون ...بلاميعرف حتا واحد ومغيبان حتا فرق بيناتهم فالشكل وحتا واحد مغيعيق بلي هادي عملية سرقة.

وانا موافق.....نانسي: لا انت جنيتي عل الاخر... ابتسة وضمها لصدر...جنيت احبيبتي.. من نهار عرفتك. .. مجنون بحبك وعلا قبل هاد الحب..نقدر ندير اي حاجة.. جيم: كيصفق اوووه اثرتو فيا دموعي نزلو. هههههههه هي: اطلقت العنان لدموعها وتلاحت فحضنو...جرها من ايدها نحو الطاولة التي يتوسطها كرسي المفوض من المحكمة...وقعو علا رسم الزواج.. بزوجهم مبتاسموش حسو بلخبطو.. فالاحاسيس...حب ..كره فرح حزت...المهم انها ولات مرتو مع وقف التنيذ...لانو ممنوع عليها تخرج..من سجنها قبل مايقوم بتنفيذ مخطط حماه البارون..

نهار العملية

عز العرب جالس علا مكتبو مسند دهرو علا الكرسي..ورجليه فوق البيرو..
العسكري: سيدي نقدر نمشي
عز:، اه تقدر تمشي انا لي غنتكلف اليوم بالمداومة
العسكري: شكرا سيدي بلابيك مكنتش نقدر نحضر عيد ميلاد بنتي..شكرا علا توضعك وتفهمك
عز: بابتسامة الله يخليها لك..تقدر تمشي
ترن ترن ترن ترن
عز : الو
جيم: اهلا راجل بنتي.. كلشي موجود
عز: اهلا حماي كلشي موجود
جيم': اذن فتح المخزن لرجالي بعد منتصف ليل غيكونو عنددك
عز:، لا مغندخلهومش
جيم: كيفاش واش رجعتي فكلامك واش مبغيتيش نانسي.. بلا متلعب معايا حيت غادي ندمك

عز: كيما انت عندك شروطك حتا انا عنذي شروطي الا بغيتي تنفذ مخططك.. انا وافقت وانا مزال عند كلمتي انما مغاديش نفتح الباب لراجلك وغنضحي بمنصبي.. وبسمعتي وبحريتي.. وبالجتسية الامريكية
جيم': بمعنى
عز: بمعنى جي بنفسك.. منقدرش نذير الثقة فغيرك
جيم: اووف للحظة ظنيتك تراجعتي...اوك موافق غنكون فالموعد..المهم سلك لنا الطريق
عز: طريقك غنفرشها لك ورد..كنواعدك..
بعد منتصف اليل بدقيقتين....
فتح لهم البوابتين وغبر... ههوما لقاو الدرب سالك وامان... دخلو غيرو السلاح...لكن جيم استغرب غياب ..عز لكن مهتمش كان هدفو هو..الحصول علا السلاح الاصلي لي كان علا الشكل الاتي...الالاف والاف القطع..من المسدسات..من جميع المقاسات
5'5 و7'62 و9 ملم
كلاشينكوف روسي..ام سيس و پي اي امريكي... ماگ فرنسي...ڤال بلجيكي...واخيرا مجموعة من قذائف لهاون. والقنابل اليدوية..
حملو البضاعة ملي بغاو يخرحو لقاو المكان كلو محاصر ومن جميع النواحي...عرفوه دارها بيهم فهاد الاثناء كان عز استغل غياب رجال جيم معاه فالعملية استفرد بالحارسين لي بقاو فالقصر..تضارب معاهم.. بشراسة...حتا استطاع ينفذ منهم... دخل لقا ملاكو حاضنة البوم صور نهار كتب الكتاب الدموع غرقو وسادتها..حملها بين ساعديه... حطها فالسيارة ماستفاقت الا وهوما فدارهم...قبل جبينها وطمنها انو غيرجع فاقرب وقت... توجه للمركز لي غيتحقق فيه مع جيم...مور ماطرگ اكبر محل ورود فنيويورك...فرش الممر لي غيدوز منو داخل المركز بالورد...وجلس فالبيرو ديال صديقو المحقق..لانو هو عسكري معندوش الحق يحقق ..ولكن صديقو الشرطي عطاه صلاحية انو يذخل لمكتب التحقيق...ملي دخلو جيم كان الشرار والحقذ كيطير من عينيه عرفو دارها بيه. جيم: غنذمك غندمك طال الزمن اوقصار..عز: قرب لو باستفزازية شد ياقة قميص جيم بزوج صباع كانو شاد شي حاجة مقرفة.. عز: انت فيك غي الهضرة لحذ الساعة مشفتكش قلتي شي حاجة ووفيتي بيها...علا عكسي.. نبدالك من اول نهار واعدتك بلي عدابك غيقويني مغيهزنيش.. وبلي غيجي نهار وناخد نانسي بغيتي ولا كرهتي.. وصولا اني وعدتك غيجي نهار ندخلك للحبس بايذي... حتال اخر واصغر وعد اني نفرش طريقك بالورود وقذ فعلت.. سابقة فعهذ الاجرام يارون اسلحة فرشت دربو جوري سوسن ياسمين نيرمين..نرجس.. بنفسج
تستاهل.. وتستاهل معاها واحد عشر سنوات سجن
بسلامة عليك... مرتي كتسايني...دفعو عن طريقو وخرج بعد مازدح الباب

عز:صباح الورد حبيبتي...نانسي صباح النور عمري... مقلتيليش كيف درتي خرجتيني من القصر وبابا واش وافق لك عز: اكيد وافق.. راه درتلو لي بغا... نانسي: سمحلي حبيبي بسبابي انا تنازلتي علا مبادئك.. عز: كلو يهون علاقبلك اعمري..المهم قبل مانسا خصنا نجمعو حوايجنا..غنبدلو الولاية نانسي:،فين عز: لوس انجلوس.. نانسي: واخا ولكن انا منقدرش نعاونك فالرحيل.. عز: ياك باك ويهون عليك راجلك حبيبك. يتعدب بوحدو..نانسي.. : وانت يهون عليك ولدج حبيبك يهز الةقل ويتاذى.. عز: ولدينانسي: هههه مالك تتصدمتي حنا مزوجين واكيد غيجي النهار لي نحمل فيه.. عز: لاا متقوليهاش.. انا فرحان بزاف بزاف نانسي: لالا باينة نيت فرحان.. عز: فرحتي كبيرة ومتوصفش اي واحد كيتمنا يكونو عندو ولاد مع الانسانة لي كيبغي ولكن لي صدمني هو نتي كنتي رافضة انو تحملي ..كيفاش حتا بغيتي هكدا. نانسي: ..ملي بدا بابا كيضايقنا فلول.. قررت نحمل ربما يحن قلبو..ويخلينا بزوج...عز: ههم احسن حاجة دار باباك..هزها وكيدور بيها.. نانسي: حطني جبتيلي الدوخة كثر مانا دايخة
توالات الايام والليالي واب نانسي تحكم بخمس سنوات فقط الشي لي كان مجنن عز ولكن مبغاش هاد الموضوع يعكر صفو حياتو مع عائلتو الصغيرة.. عز ترقى مور القبض علا جيم ولا رائد...ونانسي ولدات...بنت كانها القمر فتمامو.. عوينات خضرين فحال ماماها والشعر شهيب غزالة كتحمق...دخلات الفرحة والسرور..لقلوبهم... لن يعكر صفوها... ....وصول خبر سجن جيم لابنته

ملي عرفات نانسي بلي جيم مقبوط فالسجن والسبب عز رغم كل مادار فيها باها ولكن خصوصا انه خبا عليها...بدات كتردد علا السجن لزيارة الاب ديالها....ولي سمم فكرها ناحية عز بشكل غريب...تبدللت نانسي علا عز بشكل ملفت وغريب ولات كتمنعو يقترب منها..او من بنتها....فاحد..الايام دخل عز للدار ملقاش لا نانسي ولا بنتو لينا.. تعصب هز التلفون كيتصل بيها حتا بدا الباب كيتدق...كانو مجموعة من العساكر الي خدامين معاه.. بلغوه بلي خصو..يمشي معاهم للمركز لانو محول للتحقيق..
فعلا تحجز لمدة اسبوع تماك بيد مايحقفو معاه وتهمة انو قدم تقارير ان مجموعة من الاسلحة الجديدة..ذات جودة عالية.. وهي طلعات..باد گام...مزورة...عز راسو قرب ينفجر...اسئلة كانت محيراه وهوما كيقولو لو شحال شديتي كرشوة مقابل هاد الفعلة.... واش ممكن يكون سنا ووقع علا الرابورات فغفلة منو او هدشي وقع بفعل فاعل....استسلم فزنزانتو الصغيرة للنوم من شدة الارهاق والتفكير...وهي تضرب فبالو واحد اللقطة قبل اسبوعين
عز: نانسي بسللمة عليك ردي لبال لينا الا بغيتي شي حاجة اتصلي بيا
نانسي: اوك باي

نع كيسد الباب
نانسي: استنا استنا وقعلي معك هاد الورقة طلبها مني الطبيب لتطعيم لينا.
عز: غريييب
نانسي: اه حتا انا جاتني فشكل ولكن قانون ونظام جديد ماشي غي بوحدي لي طلبوها متي
عز: اوك اوك اريها اريها دغيا راني معطل علا لخدمة عندي استلام شحنات جديدة من الاسلحة خصني نكون حاضر..
يالاه باي

غير داز داك الشريط قدام عينيه وهو يعيط لحارس الزنزانة...طبعا الحوار كان بالانجلش
عز:عافاك نقدر نسولك
الحارس: نعم
عز: شكرن الضابط المداوم هاد الليلة
الحارس:مايك
عز: فتفسو اوف الحمد لله هدا من دفعتي....شوف واش ممكن تقولو بلي عندي افاذة جديدة
الحارس: منظنش يستقبلك..فهاد اليل ولكن انا نقولهالو..عز:،غير قولو سميتي غيبغي
غاب الحارس مدة ورجع ماشي بوحذو رجع معاه مايك...مايك: اهلا اصاحبي مكنتش عارفك انت لي هنا.. ملي سمعت تهمتك دابا متيقتش يستحيل استحالة تامة انت دير هكداك..عز': مكيدة اصاحبي.. انت لاباس مرتاح هنا فمركز التحقيقات الوظيفية..مايك: ابدا اخويا مكنرتاح لاليل لانهار منكرهش نمشي لشي قسم اخر. عز: شفتي دوماج اصاحبي كون خرجت براءة نقلك للقسم لي عجبك..مايك: بلمعة فعيونو بصح... ولكن للاسف.... سكت شوية قولي اخويا شكون هاد الناس لي دبروهالك انا نجيبهم ونخليهم يعترفو عز: قلبو تزير عليه.. لا اصاحبي دوك الناس كبار كيما لعبوها معايا بالعقل حتا انا غنلعبها معاهم بالعقل.. مايك: الا حتاجيتيني راني واجد عز: اه محتاجك بغيت ملف قضيتي نقراه ونشوف موقفي...طلع..مايك من القبو. تعطل شوية ورجع وفايدو..الملف..خداه عز بلهفة وصل لاخر جملة وابتسم. ..مايك: مالك عز: تلقيتها.. كتعرف هاد الخبير الشرعي لي غيحكم واش التوقيع ديالي ولا لا. مايك: وكيفاش منعرفوش... احقر خلق الله..وكون متاكد اخويا الا مشا حتا كان شاد فلوس عند دوك الناس لي قلتي راه يغرقك.. عز': مكنضنش محتاج منك خدمة...غتمشي...لعند الدكتور ايمن الرابطي كاين فالمستشفى المركزي غتعطيه هاد الرسالة وغتاخد عندو الظرف المالي وغتمشي لدار الخبير عنداك تمشي للمكتب غتيير الشبهات... وغتطلب منو يقول فتقريرو ان هديك ماشي السينياتيور ديالي

فعلا داكشي لي دار مشا عند ايمن لي مترددش فلحضة يعطي كل مدخراتو باش يفك صاحبو..بلا ميسول راسو واش غيردهم لو اولا...مايك مشا عند..الخبير لدارو وتفاهم معاه.. وفعلا مخرج غير والتقرير مكتوب وموقع من الخبير بالي السينياتيور لي فالتقرير والسينياتيور ديال عز نون كونفوغم... غير متطابقة...مور اسبوع كان عز خرج وباعتدار رسمي اللهجة من الادارة العليا رجع لخدمتو وجاب مايك كمساعد ليه...رتب امورو...وقرر انه خصو يقلب علا نانسي وبنتو لي غبر لهم الاثر...من نهار تشذ.....
ايمن ومهدي: فين ممكن تكون مشات اصاحبي
عز: تخربقت والله معرفت كاع لبلايص لي محتمل تكون فيهم انا قلبت فيهم.. عند عائلتهر والديور لي فملكية. باها..ايمن:: زعما متكونش مشات عند مها..عز: لا مكنضنش عمرها عاودات لي علا مها مهدي: هدا هدا هدا عليا ماي كانت كتجي عندي للبوات كنسمع السيرفورات كيعاودو بلي نانسي قيها عرق عربي داكشي علاش زوينة هكداك...المهم سمعتهم كيقولو بلي ماماها لبنانية...وملي طلقها جيم طردها من الولايات وحيذلها البنت عز: وهاد مها معندكش سميتها شي حاجة توصلنا ليها.. مهدي: معرفتش غنشوف البنت السيرفورة لي عاوذات لي هادشي...هز تلفونو وخرج للبالكون... مور عشر ذفايق رجع....
شحال تعطيني ونقولكبلاصتها.. عز: لي بغيتي غير يطلقولي الحسابات لي جمدو مور اعتقالي نرد فلوس ايمن ولي بقا فلكونت ديالك غي قولي فين نلقا بنتي..مهدي:عنقو هو ايمن. متفولش هكداك اصاحبي حنا عينينا ليك وهادي راه صحبة 15 عام وولاد بلاد وحدة بنتك هي بنتنا.. عز': شكرا اخوتي.. مهدي:،مامات..بنتك مصممة ازياء معروفة فالشرق الاوسط.. وسميتها..نسرين عز: مجاوبوش هز تلفونو ركب رقم.
عز:
I want to reserve a place on the plants to Lebanon

بعد ليلة كاملة فالاجواء.. نزل عز العرب فبيروت....حجز ففندق....دخل كيدوش شوية سمع الدقان كان الروم سيرفس
الخاددم؛ بنتمنا لك اقامة طيبة عنا موسيو
عز: شكرا
الخادم: بحب قلك اطا كنت من المهنمين بعالم الموضة انو في ديفلي راه يكون اليوم باليل بصالة العرض هون بالفندق والدعوة مجانية لنزلاء الفندق
عز: لا شكرا
الخادم: عل العموم سيدي هاي الدعوة اذا غيرت راييك.. ..دفع عربةوالاكل ختمها بابتسامة
ENJOY your meal sr
جلس عز كياكل.. شعل التيفي...بالصدفة داز اشهار الديفيلي...ديال المصممة رقم واحد فالشرق الاوسط.. نسرين عبود..
عز: وحلاتلو كح كح كح كح،..طار علا الدعوة لي كان قطر عليها العصير كيمسح فيها..ابتسم جانبيا...عز: تعياي تهربي والدنيا تجيبلك ليا....
ناض عز فتح فاليزتو. هز كوستار كاجول فالازرق.. دار معاه قاميجة لاصقة فالغري حداء رياضي جاي مع اللبسة الكاجول وقف شعرو تعطر ونزل لصالة العرض.. كان الحفل ابتدا بشي نص ساعة دخل بدا تيقلب بعيينيه.. وهو يطفا الضو... وشعلات اضواء خفيفة فتراجي العارضات...جلس حتا خدا مكانو حدا الناس... فنيتو انو غير يسالي العرض يتبع نسرين لدارها يراقبها حتا يشوف واش عندها نانسي ويهجم...ولكن الاقدار شاءت دون دلك سالا العرض بقات اللبسة الاخيرة لي كتكون عبارة عن فستان زفاف...طلعات المصممة..شاذة فايد العارضة لفستان الزفاف مان جات عينو فعينها فوسط الناس تناسات الكاميرات وعيون الناس تحولات ابتسامتها لخوف ووجس... تنترات من ايد مها حيدت الڤوال ورجعات لي كوليس كتجري وتقول ماجرات.. تبعها حتا هو بحال شي.. اسد...ولكن. هي حبسها الحيط مالقات فين تهرب عز: فين بنتي نانسي: خليني خليني غي نشرحلك الناس كتفرج فيهم... جات مها كتجري هاز البنت... شافها عز نترها منها...عز: غدارة
كلبة خاينة مستحيل نخلي بنتي تكبر مع وحدة بحالك... تفو كلمة كنكرهك كثييرة عليك..االحكالة ناي شي حاجة مقرفة بالنسبة ليا.. نانسي: لآ ياابني بليز لاتعملها لاتاخد منا بنتا شو ماكان هي ام وانا جربت حرمان الضنا اقعدو اتفاهمو بالعقل.. عز: اشمن عقل.. هي خانتني غدراتني باعتني دخلاتني للحبس وحرماتني من بنتي وانا دابا جاي ناخدها.. وبالقانون هي خرجاتها من الولايات بلاخباري وموافقتي غادي نتابعها علا هدشي.. نانسي: الا ديتيها غنقتل راسي عز: شافيها بحقد هز البنت وعطاها بالظهر.. نانسي: عز عز عز غنقتل راسي ارالي بنتي

عز مكمل فطريقو. حتا سمع لااااااااا...
تلفت لقا الكل طل من التيراس... طاح علا ركابيه فهم بلي راها نتاحرات واخا كلشي مازال كيبغيها وكيموت عليها.. كان باغي غير يربيها اما فالداخل ديالو باغي بنتو تتربا بيناتهم بزوج

بعذ خمس ساعات... عز مسند علا باب غرفة العمليات مصدوم وجهو ممحي من التعابير ماذار حتا ردة فعل بحال الا صرفقو شي حد غير بعيد عليه ام نانسي حاطة لينا فحضنها وذايرين بيها اصدقاءها...هرج وضجة كبيرة فباب المصحة صحافة والدنيا مقلوبة سرعان مانتقلت العدوى من خارج المصحة لداخلهل بضبط غرفة لعمليات.....شي داخل شي خارج الممرضات كيتجاراو.

.اصوات تخترق مسامع عز العرب.لتوقضه من سهوته...شنق علا الممرضة: اش كاين.. مال مرتي..الممرضة: معنديش الحق نقولك والو الطبيب غيشرحلك .عز': سيري قولي لداك الطبيب ديالك الاماتت مرتي غنتبعهاليه...طلقها...هربات منو وكتلافت عليه...نسرين تتقدم بخطا مترددة.نسرين: حطات ايدها علا كتفو...نسرين: لك اصبور يابني..الله كبير ورح يساعدا...انت لازم ضلك قوي مشان هاي البنت... عز: خبا وجهو عز: انا السبب انا السبب مستحيل نسامح نفسي. الا وقعاتلها شي حاجة..نسرين: لآ ياابني لآ...متقول هيك انت مادخلك بيلي صار معها..عز: كيفاش وانتي شفتي كلشي.. نسرين: اي انا شفت كلشي بس انت ماشفت كلشي....نانسي اجيت محطمة من امريكا...ماعاد اهتم لا بالبنت ولابحالا.. قلت معليش اكيد..يلي عملتو بزوجا هو السبب..ضميرا عم يعدبا...او يمكن.. ابوها المريض عملا شي خلاها.. هيك ناهتميت تركتا ع راحتها... اهتميت بالبنت الزغيرة.. وبشغلي. بس بعد فترة اكتشفت سلوكات غريبة ع نانسي اضطريت انو راقبها..كانت عم تتعاطى مخدرات...بس لم اخدتا للدكتور قالي انا اخدت كميةثات كبيرة من مخدرات متنوعة الصنف بيعملو هاالطريقة عادة لتعذيب شخص ما...مشان يخلوه يعترف بلي بدون ياه او يعمل الي بدون ياه مقابل الجرعة...عز: يعني بغيتي تقولي انها كانت كتتعاطا المخدرات فالوقت لي كانت معايا ولكن انا مالاحظت عليها والو...ولكن تبدلات عليا فالفترة الاخيرة...هدشي عالاش غدراتني مقابل.. غرامات من المخدرات.. ضرب ايدو مع الحيط واش هذا اب ولاحيوان..نسرين: هلآ يلي صار صار بس بحب عرفك انو موهاي اول محاولة الا للانتحار.. مرة اخدت كمية كبيرة من الادوية... ومرة قطعت شرايبن ايدا...مشان هيك اخدتا للعلاج...قالولا انو لازم تشغل وقتا مشان هيك اخدتا معي لعرض الازياء..عز: يعني نانسي مظلومة بحالي..نانسي:، لا صح هي بنتي بس هي غلطت وتمادت بغلطها الله يسامحها.. تحلات غرفة العمليات..وخرج الدكتور. عز: شنو الاخبار:.عملنا لا عملية بدماغ...وجبرنا لكسور
بس
الباقي عالله بنتمنا انو كلشي يفوت بسلام..عز: سند راسو عل الحيط: ياربي ياربي ترجعها،لبنتها سالمة ياربي..

مرت الايام والليالي تتوالى. ولاجديد فحالة نانسي..

عز ؛ مغمض عينيه مستند عل الحيط كيتفكر فحياتو وكيعاودلنا حكايتو...حتا سمع اصوات اقدام تهرول فتح عينيه غرفة نانسي عامرة بالناس. حدو وصل نخلوع بغا يدخل

الدكتور: خارج من عندها البقية بحياتك استاذ عز
عز: لا لا لا ميمكنش ميمكنش تموت تمشي وتخلي بنتها صغيرة دفعو وتلاح عليها كانو كيفكولها الاجهزة كيعنق فيها وكيبكي...جروه بشق الانفس وغطاوها بثوب ابيض

كيفما شفتو عز عاودلنا الجزء الاكبو واالمهم فحياتو وهو معارفش بلي جاي اهم...مور دفن نانسي... عز ودع نيسرين لي وقفات معاه فازمتو وعاملاتو كما لو كان ولدها...هز لينا ورجع للولايات لخدمتو وحياتو...ولكن.. تعدب بزاف لينا مازال مكملات العام ومحتاجة رعاية ماينة اضطرو صحابو يجيو يسكنو معاه حيت مصدقاتلو حتل مربية....ومتخيلوش كيف كانت حالة 3 درجال كيتناوبو علا تربية بنيوتة صغيورة...عز: هدشي بزاف عبيا تعدبت وعدبتكم معليا،اخوتي...
ايمن: متقولش كدا اخويا راه لينا بنتنا حتا حنا غير هاد لحل راه غير تزقيعي خصك تفكر فغيرو.. مهدي: كيكمع غير انا بلي الموسبقى تفرعبي راسي وبالنهار لينا.. بففف شحال هادي نسيت طعم النعاس ايمن: علاش اصاحبي متزوجش عز': لا لا مور نانسي منضنش نبغي بنت المراة وزيدون نخاف نجيب شي وحدة تكرفس علا بنتي مهدي : علاش متشوفش الواليدة ديالك تشوفلك شي بنت البلاد مافيها باس بزاف ذيال صحابنا تزوجو بهاد الطريقة..والحب كيجي مور الزولج..
عز دخلاات الفكرة لدماغو وعض فالصبر وقرر يدير بكلام صحابو ويتزوج وحذة مكيعرفهاش علا حساب بنتو..
فقرر يتصل بيماه.
عز: سلام يما
الام: سلام مي ماعاد وشيهدي سيدابي اتادفد تمات اتويديدجيش اتزاغ
" سلام ولدي واش مازال ماهداك الله تدخل لبلادك وتجيبلي بنتم نشوفها"
عز: قاخمنا يا اخام صونيغ خسغ إدام إنيغ قاتيوشا ادريغ دي مغريب"راه هدشي علاش اتصلت بيك بغيت نقولك بلي غدا غنكون فالمغرب"
فعلا خدا كونجي. ودا بنتو لاول مرة لبلادو واصلو..لقا غالمطار ختو لي صغر منو بعاماين, اصالة:28 عام..
ركن الدين:21 عام
اماني:16 عام
رنين:7 سنين
الام: عزيزة والاب: مصطفى.
3 سنين ماشافوهش. متسوقولوش كولشي كيتناوب علا لينا... فرحو بيه.. ودارو وليمة كبيرة عرضو علا كاع العايلة والجيران والمعارف...ملي مشا كل واحد بحالو
عز: يما بابا.. عرفتو علاش جمعتكم ليوم
الاب: الله يسمعنا خير اولدي
عز: بغيتكم تشوفولي شي بنت الناس. تكوت قارية شوية..باش تعاوني فتربية دلينا..

مور اسبوع...
اماني: واي واي علا خويا لكبير جيتي كتحمق فالجابادور...اصالة: خويا واش معندكش شي صاحبك بوقوص فحالك.
عز: كتقلبي عليا هاد النهار اصالة تجمعي
اماني: هههههه راه كتعرض راسها حسات بلي فاتها التران
عز: حابس الضحكة..تفرقي مع بلارة ديال الدار...الالة حنا مساخينش بيها
اصالة: انا قزذيرة ماشي جوهرة عي زوجوني..حتا ليمتا غتبقاو سادين اخاي عليا كيما كذا...مشحال قدني نصبر ...فين ايشوفني ذا العريس وانا منعتبش باب الدار
عز: عنقها.. ختي لي غيبغيك غيبغيك لاصلك ونسبك واحنا ممنعينكش من الخروج...غي
متخرجيش بوحدك وصافي..
ركن الدين: العروسة كتساين وانت كتفرق اللغا مع هاد الحمقات..
اليوم الخطوبة ديال عز العرب وبنت خالو... نوصفلكم خديجة...بنت زوينة شعرها مارو ..عيونها عسلين...وطويلة...طايتها زوينة..قرات حتال الباك.. ملي منجحاتش خرجات.. من لقراية..النهار اللول لي شافت عز محملاتو مقبلاتو قالك جاها عويق وحاس براسو..
العائلتين جالسين مع العدول غيتكتب كتاب هاد الزوج...عز بجبادور فالصفر وبليغة واتاتو لينا بلبيسة فلغوز كتحمق هازاها يماه كيساينو فلالة العروسة.....
عز العرب: اماني طلعي شوفي بنت خالك فين معطلة عند بالها ليوم الدخلة قولها تجي تسني وتخلي عليها المراية راه غير العقد هدا...
مشات اماني تستعجل خديجة..
العدول: طلقونا اسيادنا راه مازال تابعنا طلاق.. يمات العروسة: اسم الله الرحمن الرحيم ماحنا علا فالك..
رجعات اماني وجها ممحي من التعابير صفرا كترعد..فايدها وريقة...
عز: مالك شنو كاين
اماني: خخ خخخ ركن الدين: نتي دوي نطقي. خدا منها الوزقة الكل واقف كيتسنا اش غيقول.. ركن: خدييجة هرباات
مها سخفات... الدار تقلبات.. باها هاز الخمايسية كيتوعد يقتلها...عز مادار حتا رد فعل كانو طالب عليها هز بنتو علا كتفو وسوارت السيارة.. وزاد مع الطريق..

مور يوماين... علا طابلةة دلفطور.
مصطفى)الاب(
اش المعمول دابا نشوفولك شي بنت وحدة ياخرا
يماه عزيزة: هدشي لي قلت مع راسي كاينة بنت ختك نا. .
عز: صافي حبسو عليا هاد الهضرة حتا واحد ميعاود يجبد معايا هاد الموضوع...

الام: ولكن اولدي

عز: قلت سالينا هي سالينا مابقيتش باغي نسمع حس الزواج ولاحس العيالات... عمركم تسناو مني نجي نقولكم باغي نتزوج
الاب': بنيتك مسكينة
عز: بنتي غنخليها معكم يما والدريات يتكلفو بيها حتا تدير عشر سنين ونديها معايا... وسالينا مبقيت غندخل حتا مرة لحياتي من غير بنتي..
ناض طلع لبيتو..هز شنطتو حط ظرف ديال لفلوس حدا المهذ ديال بنتو...هزها باسها.. اول مرة ينزلو دموعو... وهي كتضحك وتلعبلو فوجهو...منظر تدمعلو الحجر.. باسها وعنقها وردها لبلاصتها...وهي كتعلق فيها.. غير خرج وحماتها لللغوات.. خر ج مقدرش يودعهم اويشوفو فداك الموقف...ديال الضعف.. شد الطريق للرباط.....باش ياخد اول طيارة غادة لامريكا... رجع فوق من قلبو وهو مخلي طرف من كبدتو موراه...
هاذ شي الي عاتبو عليه صحابو.. قالولو كونوغي،جبتيها معك نتقظعو عليها ومنشوفوش عذابك... كان من قبل كيشرب عادي كشكليات مور فراق بنتو ولا فحال المدمن قصر حتا فخدمتو...مابقاش،كيف لول تاكل علا مايك فكلشي.. ايمن ومهدي ملي شافوه هكداك مبقاوش بغاو يرجعو لديارهم بقاو معاه شركاء فالسكن..

بعد عدة ايام...كلها وفين مليوح...عز. .كيشرب فلكونتوار دلكوزينة...مهدي مخدم التيفي.. وايمن شاد تلفونو...كل شوية يسول عز شي سوال ثقافي...قالك مشارك فشي جروب فيه مغاربة من

جميع انحاء العالم مرة مرة كيديرو مساباقات من هاد الشكل...مهدي: مالك اصاحبي معصب كيما كدا..ايمن:، سكت عليا اصاحبي مهدي: غا قول شي قمعة من شي درية هادي ايمن: بحال هكاك.. عز: هههه كيفاش دكتورنا رفضاتو شي بنت.. ايمن ؛ كون هكدا لاباس اخويا عامين وانا فهاد لجروب عمر شي ولد مرة غلبني ليوم دخلو واحد لبرهوشة...طوفاتني...اول مرة تشارك درية لعباتني علا صبعها الصغير..مهدي وعز:هههههههههه اواه غي شي دري داير راسو بنت.اشمن دولة فاش عايشة ايمن: هي لوحيدة لي،من المغرب تماك..لا كتجاوب فوكال..عز: طلق طلق نسمع..
الصوت النسائي:لا لا خويا ايمن راك غالط..فصناعة الطيران الحربي فرنسا عندها الميراج والراڤال...والولايات هي لي عندها افات كاملين 15 و16 و17 والشبح حشومة تكون عايش تماك ومعندكش ثقافة عل البلاد
عز: ههههههههه شرشماتك الدرية ماشي غي قمعاتك
مهدي: الله الله الله علا صوت عطيني هاد الاوديو فالواتس نميكسيه مع شي ديسك..عز: اه بصح نع انا سكران خالق السعادة واضل للحقيقة بورشاتني الدرية..
ايمن: كضحكو عليا انتاقمو ليا... اهذاك انت لي كملتي القراعي دالكونياك.. حياتك كامل فالسلاح اجي اخويا زيرها
عز: اوك تكلف دخلني معكم
دخل عز: جاوب حقو ولامعادل معاها.. خصو يسولها الاجاوباتو ربحاتو الا مجاوباتش هو لي ربح
عز: حرت حرت اش غنسولها واخطيرة هاد البنت
همم غنسولها ذاكشي باش زيراتك اادهم
عز: كيكتب التورنادو طائرة حربية من صنع بريطاني او روسي جاوبي عندك عشرين تانية
البنت: دغيا
جاوباتو اكدات انها مكتستعملش الغوغكل..
من صنع بريطاني هي والهاريال والابغيتي تعرف اش كتصنع روسيا فهيا الميگ والسوخوي
علاه عز عاود دار بتلفونو...وسحا اثر هاد القصف لي دارتو ليهم. مهدي وايمن: كيضحكو من تحت لتحت خايفين من ردة فعلو...
عز دخل نعس بلهلا يطريه لباباه

هاد المحادثة حقيقة والله علا ماقول شهيد وديك السيدة ماشي ختي ولكن كنعرفها هههه

في مكان اخر من العالم...المغرب بالضبط مدينة اكادير كتعيش واحد البنت سميتها شوق..عمرها 21 سنة كتقرا فمعهد خاص لادارة الاعمال...بلا شك غتسساؤلو مامحلها من الاعراب فقصة عز... من بعد غتعرفو انه كل مايتذكر اسم واحد منهم الا وكيكون قرين بالاخر لذلك قصتهم تسمات عز الشوق..
ماما اماما الله يعطيك الستر واااه منتعطل عافاك غي دويرة
جميلة الام: لا هي لا واش حماقيتي عارغة باباك طوموبيلتو عزيزة عليها تمشي تاذيهالو لا انا لا نتي فهاد الدار
شوق: واااع ديما ديما انا غادة لداك المعهد ديال صحابات الشيكي والتبوزيق...بطاكسي حمر من اللول خلوني غير فلافاك
جميلة: ياك اقليلة الترابي هاذا هو جزاءنا..
شوق: صافي صافي مقادين علا دعاوي علا الصباح تمشي تخرج فينا الصباح هذا
جميلة: دوز تفطري وناي صفرا عليا كيف نتيجة دالابتدائي.
شوق؛ لا اماما زربانة مواح مواح
بلا شك باغين تعرفوني شكون انا
شوق لهبيلث ديال المعهد گاع الزبايل لي يطيحو فبالكم انا مولاتهم ولكن حتا حد مكايعيق بيا
كندرق علا شطوناتي بذكائي.. عزيزة علا كامل الاساتذة..
هاديك لي كنت نتناقر معاها الله يسمحلي منها ماما جميلة استادة ديال تعليم الخياطة فمجموعة من النوادي النسوية والجمعيات هنا فاكادير عايشة معاها ومع بابا عمر موظف فوزارة الداخلية منطقة الجنوب.. تزاديت وكبرت هنا فاكادير ..معنديش خوتي.. لا لا عندي غير معمري حسيت بوجودهم لانو فاش. وصلت لسبع سنين ختي لي كبر مني بعشر سنين كانت تزوجات ومشات للرباط وخويا كان فسنتو التانية هندسة مدنية ففرنسا... وجتا الاصدقاء معنديش غير وحيدة ولي لحد الساعة عمري ماشفتها الحصول عصر الالكترونيات هو هذا...تاكسيي تاكسيي

سلام شوق سلام فؤاد.... فرحني اخاي قولي زهير مجاش فواد: ههههه زمانك كاين شوق: تفو عليك انت وياه هاد زهير البنات مايصطلح عليه بعنيبة من درجة قائد لبنت لي جات جديدة كينويها للحلال وقصدو شريف معاها...الله يغبر لو الشقف...
مادازت ديك الحصة حتا غفر لي الله الذنوب حركاتو كتجيبلي القزز الصراحة مكيعجبنيش الرجل الي كيكون مدفگ الراجل هو الشخصية هو لي يمرمد الدرية...
فواد: نتغداو مجموعين شوق: انمممم واخا ولكن الا غتخليني نسوگ فواد: جاتك غي هو مازال باغي نعيش عنداك تعانقينا مع شي پوطو..
نرجس: فوااااد اجي لهنا
فواد: اجي نتي نيت
نرجس: واغي اجي
فواذ: اش كاين
نرجس: شوف اخاي عندي مشكل مع داك زهير لفاني كنقل وحيدلي الورقة ومنعني ندخل عندو الترم كامل فؤاد: ولاش كتعاوديهالي انا نرجس: ياك خطيبتو عشيرتك فؤاد: خطيبتووووو
هههه يااااهاااا وتعاليي لهنا ياها شوق: امالك اشكاين تتعوگ علينا.. فؤاد: ممشيتي تا درتيها الغدارة تزوجتي بلا خباري شوق: واش حماقيتي راك بوحدك لي كندوي معك فهاد المعهد وايلا تزوجت انت لول غتعرف نرجس: سمحيلي اختي علاه ماتخطبتيش لاستاد زهير شوق: لا اختي منين جبتي هاد الهضرة نرجس: سمحيلي اختي انا غي سمعت سميتي نرجس.. انا: مشرفين سميتي شوق ودابا غادين نتغداو تمشي معانا
نوجس: منكرهش

شكرا اسيدي فؤاد علا هاد الغدا الواعر فعلا انت احسن اخ..فؤاد: ياربي نترقا ونولي ماكثر.. شوق: نتا عارف معزتك عندي ولكن فؤاد: ولكن عارفك كتسايني نادر لي هادي شهر معارفة عليه والو نرجس: شكون نادر ..فؤاد: سوليها.. هانا كنساينكم فلباركينغ.. شوق: معوفتش منين نبدالك نادر شي حاجة زوينة فحياتي عمري مهضرت عليه لشي واحد من غير فؤاد نرجس: كنظن دابا ولينا صحابات شوق': هههه صعييب نولو صحابات كلمة صاحبتي ديال وحدة بوحدها نرجس: كيفاش: ههه هديك قصة اخرى دابا بغيتي تعرفي شكون نادر.. نادر الالة واحد السيد ولد مراكش، الزين والتبرگيصة والادب تعرفت عليه شي عام دابا... وولفنا بعضياتنا والولف تحول لاعجاب والاعجاب ولاحب... وكنا ناويين نتخطبو فالمجية ديالو الجاية حيت هو غرافيك ديزاينر فالخليج... ولكن نرجس: شنو لي ولكن شوق: بحزن وبدمعة انقطعت كل اخبارو عليا. ارقامو كامل مسدودة الفايس والواتس غابر منهم معرفتش الله يسمعني عليه خير.. نرجس: اولي نتي خايفة عليه وهو كوراه ضبرلك علاشي خليجية بوكو لعاقة شوق: لا لا مكنضنش ماشي فعايلو.. نرجس: عرفتي انا لبارح دخلني واحد الولد عايش فانجلترا لواحد لجروب ديال شباب مغاربة حول العالم واو واو واو تبوگيصة كيف دايرة ياختي الا تبغي ندخلك شرق: لا بلاش اختي نرجس: وجدي راسك لعشية نتلاقاو فلجروب كنعلمك ماشي كنشاوزك شوق: ههه نوضي نوضي ونتي ذخلتيلي مع لعظم عاد ساعتين باش عرفتك نرجس: ههه ياك شركنا الطعام مابقا بيناتنا فرق نوضي ليوم فؤاد يخرج من حوايجو..

دازو الحصص دلعشية...ورجعت للدار.. لقيت ماما وبابا كيتفرجو سلمت عليهم طلعت لبيتي. توضيت وصليت لبست بيجامة حبيبي قرب... وحليت الفايس نتاكد واش دخل نادر.. بفف فقدت الامل وهزيت تلفون نشكي علا صديقة عمري لا لا ماشينرجس هادي اريام عامين وحنا كنتعارفو وكثر ثن الخواتات وامكنخبو علا بهضنا والو واخا عمرنا تشاوفنا لايف هي فكازا وانا فاكادير....مور ماصبراتني وصبرتها نزلت تعشيت وتناقشت كيف ديما مع باباتي فمواضيع الساعة طلعت تخشيت فلفراش شويش كيوصلوني بزاف لميساجات وانا ممولفاليش تلفوني ينشط كيما هاك... حليت تلفون كنلقا ديك المسلسعة ديال قبيلا دخلاتني فجروب ديال الزوافرية.. مهدرتش واخا رحبو بيا مجاوبتش بقيت كنتسارا فلبروفايلات دخت الصراحة واش هادو بصح مغاربة ولا دايرين التهجين مع الغرب دخت... ولكن لي عجبني فهاد الجروب ومخلانيش نكيتيه هوما ان الناس لي فيه مثقفين ولات موراها حياتي تنحصر فالمعهد.. اريام والجروب
لي تعرفت علا ناسو ولاو فحال خوتي الا واحد الثلاثي العياقة عندهم ارقام امركية ماحملتهمش...

بعد مرور شهر.
نرجس: صباح الخير زينوشة شوق: صباحو حبيبتي..ايوا ايوا علا النيولوك جا معك هاد اللوين فالشعر طوب نرجس: ماشي بحالك الزين.. شوق: هي كتوجدي للحفلة ديال فؤاد نرجس: كنوجد للحفلة ولكن ماشي ديال فؤاد...شوق: ايوا ديال من نرجس الحفلة يالالة ديال الدونجوان ديال جروب النغاربة شوق: الدون جوان شكون فيهم نرحس: ايوا يالالة داك لي مكتحمليش جاي للمغرب وغيدير حفلة كبيرة هنا فاوتيل اتلانتيك بالاص غيتجمعو فيها كامل اعضاء الجروب وراك معروضة نهار الاحد شوق: اولا معرفتش شكون هدا وفؤاد عشيري منفلتش الحفلة ديالو نرجس: عل العموم انا علمتك شوق: زيدي زيدي ندخلو البروف جا...

جلست شوق فاخر الصف علا غير عادة وسارحات بعقلها ...اولا الشخص لي مثلات انها معرفاتوش هي عرفاتو وعرفات بموضوع الحفلة من قبل ولكن مكنحملووش لا هو لاصحابو لا لا بلاتي نشرحلكم هادي هي كثمتل كرها ليه قدام لكل الا بينها وبين نفسها معجبة بيه ولكن عزة نفسها مكتسملهاش لا تخضعلو ولا لتعجروفه ..وزيادة مبغاتش تدخل فصفوف البنات كامل لي كيموتو فيه وكيبينو ..بغات تبين راسها مخالفة عليهم....
داز الاسبوع كيجري وصل يوم السبت باليل مبغاتش تدخل للجروب باش متشوفش صورتو او تسنع صوتو وتضعف وتصدق خاضة حفلة التعارف ..ليل كامل وهي كتنازع نفسها بكن سلطة القلب اقوى واشد ..ولات هي لي كتسير شوق ناضت بكري نزلات تحلونات علا باباها وماماها سيزاتهم مشات لاحسن بوتيك فاكادير... خدات كسيوة فبلوغوا فوق الركبة بديزاين واعر انثوي...مع صباط عالي بالپوشيط ديالو فلون مناسب للسهرات...مشات للذار دوشات ورجعات لصالون صاوبات صعرها سامبل خلاتوو علا ظولو ودارت مانيكير پيديكير...زجعات هزات الكسوة من الدار ودعات دارهم علا اساس انها حفلة تابعة للمدرسة لي كتقرا فيها.. غادة ودارهم كيوصيوها انه قبل من 12 تكون هنا....اتصلت بفؤاد اعتدرات منو... ومشات عند نرجس.. وهاد الاخيرة ملي شافت شوق معجبهاش لحال لانو كانت معولة عليها مجاياش يمكن.. كانت نرجس لابسة سوارية قصيرة فالكحل تحنا شوسة يبان معطا الله ودايرة ماكياج قوي... اما شوق فكتفت بالقليل القليل.. لبسات شوق كسوتها وخرجو خداو تاكسي لمكان الحفل

عز: الدراري واش متوحشتوش المغرب.. ايمن: واه اخي وبززاااف گاع مهدي: جينا گود توحشوي المغرب ولا لينا... عز: هاديك مياخدكش فيها الشك.. ايمن: علاش منديروش شي تسافيرة مجموعين بحال ايام القراية عز: متافق مهدي: انا لا الدراري: علاش مهدي:،هاد السيد واعدنا بحفلة ومازال ماوفاش بيها غنهبطو للمغرب يمكل الفليسات بقينا بلا حفلة.. عز: هههههه
متخافش انا مزال عند وعدي والجفلة نديرها فالمغرب ايمن: ولكن صحابنا كامل هنا مهدي: ساهلة نعلمو كاع ناس لجروب ومنها نتعارفو عليهم فاص ايمن: فكرة زوينة عز: اوك لي درتوها انا معكم...جاو الدراري فوتو زوج اسابيع فالناظور بين دار والدين عز وايمن وكانو موحشين لينا بزاف موراها هودو ريحو فمراكش اسبوع عند اهل مهدي.... وبداو كيوجدو للحفلة لي اختارولها مدينة اكادير... قررو انها تكون حفلة كبيرة تخلي بصمة اول لقاء بين مجموعة من مغاربة دلعالم...

نهار الحفلة فالاوتيل.. ايمن وعز: افيينك الالة العروسة مهدي: ابشوسة عليكم لازربة علا صلاح ايمن: واسربي اصاحبي راه خونا مول الحفلة خصنا نكونو فالاستقبال مهدي: واش غنديرلكم نتوما باگص لي لبستوها كتجي معكم انا خصني نقاد من هنا ومن هنا وشوف تشوف ياربي عز: شكون قالهالك انت لملحة ديالنا الزين فالسمورية اخاي ههه يالاه نزلو نزلو الدراري بحال العرسان ومع القد والقامة حاو غزلان ايمن بكوستار فالغري ومهدي فالبلو ...اما عز فجا كيحمق بكوستار فالكحل كامل حتا من لاشوميز... هبطو لقاو الناس بداو كيجيو وبدا التعارف الواقعي بين الناس لي عاشو مدة وهوما صحاب وخوت فالعالم الوهمي الافتراضي..مهدي: عرفتي اش مشهي انا دابا ههههههههههه
ايمن: شنو
مهدي: ميت بالضحك ديك البنت لي شرشماتكم بزوج ديك المرة اش كان سميتها شوك اه شوك

عز؛ مخنزر مراضيش تفكر الهزيمة النكراء
ايمن: انا بغيت داك الشوك تجلس عليه جهلو لينا تاني فهاد النهار
عز: قاطع كلامهم بكلمة غير متوقعة شوق سميتها شوق وبعد وخلاهم مصدومين
ايمن: واش صاحبك هذا
مهدي: بلكنة البهجاوية لا خا ماشي صاحبي انا غادايز من هنا
بدات الحفلة تعرف الكل علا بعضياتهم وبداو الفقرات الموسيقية كيبداو... خرج عز باش يكمي لساحة الخارجية... كمل بغا يرجع مع الدورة خرج فواحد زوج بنات وحدة كانت غتعكل كون مشدهاش...البنت: ميغسي... رسم ابتسام غمض عيونو وفتحهم بمعنا العفو وراجع فحالو سابقهم صديقتها': استنا عافاك دار بشوية. واش ماشي عز العرب عز: باستغراب وي هو
نرجس: كنت عارفة كنت عارفة ياك فلتها لك اشوق شفتو غير من الصورة وعقلت عليه عز: شووووق خرج عينيه للقدام هي كانت ولات حمرة من الجيست لي دارت نرجس وملي عرفات بلي داك الشخص لي كتفكر فيه ولاقبالتها وهو لي ساعدها تداركت الموقف ردات الابتسامة بابتسامة جرات صاحبتها ودخلات لصالة الحفل

قهروني الاضواء والموسيقى العالية بعد ماكنت متيم بهاد الاجواء ولكن مور موت نانسي فقد حماستي حيويتي عشقي للسهر حتا الغيثار لي كا .عندي هرستو...حاول نبعد علا الانظار وقفت فالباحة ديال صالة الحفل كنكمي..ساليت ملي بغيت نرجع قبل مايلاحظو ضيوفي غيابي خرجت فزوج ديال البنات وحدة فيهم كانت غاطيح عاونتها شوية دخلنا فحوار وبالصدفة عرفت بلي هي ديك البرهوشة لي غلباتني انا وايمن كنتفكر ديك الهزيمة دابا كنبدا نغلي.. مشات للداخل الحفل.خلاتني مدهوش فبلاصتي الصراحة غي زوينة... ولكن مسمووووومة..باينة فيها ومن الحركة لي دارت وهي غادة واخا الالة كنواعدك نردها لك ليوم مازال ومتبقاش فيك.....

دخلت تابعهم للاوتيل كنلفا الباديغاردات موقفينهم علا ماعتقد مازال قاصرات.. دزت فوسط منهم بتكبر...
كاني مكنعرفهمش
حتا عيطتالي صاحبتها ...اوميت للحارس براسي بمعنا دخلهم وعطيتهم بظهر.. هاواحد لزيرو يا انسة

دخلو للحفل وانا عيني غي عليها ملي كتجي عينينا فعيون بعض كنهرب بيهم للبعيد... وصلات فقرة الكاريوكي... وعطاوني نختار اول اسم... البنت كتبان خجولة شوية فارض الواقع هادشي شفتو من خلال سلامها وكلامها من الاعضاء الاخرين عكس الڤيرتيوال تخراج لعينين عشرة للدس هادي هس لفرصة لي كنتحيين ليها..عز:
لاح لها المايك تيس ايز فور يو ميس شوق

احرجني بزاف وانا الحفلة كلها وانا نتمخشش فنرجس....واخا صدقو صحابو ايمن ومهدي ضريفين ولكن داك الفراع ديالهم الفار المسلوخ كيقلب عليا قالك غني... دابا اش غنغني ليه انا البندورة الحمرا حلو وغندورة وسمرة انا زمرة انا اميمتي حنا منين غنجيبلو اغنية انا حافضة غير طيور الجنة ومنبث الاحرار.. ومااالها ماالها گاع منبت الاحرار وطنية حييد يشوف نوريييه..
طلعت معولة عليها يضحكو ولا يموتو كاع.. عطاوني واحد شوميز.دوفوي فيه كلمات اغاني وقالولي اختاري شي وحدة اوووف عتقوني اختاريت وحدة ديال داليدا سميتها حلوة يابلدي ومع صوتي فيه بحة خليني نبكي المغتربيين شوية...
كلمة حلوة وكلمتين حلوة يابلدي غنوة حلوة وغنوتين حلوة يابلدي اول حب كان فبلدي مش ممكن انساه يابلدي فين ايام زمان قبل الوداع.. اواو واو ذكريات كل لي فات فاكرة يابلدي.. قلبي مليان بحكيات.....
كملت الاغنية كلشي بدا كيصفق.. تفكرت دارنا اويلي وحدي فاتت 12 ليوم يبيتني عمر برا الدار...نقزت من ديك لاسين وانا نجري جاني راسي بحال..سندريلا... عز عند بالو بقا فيها الحال جيث احرجها..وتبعها كيجري....انسة شوق انسة شوق سمحيليا عافاك درت مصدومة المتعجرف كيعرف يقول سمحيليا...انا: لا ماشي مشكل سمحلي تعطلت خصني نكون دابا فالدار..
عز: فين غتمشي فهاد ليل بوحدك خليني نوصلك شوق ': لا اخويا بلامنعدبك غناخد تاكسي... عز: العداب هو ايلا سمعت غدا وقعات لك شي حاجة فهاد ليل مغنسمحش لراسي حيت خليتك جيتي بوحدك
شوق: مغيوقع لي والو عافاك غير سيري
عز: واقيلا معندكش فكرة علا الناس الريف
شوق: لا
عز: دابا تعرفي المهم اول درس الاقالو لكلمة خصها تمشي
شوق: ولينا فالنازية والفاشية
عز: زيدي زيدي..
صديت من قالت اول مايسلب عقل الفتاة في الشاب..سيارته وماادراك ماسيارته انا ياويل حالي... داز حديث شيق
فالطريق ..تلاشت عدة احكام قبلية علا هاد الشخص..والاعجاب بجانب واحد منو ولا جوانب...الواد شخصية ياخواتي.. وقفنا فباب الدار
عز: غنتشوفك غدا
شوق: معرفتش حسب التساهيل
عز: عل العموم عندي رقمك غتجاوبيني ياك
انا: طبعا
مد ايديه لمصافحاي اصدقاء
انا: اصدقاء

واي صداقة هي... سافرو الشباب ومدة اربع شهور كلها...من المحادثة بين الشخصيتين الرئيسيتين فالقصة كانت ود واحترام وغيرة ذونما اعتراف من اي واحد منهما
فهاد الفترة شوق اهلها سافرو لسبوع بنت خوها ففرنسا... وهي ممشات بحجة الدراسة ...واخا هي كانت فعطلة ولكن مبغاتش تمشي..فضلت تبقا غير فالدار ونيسها فوحدتها اريام وعز..الي تعارفو طبعا بيناتهم حتا هوما فواحد الليلة.. عز: شوق.. شوق: همم
عز: انا غنجي عندك شوق: اويلي علاش.. .عز: علاش.. هي ماباغاش تشوفيني اولا كيفاش.. شوق: لا لا مقلتش هكداك ولكن انت عاد اربع شهور باش جيتي قطع عليها مابغاش يجاوبها ليل كامل وهي تتصل وتخلي ميساجات والو..حتا تراخات وداها النعاس مع العشرة ديال الصباح تلفونها كيصوني.. رقم غريب مجاوباتش رجعات نعسات شوية وصلوها ميساجات لقاتو هو كيقولها جاوبيني كتباتلو فميساج شكون خقو يجاوب لاخر علاش قطعتي عليا.. رد عليها وراني كنتصل بيك من الصباح... اويلي هدا جا للمغرب اويلي علا الحثق دارها اناري انا مشعككة لا خايبة لا معندي منلبس اويلي اويلي هئ هئ.. صونا جاوباتو االلو عز': عندك ساعتين ونتلاقاو فلاكوط وقطع تاني... تا مال مي انا معندي كرامة زوج مرة فنهار واحد قاذع عليا مغاداش.. لا لاغادة هو مسكين ضارب الطريق وسبقني علادارهم.. لا مغاداش يالاه.. اويلي تلفت اويلي وحدي بقيت نجبد فداك الماريو ونلوح حتا ولا البيت فحال شي محل دالبال.. لبسات جينز كحل شوميز فگرونة صبيبط وصاك كحل.. صاوبات شعرها دارت قلم بودر ماسكرا بارفان زوين وهبطات قلبها فقرجوطتها ماهي فرحة ماهي خلعة..
هزات طونوبيل دباباها ومشات حطاتها فشارع محمد الخامس هبطات من شي دريجات للاكوط لقاتو فاخرهم جينز تيشرت بيض كونفرس نظاظر رايبان... مداتلو يدها طار عليها بلي بيز....اويلي صدمني تحركنا ريحنا فروتانا " حاليا مبقاتش لاشارة "" ههه شوفيا نشوفك اطاجين لحوت هو مرة مرة كيبتسم.. سكت حتا عييت مالك عز: فرحان شوق: حتا انا عز: ايوا سعداتنا شوق: فين تبغي تمشي شنو تبغي تتغدا من سوس. عز: كتبغيك شوق: كاينة واحد لبلا ااا عز: كنبغييك كنبغيك مفهمتيهاش

اويلي حنوكي غيطرطقو بالدم...ذبت فحوايجي من االحشمة.. فاجئني ففقدت النطق هبطت راسي خجلا.. عز: مالك...معجبكش الحال شوق: لا عاحبني غي هو صدمتيني عز: نفهم بلي مكاينش عندك حتا حاجة من جيهتي ...كنت غنقولو كنبغيك كثر منك ولكن الخطة ب واحد ثقول الثقالة ثم الثقالة شوق: اممم خاصني شوية دلوقت فاجئتيني شوية عز': فين باغا نتي تغداي شوق: كيفاش عز: : عطيتك الوقت
اليوم غندوزو النهار مجموعين قبل منتفرقو..باليل غنتسنا الجواب ديالك يالاه نوضي...
تغدينا مجموعين...وساريتو فاكادير كامل..وصلات 8 ...طلبت منو يوصلني للدار.. ...مع الدخلة ديال التجزئة وقف ،وجبد التلفون..قلت يمكن بغا يدير شي اتصال
بقينا ساكتين شوية وانا نسولو شوق: شنو كاين عز: شنو كاين نتي الالة كنتسناوك شوق: كتسناوني مفهمتش عز: وليت كنشك فذكاءك
الوقت الي طلبتي سالاا.. دابا محتاج جواب ماشي خمس شهور وحنا كنهضرو..
كنظن خدينا وقت كافي الا نتي باغا علاقتنا تكون جدية
شوق: معرفتش عز: شنو لي معرفتيش انا كنبغيك ومعنديش لوقت لي نضيع دابا شوق: انا نفهمك انا فلول مكنتش كنحملك عز: الله يخلف عليك الالة
شوق:لا فلول ومن نهار الحفلة اول مرة هضرنا بزوج وتعرفت علا شخصييتك...وشوية بشوية ولينا اصدقاء وموراها ولينا كثر شوية انا مانكرش بلي كنحس بحوايج زوينين جيهتك.. عز: صافي حبسي قلتي كلشي المهم انا معنديش بزاف دلوقت فكونجي غنطلع للدارنا..ونهضر معهم.. باش يكون عندي علاش نغير رسمي ومتبقايش تشكاي منها
شوق: لا ميمكنش تكون شي حاجة عز: اشنوووو شوق: ولا مالك عصبي وفهاد الكونجي ديالك ميمكنش حيت دارنا 3 شهور مغيكونوش
عز: دابا دابا والديك مكينينش ومبرزطاني تعطلت تعطلت داير دومي تور شوق: ولا ولا عافاك خصني ندخل للدار بكري متسوقليش حتا صونا لو التلفون..نزل هضر برا الطونوبيل كان منفعل

شوية... كمل ورجع وص ني للدار كان باين مديرونجي بصح مقدرتش نسولو تسالمنا تسناني حتا فتحت الباب شير لي بمعنا بيناتنا التلفون دخلت وسمعت طونوبيلتو تحركات

الغد ليه فقت من النعاس.. قلبت تلفوني ملقيتش حتا اپيل....منو جاني الامر فشكل فكرتي ديما سلبية الله يسمح لي قلت يمكن راه..بايت سهران هنا مع الدريات.. اتصلت بيه والو سيفطلو ميساج... فوت شوية..واتصل بيا انا': صباح الخير عز: صباح الخيرات حبيبتي المهم انا دابا سايق غير نوصل ونعضر معك شوق: بلاتي بلاتي فين كاين عز: باقيلي خمسة دالساعلت تصريبا ونكون فالدار شوق: علاش مشيتي صافي وحرام عليك مقلتيلي والو.. عز: لا حبيبتي مكنتش غنمشي غير جاني ظرف طارئ عل العموم غندير لي فالجهدي باش نشوفك من بعد
شوق: اوك طريق. السلامة الا وصلتي اتصل بيا
....باليل هضرنا شوية ولكن ماشي بحال ديما...
عند عز

الو ركن انا فالمدينة دابا فاش من مصحة كاينة هي.. ركن: فالزيتون
الام ديال عز كانت عيانة بالقلب... ونعسات فالكلينيك لمدة اسبوع...فديك الفترة مكانوش كيهضرو بزاف ولكن الطبيب عطا لام عز فترة نقاهة وانها تخرج تسافر وتفوج وخوتو عطلة...وقررو يهبطو للجنوب... ..للدارهم لي فمراكش.. قرب بزاف فحبيبة القلب واش غيتشاوفو من جديد او لا الله اعلم

عز: الو مازال نعايا عل الخط شوق: مازال عز: عارف مقصر فحقك...ولكن راك عارفة ظروفي.. شوق: وانا عادراك خود وقتك الكافي والله يشافي ماماك عز: انحاول ملي نوصلهم نجي نشوفك واخا غير نص ساعة ونرجع شوق: لا بزاف عليك ذيك الطريق كامل راه نورمالمون انا كان عليا نقسم معك الطريق عز: لا لا مبغيتش نعدبك اصلا مغنتهناش تقبطي الطرق بوحدك شوق: اصلا انا معولة نطلع نشوف صاحبتي عندها واحد المشكل عز: اريام شوق: اه عز:عطيها رقمي الا حتاجت شي حاجة ومتمشيش بوحدك خلي حتا نمشي معك.. شوق: شنو زابا مغنشوفهاش وانا كنسنا هاد الفرصة عز: لا مغتشوفيهاش الا كان ضروري تسافري فالعطلة عالاقل جي شوفيني... قطعت عليه هذا خدا مساحة فحياتي كثر من اللازم... شفتو زوج مرات ومتبقا حب وتمعشيق فالعالم الافتراضي بغا يولي يتحكم فيا بزاف.. ..طفيت التلفون ومشيت تكمشت والله ياوليدي حتا نديرها لك علا قد فمك...نضت جمعيت المانيطة دوشت.. فالصباح دوزت النهار كلو بين السوق والصالون...مشيت تيريت شي فلوس سيفطوهم لي مالين الدار علا مدخراتي السبعة ونص لقاتني فكار پريوم سيتيام... مقلتلو والو حتا قربت للمراكش نع الكار كان فيه الويفي سيفطلو ميساج اتصل بيا بدا المغزوفة ديالو كيغوت ويعاود ويعرعر خليتو حتا سالا شوق: فين كاين عز: واش باغاتجهليني انا كنغلي ونتي باردة شوق،: وغي جاوبني ونقولك.. عز: لا اله الا الله فباحة استراحة علا لوتوروت ساعة ونكون فمراكش...شوق: انا نص ساعة ونكون تما عز: بضحكة.. كتفلاي عليا شوق:، والله مكنتفلا عز: وكتقوليها بوجهك حمر ياك قلتلك متنشيش عندها حتا نديك انا شوق: صافي انا قلتلك معولة نشوفها فهاد العطلة الا مشات هاد السيمانة عاود غنساين مدة طويلة علا منشوفها عز: سمعيني سمعيني هدشي كلومعندي مندير بيه سيفطيلي سميتك كاملة فميساج غنريزيرفي لك فاوتيل بار سيت ونزلي فمراكش هنا حتا نوصل ونتفاهمو ...بقاي معايا فالتلفون باش نبقا مگيديك شوق: متخافش عليا راني مصغيراش وماشي اول مرة غنجي للمراكش از: دوينا خلي تلفونك خداك... وصلت انا مع 10 دليل خديت طاكسي من المحطة للعنوان دلوتيل لي سيفطلي لقيتو فعلا مريزرفي لي طلعت بدلت عاد غندخل نتكمش.. وهو يصوني كانت شي 11 دليل.. عز: نزلي
شوق: اويلي فين غنزل باغي ديرلنا الشوهة فهاد الليل عز: تعشاي مال نينتك خاسرة.. شوق': شوف غير سير دابا.. حتا لصباح ونفطرو مجموعين غز: شوفي الله يرحم باك راه 14 ساعة والطريق كطحن فيا يا غاتنزلي يانطلع نجرك من حوايجك.. شوق: ايوا هالحكاام.. بدلت عليا جينز وكونفرس بيضا...تريكو صوفي فالبيض والكحل نازل شوية من اللور ومهزوز من القدام دورت شعري جنب نزلت لقيتو فباب الاوتيل كيتسناني..
ركبت وزاد سلم عليا ببرود... وخرجنا من الزحام شوية ديال السونطر وهو يكسيري خلا غير العجاج..دخلني الوسواس هاذا مالو صافي نوا علا خزيت...صافي انا انا لي درتها لراسي وجيت برجليا ليوم يغتصبني اويلي عاد ماغادي لخلاوات.. شوق: ففين غادي بيا وابشوية عز: نغتاصبك اويييلي هالي قلنا اويلي اويلي ويلي انا لي بنت لحرام انا اش دانس نتيق فواحد مكنعرفوش قالك الحب هاحنا صدقنا فشوهة اميمتي الا غوت مكاسن حد الا قاوت السيد دفة غمضت عيني كاع القران لي كنعرف قريتو وتجلا عليا دخلات اية فاية اويلي ويلي وحدي هزيت التلفون باش نكتب لاريام حتا الا دفني فشي خلا تكون فخبارها طار علا التلفون... نزلي شوق: اويلي فين غنزل.. عز: نزليييي

مبغيتش دار وجا حل وجرني. عز: ماباغش تسلمي عليا وطلق ضحكة وانا طلقت بكية شد فيا ولد الحرام وانا نبكي وهو حط ايدو بغا يعنقني زعما نشكت انا كنخنن... جمع يدك عز: هدشي لي بقالك هاكي مسحي شدي.. بلاتي اش مولف كنقولك اه وليت كنشك فذاكاءك.. جرني شوق: فين غادي بيا مع هاد الخلا عز: اولا هذا ماشي خلا الله يعطيك الخلا هدا مطعم تراديسيونيل بغينا جبتك ندير فيك خير اسفود العيد الكبير تاكلي الشوا والطنجية وداكشي لاخر شوق: واش انت حمق واش انت نيت عايش يرا ولا منين جابوك منين من الاربعا دلغيس الشوا هولي بقا لبابايا فنص ليل وشريلي سروال راه صافي لي عطا الله عطاه عز: نيت بالضحك هههههههه زيدي زيدي تاكلي عاد تحيد منك الخلعة.. تعشينا وجمعنا،شوية علامرض ماماه وعلا خوتو ورجعني للاوتيل ودرنا باش نفطرو بزوج...افيقني الصباح. طلعنا لاوريكا جينا منها مع السبعة وصلنا قلتلو الله يعاون غنطلع نعس النهار كامل وحنا نجريو حطيت راسي مور ماصليت المغرب فوق المخدة كنشوف هاد القدرة وهاد الصدفة كيف كنت نكرهو شوية وليت نبغيه صدق ولد الناس ومحترم...وانا فعز تخيلاتي يالا وصلت للعمارية وهو يتصل..غز: نزلي
شوق: افين تاني ياك قلتلك بغا ننعس عز: ونزلي وتعرفي شوق: اش كاين عز: وشي ناس بغاو يعرفوك

نضت بدلت علا سعدي وعدي ..لبست سروال قصير شوية فالكحل وشوميز فالسومو طلعت شعري كو تشوفال لبست صبيبيط بلا وهزيت صاكي هبطت لقيتو كيسناني فالباركينغ وصلت لقيت حداه واحد الولد...غي وصلت لهم نزلو عندي بزوج عرفني عليه هو خوه ركن الدين عندو 21 عام كيقرا ففاس...بقينا واقفين شوية زكريا قالنا يالاه نتعشاو كانت ريسطو قريبة مشينا غي علا الرجل تعشينا بالجماعة والضحك...سالينا رجعنا للسيارة قالي زكريا يالاه نجيبو دورة فالمدينة كامل حليت الباب اللور .وسدولي ركن قالي غير ركبي للقدام انا مغاديش معكم هز لاباراي كانون لي كانت تماك ودار عند خوه هضر معه شوية كنشوف بحال الاعطاه شي فلوس تحركنا بقينا كنضورو شي ساعة وهو كيقولي فالكلام المعسول.. وانا وتقول واش زعمت نقولو حتا انا وصلت 12 ....طلبت منو يوصلني للاوتيل رفض قالي لا مازال متمشيناش فجامع الفنا... كان عامر ديك الوقيتة شهر ابريل وكانت العطلة دالربيع وناس معمرين الدنيا...بقينا كنتمشاو...شويةبان لينا ركن الدين كيصور قالي عز نوقف نساينو شوية يمشي يهضر معاه ويرجع عاد تحرك من حدايا وهوما يجيو واحد 3 دالشمكارة
سلاگط كينگو بشكل مستفز... الاول: ايوا الزين متفاهمتيش مع النصارني عل الثمن هربت بعدت شوية جا تاني: شوفي معانا حنا كيما كان لحال ولاد بلادك نبرعوك ديك نترة لي نترت منو يدي كنشوف ركن الدين جا كيجري دفعو جا طايح فالارض تنبه للوضع عز... واحد فهادوك جبد موس وبداو... كيتضاربو حتا حيدلو عز الموس كانو جاو البوليس.. عز دارلي حركة براسو بمعنا متجيش.. ولكن داك الشمكار قال للظابط: اسيذي بحال هادو لي خسرو البلاد...كيبيعو لحمهم للنصارى.. مع

ملي كان عز معصب تخلطاتلو الريفية مع لونجلي جا بحال شي روماني.. ههه.. دار شا فيا الظابط ودار لي حركة بمعنا اجي شوية نبول فسروالي.. عز: اش بغيتيها هضر معايا انا لي مدابز.. الظابط ': اش كتجيك علاش هاد الصداع عز: مرتي وبسلو عليها عندك شي مانع الظابط: يالاه للمركز ونشوفو ديك الساع.. عز: يالاه. كان المركز قريب فوسط الساحة نيت بغا يجرو هداك البوليسي نتر منو يدو قالو طلق مني راني كنعرف الطريق وجا اول مرة يقبطلي فيدي جري منها وانا كنموت بالخلعة اويلي حاي عمري دخلت للكوميسارية ليوم يعيطو لبابا شريتها.. دخلنا للبيرو دخلونا حنا للولين.. الظابط: انشوف لاكط ديالكم عز: مهزوش معايا الظتبط: هي مكاين زواج عز: انت مزوج الظابط: اه عز: نتحداك تكونوهازو معاك دابا الظابط سكت شوية عندجم لي كارط شي حاجة تبتو بيها الوجود غمزني عز بمعنا متجبديهاش وانا مازال مخلوعة فيناهموما اصلا ليدين لي يجبدوها كلي كنقفقف..
عطا باسبور ديالو حمر وبطاقة هويتو الامريكية خرج الظابط عينيه وهو يقولي نخرج انا وركن خرجنا وقفنا فباب الكوميسارية شي عشرين دقيقة وتبغنا عز ميت بالضحك علا اشكالنا انا وركن كنا صفرين مكنهضروش ميتين بالخلعة.. عز': يالاه يالاه اوليداتي تشربو شي حاجة ترجعلكم غي الروح..
انا: ماواتانا غي الشريب اويلي وحدي عمري دخلت الكوميسارية علا خر يامي وليت داخلة شوي نباتو فلاكاف
عز': هي ممعاكش الرجال حتا تباتي.. دابا قولي لي كاين لي نقص منك تم...
ركن: انا فيا النعاس بسلامة عليكم
انا': سيير اخويا بحرا توصل.. معرفة الحبس.. منيحيس اش داني نشوفك كنت ناعسة ركن: ياك اختي ياك عقلي انا': غي كنضحك اخويا حبيبي ركن: بصح حبيبك وداير دحكة عبيطة غمزني بمعنا فقصيه شوق: اه راه انت لي فالقلب راه غي كنكدب علا هادا وصافي عز: باينلي نرجعكم تكلاصاو راه تصاحبت مع الشاف الداخل.. ركن: مشا كيضحك.. انا: غتوصلني عز: لا انا: اوك باي انا غادة عز: اجي لهنا نشربو شي حاجة ونوصلك طلعنا لكافي كتبين الساحة ودوك الاضواء مشكلين، لوحة فنية رائعة جلسنا فتيراس.. وهضرة جابت هضرة..حتا وصلنا لاريام وهو يتنفض.. نوضي وقفي انا فين.. عز: تبعيني تبعتو خلص ونزلنا وقفني فباب لوتيل عز: هبطي

شوق: قولها غابشوية بون نوي عز: هبطي جمعي حوايجك غادين لكازا
شوق: اويلي واش درتيها بصح فهاد ليل عز: هضرنا واقيلة سيري جمعي حوايجك انا نشوف الاوتيل انا طالبة عليها نشوف ريرو...طلعت بعدا توضيت مع مشا فلكوميسارية صليت العشا جمعت حوايجي كندور كيف لهبيلة لانسا شي حاجة... هزيت فالكحل... درت روتوشات علا حالتي ونزلت المانيطة كان كيسايني فالاستقبال نزلنا.. شدينا الطريق باليل...درنا موسيقى بقينا مجمعين...غالبني النعاس ولكن مبغيتش نخليه بوحدو قاومت فالاخير استسلمت ومع نعاسي خفيف واحد الوقيتة كنحس بيه جر ايدي باسها... وقالها وطير عليا نعاس.. كنبغغييك وردها حطها فين كانت،اويلي وحدي، ..وصلنا لسطات قبل لفجر بشوية نوضني كنا فباحة استراحة هو دخل يجيب قهوة لينا بزوج ..انا بانولي الالعاب وفديك الوقيتة الدنيا خاوية كتصفر... ممنعتش راسي لعبت فزحليقة وزعلولة... ولكن للاسف جا مع اللقطة المحرجة انا داخلة فواحد الكرسي صغيور وهو فيه ذوك النوابض كيبق يتزعلل بوحدو شفتو جاي كيضحك يغيت نوض وانا نوحل وهو مييت عليا ضحك
عز: بلاتي علا هبيلة.. حط القهاوي فوق واحد الكرسي بلاتي نعاونك مديتلو ايذي قلت غيخرجني ساعة هو مسلسع كثر مني جا ركب فديك لمقابلة معايا...وجلس كيتزعلل

حمقة تلاقا حمقة وتقربلات الزنقة كملنا لعب دزنا فكاع دوك الالعاب حتا بداو دوك لي خدامين تماك كيتجمعو يصليو فواحد البيت كوراه كيقولو الله يستر... ماشا معاهم يصلي دخلت انا لطونوبيل كنشرب القهيوة حتا رجع كملنا الطريق..دخلنا فطرنا ومشينا لاوتيل ibis خدينا زوج غرف... دوشنا بدلنا..ونزلنا كانت شي 11 دصباح اتصلت برورو... بقيت مجمعة معاها عادي بحال كل صباح وقالحديث سولتها سميت الحي ديالها...قطعت معاها ومشينا لو ..عاوت تاصلت بيها وقلتلها بلي راني درت لها مفاجاه وجيت بوحديتي واني كنساينها قبالة واحد السوق ممتاز...كانت الحرارة الموت دالصهد نزلنا من الطونوبيل دخلنا لداك سيوبر مارشي خدينا شي حاجة باردة نشربوها تماك قالي علاش منديروش واحد اللعبة لريرو قالي نتي جلسي فطونوبيل غي تبان لك جاية.. وريهالي وانا غندير بحال كنبسل عليها نشو شنو دير انا: العار الطونوبيل لا..الموت دصهد قالي واخا سيري لتماك كان باب عمارة هو وقف بعيد عليا حدا طونوبيلتو ماينزل واحد الدري: ختي دخلي لدروج حيدي من الشمس ومشا دار فلان مع ديك الابتسامة وشكرا وجاليا عز': اش كنتو كتقولو دوييي شوق: والله والله غير قالي حسذي للظل عز: وهو سوقو والله كون مامشا حتا نتفاهم معك طلعي لطونوبيل واخا تكون فيها جهنم ملشي غي لحرارة انا: وااعافاك عز: صافي سكتي دخلنا لواحد الكافي طلعنا لتيراس كان بزاج جلسني بعيد طبعا علا الزاج لصقنا فواحد الطبلة مع الحيط اتصلت ريرو قالت بلي راها وصلات هو نزل قالي متحركيش حدو وصل للدروج انا نضت كنتسحب وكنطل من داك الزاج حتا كنحس بالنفس سخونة فشعري درت لقيتو هو وانا نغوت.. هو مكانش موقعني نغوت تخلنا بزوج فمرة قلتلو تفو عليك حلعتيني عز: معرفت شكون خلع لاخر شوق: علاش رجعتي عز: نسيت تلفوني. .مشا ولي فيا مهناني مبغيتش نفلت الديكور... اتصلت بيه قلتلو راها واقفة حداك ابنادم لابسة المارو.. كنشوف كيتبسل عليها وهي متسوقتلوش ههههه حتا غلب عليه الضحك.. هي تصدمات يمكن شوية جايين للقهوة بزوج انا رجعت تركنت فين خلاني هههه.. ولكن داك الهداوة لن تدم طويلا غي شفت صاحبتي واااععع اجا مافرقنا تشادينا بتعنيقة مبقيناش تفارقنا

واخيرا شفت البنت لي سهرات ماعيا وضحكات وبكات معايا لي نصحاتني وكانت ختي قبل متكون صاحبتي فرحت معااها بزاف دوزنا نهار زوين بزاف فليل تعشينا مجموعين وحتا اصدقاءنا من ناس الجروب لي كانو حاصلين فكازا... مشا هو لاوتيل انا بت عند صاحبتي..فصباح توادعت معاها بالبكا ورجعنا فحالاتنا للمراكش... وصلني للاوتيل من جديد مور ماعودنا الحجز وهو مشا قالي انو خصو يخرج خواتاتو لاوريكا من نهار جاو مخرجو وانا تقبلت...حتال ليل.. وجا عندي شفتهم شوية هو وركن واماني فكافي فلوتيل لي انا نازلة فيه ملي كان غادين عيطلتلو شوق: فراسك غدا غيخصني نمشي..عز: اواه دغيا ولا غير شفتي صاحبتك صافي
شوق: لا ماشي هكداك قريب تبدا الامتحانات وانا موجدت والو غي عدرني عز: واخا المهم انا 12 دنهار نجي نوصلك ونتوادع معك..ونتفاهمو علا امتا نرجع غمزني ومشا...الصراحة انا بغيت غير نجربو ونضحك معاه مازال غنزيد غدا... فقت فالصباح مع 12 ونص اتصلت بيه والو مكيجاوبش.

عاودت الاتصال كذا مرة والو ..نضت دوشت وبدلت نزلت نفطر وهو يتصل بيا مبوق بالنعاس.. عز: فين كاينة شوق': عاد دخلت لاكادير عز: اويلي متقوليهاش علاه شحال فساعة شوق: قريية الزوج..عز: والله احبيبة مدرتها بلعاني والله حتا داني النعاس انا': معليش بينت التقليقة خليتو كيعتذر ويعاود ويزاوگ ويطلب حتا غلبني الضحك قلتلو ممشيتش وتقلبات الاية وليت انا لي غنطلب ونزاوگ عز: كتفلاي عليا ولا كيفاش بنت لك انا دابا حمااار ولاشنو اه حگا مشيت باش تتلقاي مع شي واحد كلي مصدق لك البلان لاهاني مزال والحمار يتيق شوق: لا زدتي فيه حتال هاد الدرجة مكتيقش فيا . عرفتي شنو ياك قلتي الشاف برسونيل دلوتيل صاحبك اتصل بيه سولو واش ملي وصلتيني بليل خرجت قطعت عليه...وبداو الميساجات عز: من ديما كنقولك متقطعيش عليا هاد المرة غنقطع لك الرجلين دايرة لافوت وزايداها بالتعفير شوق: سير فحالك منصلاحش ليك عز:: ماشي نتي لي تقرري تصلاحي لي اولا شوق: زدتي فيه مكيبانلكش راسك شوية ديكتاتور عز'؛ ديكتاتور ولاغيرو زهرك لاحك فريفي جلاخة مفلس معندك غي تصبري شوق: قبيح وكنبغيه ماشي شغلك.. وبدا كيتصل وم اوبتش عز: هزي التلفون جاوبيني ولانعرف شغلي معك،..جاوبتو... عز: اش كتبتي شوق: فين عز: فلميساج الاخير شوق: مابانلكش راسك ديكتاتور

عز: واش كتسطاي عليا الميساج لي موراه شوق: واصافي بلا عياقة عافاااك عز': انا لي عاااافااك مقوليها فويس بليز شوق: واخا غغنحسب لثلاثة ونقولها ونقطع راه تصوني منجاوبكش..واحد زوج ثلاثة.. كنبغيك
..قطعت لقيت ميساج فوكال منو: حميمقة حتا انا كنبغيك ديك السبعة دلعشية نتلاقاو فلاغونيسونس فجيليز عندي لك مفاجاة
انا: شنو هي بليز
عز: عاودي هاديك ونقولك
انا: واكنبغيك وقافي قول
عز: كنشك فذكاءك الا قلتلك فين المفاجاه
شوق: براغماتي حقير
عز: شنوووووووو
شوق: والو متبقاش تسيفطلي هاد ليموشن كيخلعني سبعة تلقاني واجدة

رجعت للبيت دوشت وخرجت لصالون دبوتي صاوبت شعري ودرت مانيكير رجعت لبست كسوة طوية بالاكمام فالكحل
ضهرها شبكه علا شكل فراشة ولكن ممعريش سندالة بلا فلكحل فيها ديزيسطراس بوشيط كحلة.. درت لوجهي غير قلم صافي ونزلت خديت طاكسي وصلت للبلاصة لي قالي مع شي سبعة ونص دخلت لديك الريسطو التحت خاوي... بغيت نتصل بيه لقيت ميساج فالواتس قالي طلعي كان فيها لاسانسير مستخدمتوش مع انا لالة عكيسة عندي ذكريات خايبة معاه فيما نطلع فيه ندوز فيه نص نهار كيخسر طلعت فدروج كيبانلي هو وركن الدين فوسط قشلة دلبشر كانو ززوج بنات ..لي هوما خواتاتو اصالة واماني.. وولاد خالاتو واحد ايوب وامين.. ومعاوية... وديجي مهدي هدا كنعرفو من الجروب ...جالسة فور رجليه خت عز الصغيرة عندها سبع سنين سميتها رنين...علاه انا مشيت وسلمت عبيهم ابدا وكن اين لي تلك الشجاعة بقيت مسمرة فبلاصطي تبلونطيت... حتا شافني ركن.. وسيفط ليا مجبد لبلا عز': فين تعطلتي انا: كنشوف موراه فالناس لي كانو كيضحكو سكتو كيشوفو فيا...عز: مالك شفتي جنون غاخوتي بغاو يتعرفو عليك مصبروش حتا يجيو داركم... ..قرب الوذني كثرة ديال الضحك الخاوي وتقيسي شي حد بايذك في اطار المستملحات نقطعهم ليك عارف يدك سابقينك شوق: واغي معك وصافي يلاه كيشوفو فينا.. قالي نقصي من الضحك انا قطعتو فمرة الاتقالت شي حاجة كتضحك كنشوف فيه عي لولا الا ضحك عاد كنتبعو الحصول نخاف منحشم عجباتني بزاف رنين فنيكيشة وزعيرة... ياربي شي بنيوتة بحالها وحتا اماني وركن ضحوكين ورتاحيتلهم ذيك اصالة مدخلاتليش لقلبي والله جاتني مسمووومة باين غنلقا معاها مشاكيل.. ..وصلات ديك 9 كلها ورجع فحالو بقيت انا وعز وانا ساكتة مبغيتش نقولو اشنو عرفت عليه اليومة

نرجعو شوية لور ملي دخلات شوق من الصالون لقات واحد لبنت معاهم من الجروب سميتها انتصار...حتا هي من الولايات مخلية مخليا لها ميساج جاوباتها لقاتها طالبة منها تصاوبلها فيديو بصورها هي وحبيبها... واخا كنت مشغغولة قلتلها مرحبا ملي سيفذاتلي التصاور انا تصدمت هو والله حتا هو يعني كيتفلا عليا سولتها قلتلها ايمتا كتعررفيه قالتلي من شي ربع شهور وبلي تشاوفو غي شي زوج مرات وانها وصلات حتا باتت معاه تماك حيت عندهم عادي اوپن مايند علا قولتها..سولتها فينو دابا قالتلي راه مسافر...سكت ضاوبتلها شنو بغات ملي مشاو خوتو وصحابو.. قالي نطلبو لعشا هنا ولا فين.. انا: الصمت عز: مالك شوق: نقدر نشولك عز: تفضلي بلا متشاوري نتي حبيبتي شوق؛ كتبغيني بصح ولا ز: متكمليهاش.. انا كنبغيك بصح وعمري شفتك فشي بلاصة من غير معايا وفداري من هنا للقدام والدليل اني عرفتك علا خوتي ونتي شفتي كون بغيت منك شي حاجة رانا سافرنا بزوج وهادي خمس ايام معايا بوحدج عمري مقبطلك حتا
فايدك.. شوق: دابا متنفعلش عليا حليتلو الكونفر معاها وخرجو عينيه نضت غادة لطواليت هو قشعني كنبكي عز: احسن حاجة ديريهاحيت منقدرش نشوفهم

مشيت عرگتها بكاوات علا زهري المكفس فتواليطات.. حتا قلت لقيت ولد الناس وهاهو خرج فيه العيب.. اي راجل كيغلط ولكن الي ضرني انو نعس معاها الوقيتة لي انا وياه كنتعارفو فيها وكيمثل عليا فيها الحب رجعت هزيت بوشيطي شاف فيا شوفات منساهمش لدابا...نزلت وخليتو شفتو فزاج كيخلص تابعني بالجرا فين غادة بوحدك فهاد ليل وقفي غي سمعيني نشرحلك. شوق: معندك متشرحلي انت اصلا ممدينش ليا باي تفسير وشكون انا كاع فحياتك واش بيني وبينك.. عز: انتي كلشي عندي متستفزينيش بهاد الهضراااا شوق: سكت شوهتينا مشيت مبعدو وهو يجرني من مرفقي حتا شعل ليا الضو لزرق جرني اكللطونوبيل وغادي مكسيري خرجنا علا المدينة شوية كانت واحد البلاصة كيديرو فيها السباق دلماطر غي وقف الطونوبيل ونزلت هو غي فهميني انا نشرح لك.. انا بحالي بحال اي راجل فهاد العالم
ضعفت قدام مره انا مخنتكش والله هدشي وقع قبل منولي نبغيك هدي هي غلطة حياتي.. دوز رقمها ودار الاوبارلور..: بدا كيغوت عليها من ايمتا انا واعدتك بشي حاجة نتي عارفة وانا عارفة بلي كانت علاقتنا تبادلية وبالمقابل.. نهار مازال نلقاك كدوري بيا غنتفاهم معك حتا حاجة ماكانت بلا خاطرك خرجي من حياتي قطع عليها ووجاي لعندي وانا كنبعد انا : انت حمار كنت كيسحابلي انت ماشي بحالهم صدقتو بحال بحال كلكم كتشوفو النسا غي لحم ووسيلو لتفريغ شهوات تفووو عز: تزيير حماار بزاف وجاي الله اعلم يمكن كان ناوي يضربني ولكن وقف علين موطور كبير نزل منو مهدي لاح سوارتو لعز مهدي': عز بدل الساعة باخرا سير فحالك عز: مغاديش مهدي': ايوا بقا.. طلبني نرجع للسيارة بادب وساگ هو وصلنا للبرانس وطلب مني نتهدن شوية ونزلو نتمشاو بحال الخوت ونتفاهمو بالعقل.. نزلت معاه بقينا كنتمشاو مهدي: عز مدايرش بحال هكداك وعمرو ماكان هو داز من مشاكل اسرية كبيييرة بزاف كثر ماممكن تتصوري... وكان غيفقذ خدمتو ودخل للسجن مدة وملي خرج بدا كيشرب الكحوليات بزاف.. فليلة غواه الشيطان ومالقا غير انتصار قريبة وساهلة ودوز معاها مدة وصافي هو كيقول بلي نادم بزاف والا تاصلنا دابا بايمن ودرت لك السبيكر غيقولك نفس الهضرة كيعتابرها غلطة حياتو...انا ماشي حيت صاحبي غندافع عليه ولكن بصح هو كيبغيك وتبدل ملي عرفك ونقص من الشراب ولامديها فخدمتو... فكري فالموضوع وعطيه فرصة انا': اكتفيت بالصمت رجعني للوتيل ومشا فحالو

دخلت كنفكر فشنو داز هاد النهاد دغيا الفرح كيتحول حزن.. تقبلت الوضع. او يمكن كلام مهدي اثر فيا او الصدق لي شفت فنظرات ولمست فكلمات عز قررت نسامحو ونعطي فرصة ليه وليا.. والانسان بطبعو خطاء وغير معصوم..لقيت ميساج: هبطي نهضر معك غي زوج كلمات ورجعي عافاك اخر فرصة...
لبست كيطمة ونزلت عندو كان مسند علا داك الموطور.. غي شافني فرح مكانش متوقعني ننزل عندو.. شوق: شوف بلا متزيد الخضرة والكلام غتقول شي حاجة غنصدق مغيرة رآيي
ابتسمت اسيدي الله يسامح غدا غنتسناك توصلني لللاگار ايو نعس تاني خليتو مصدوم ورجعت للاوتيل.. حلف لاهو تحرك من داك لبارك شي ساعنين وحنا كنهضرو فتلفون انا لفوق وهو التحت معاودش جبدنا داك الموضوع تافقنا علا الخطبة مور شهرين...انو يجيب عائلتو.. ومنديروش لعرس حتا يصاوبلي للوراق... مشا انا طحت نعست.. وسبحان لي يبيتها فشان ويصبحها فشان وهو عظيم الشان هاد المرة لقيتو كيسايني فالاستقبالات خدا عندي المانيطة دزنا فطرنا فكوفي كان باقي الحال شوية شي ساعة قلنا نجيبو دورة اخر دورة فمراكش...وصلنا لواحد لفو روج...وهو معرقت شنو كان كيقولي انا سيهيت فالسيارة لي حدانا كان فيها محمد رضا المغني انا نسيت راسي.. ومقلتلوش شوف او شي حاجة بقيت سارحة
عز: اش قلتي فهادشي.. شوق ايهو حمااارة نزل نعطيه نمرتك مغاديش معك راجل ياك غادي معك طرطور...شوق: لا والله حتا كنشوفيه حيت.. صرفقني كانت اول مرة نتصرفق فيها..دخت عل

القبلة حسيت بالحگرة.. قلت والله منبكي درت للسرجم بقا غادي مكسيري مرة مرة كيسب كيخسر الهضرة كيضرب فالڤولون..حتا وصلنا لباب لاگار.. وهو يجرني غي قالي ديك سثحيلي ومشا بريستيجي ادراج الرياح كان لابس تيشترن فالزرق ولاكيقطر بالدموع....اعتدر مني قالي اول واخر مرة نقيسك والله حتا مكنتحكمش فردود فعلي خصوصا ملي كنغير.. شوق: اخر مرة اخرة مره. عز: وعد.. شوق. اوك
اي هئ هئ هئ عز: مالك تاني شوق: غنتوحشك عز: انا توحشتك من دابا قبل متمشي شوق:: سير تاني عام عاد نعاود نشوفك عز: واش كنا نقولو من الصباح شهرين احبيتي غي شهرين اصلا غدا باليل عندي الطيارة.. شهرين وناخد اسبوع كونجي باش نشوف واليديك ونتافقو... شوق': صافي واخا مسحت دميعاتي بحال شي بيبي.. هز لي هو المانيطة داخلين للگار حتا تلاقيت مع الانسان لي عمري كنت نبغي نشوفو وخصوصا فهاد الوقيتة.

فلباب الزجاجي...مدخل لاگار...تلاقات اربع عيون اربع حكايات مختلفة اربع شخصيات اربع فلوب بمختلف الاحاسيس... نادر وشوق الشخص لي عطاتو جزء كبير فحايتها كانت تتمنالو الرضا يرضى والي خرج من حياتها دون سابق انذار بلاسبب عز وخديجة البنت لي هربات وخلاتو فوق طاولة العدول نهار عقد قرانهم عم صمت لدقيقة كاملة كانها دقيقة صمت ترحم وفعلا غتكون ترحم علا الفضول لي كان عند شوق وعز علاش تهجرو... عز ممنعوش وجود شوق انو يبين غيرتو ورجولتو كيفما كان الحال..كتبقا بنت خالو انهال عليها بالضرب والسب والشتم جا نادر حتا هو تخلط فالعركة كلشي مضارب معدا شوق واقفة مصدومة شنو هي العلاقة التناسبية بين هاد الناس خديجة:
تفرق معايا معندكش حكام عليا عز: علاش الحمارة درتي الشوهة فراسك قولي مبغيتش نتزوج بيك ونخليك..مكاين لاش تهربي مع هاد الحيوان خديجة:: واخا كنت رفضت بابا كان مبزز عليا نكون خدامة عندك ومربية لبنتك كلشي علا جال الفلوس شوق: بنتك خديجة: اه عندو بنت عندها عام ونص نادر: كيمسح الدم من فمو انا وحكخديجة مزوجين دابا سيرو فطريقكم وخلونا فحالنا.. شوق جرات مانيطتها والدموع فعينيها للداخل المحطة..انتبه عز وتبعها شوق سمعيني سمعيني شوق: شنو غنسمع كذبة اليوم عاودتاني اا دوي مكاملاش 12 ساعة باش سامحتك ..علاش خبيتي عليا علاش كتظن كنت نرفضك حيت عندك بنت ابدا مكنتش نديرها... وكون رجعت للكونفر ديالي فجروب قبل كنت كنقول امنيتي من وانا صغيرة نتزوج براجل عندو ولد او بنت يتامى عز: اه عاقل كان هدا سببي لتقربي ليك فلول شوق': هااا يعني كنتي باغي ام لبنتك ماشي زوجة عز: قلت فلول قلت نقرب ممنك ونخليك تبغيني عاد نصارحك.. ماشي نقولك وتقبلي بيا غي علا قبلها..شوق؛ امتا امتا كانت تجي هاد المصارحة اسيدي حبيبي... سمع نقولك من اليوم من اليوم منعاودش نشوفك فطريقي عز: غتشوفني وغنتبعك وغتلقايني فيما مشيتي حيت كنبغيك شوق: الاعاودت شفتك قدامي منقدرش نقولك شنو غتكون ردة فعلي تقر توصل نقتل راسي ومنشوفكش عز: لهاد الدرجة شوق وكثر نترات منو المانيطة وزادت طلعات فلكار لي كانت قطعات فيه سندات راسها عل الزاج والطريق كامل وهي كتبكي
زوج دناس فقل من عام واحد دخلو لحياتي خربقوها...قلبو موازينها ولكن اخر واحد اثر فيا جرحني بزاف حيت بغيتو بزاف رجعت للقرايتي مسديتش عليا فبيتي وعطيتها للنحيب بلعكس بدلت ايمايلي فايس ديالي ارقام هاتفي مكرهتش نغير حتا عنواني كرهت اي بلاصة كنت فيها وداز علا بالي كرهت المدن الي جمعاتنا كرهت اي واحد يذكر مدينتو واصلو ..فعلا احيانا كنولو نبغو مدينة علا قدها بسبب شخص واحد واحيانا كنهكرهوها علا قبل نفس الشخص..عل العموم حاولت نستجمع قوتي..كملت امتحاناتي ..كانو اهلي غيبدلو السكن..حيت كنا فحي اداري وبحكم الاب ديالي خرج تقاعد تحولنا للدار لي بنينا... .منكرش اني فينما نحط راسي عل المخدة كنتفكرو كلامو صوتو ريحتو ذكرياتنا شهامتو رجولتو نعايا غيرتو عليا وكندمع لانو كنفيها من مخيلتي علا اساس انها كلها تمثيل باش يكسب ام لبنتو..لو كان غير صارحني من الاول..
وصل حفل التخرج ديالي غادة فوق من خاطري رغم اني الاولى فالمعهد وغنكون اول المكرمين والصاعدين للمنصة ولكن غي درت الخاطر لوالديا ولفؤاد ونرجس واريام لي جات علا قبل هاد النهار من كازا... وانا كنشوف الفرحة فعيونهم والناس كتصفق لي والمدير كيطلب مني نعطي الكلمة توقف تفكير وبلعت لساني زعما نكون كنخايلو من درجة اشتياقي لو شفتو كان واقف فاخر القاعة مور الحضور كملت الكلمة خديت الشهادة والجائزة ونزلت كنقلب عليه والو ماليه اثر تماك عرفت اني مستحيل ننساه اونحيدو من بالي واني مهما حاولت نمثل القوة كنلقا راسي فمكمن الضعق لانو ميمكنش ندكرو اقصى درجات الشوق بلا منستخدمو لفظ عز الشوق غيبقا اسمو لصيق اسمي وفيما سمعتو بالصدفة غيتزلزل كياني...

نجحت وتفوقت وتخرجت وبديت خطوة الالف ميل فبحثي عن العمل.. .ملقيتش فاقترحت عليا قريبة ليا اني..نسافر عندها لتركيا بحثا عن العمل...قنعت اهلي بشق الانفس كان صعيب عليهم بنتهم الثالتة تتغرب وتبعد عليهم ولكن خصني نشق طريقي..نبني كريري.. ونعتمد علا نفسي وفراتلي ديك السيدة المقام والملبس وانا بقيت كنقلب عل الخدمة داز الشهر اللول مالقيتش والتاني كذلك حسيت راسي ثققلت علا السيدة قلت خصني نخدم فاش ما ونشارك فمصاريف المنزل...واخا نخدم فاش ما وبلا دبلومي وبلا مؤهلاتي كوني متخرجة من معهد دولي كبير.. لقيت عمل فاوتيل كعاملة تنظيف.. مقابل اجر زهيد ولكن حافض ماء الوجه.. الاوتيل كان كيرتادو رجال الاعمال كيديرو فيه لقاءتهم كيعقدو صفقاتهم..وكيقيمو حفلاتهم...واحد النهار كنعقل طلب منا الشاف

واحد النهار كنعقل طلب منا الشاف برسونيل نحضرو قاعة لعقد الصفقة نظفنا رتبنا وزينا..وانصرفت نرتب الغرف الاخرى دخلت لوحدة علا اساس غنلقاها فارغة.. ولكن لقيت شخص معصب معمر الدنيا وراق كيكتب ويكمش قلت يمكن شي صحفي او كاتب جافاه الالهام جيت خارجة وهو ينطق بالتركية. الرجل: انسة هل تستطيعين مساعدتي بابداء راييك
انا قلت يمكن فلبستو ومظهرو هزيت راسي بنعم.. الرجل: وجب عليا القاء كلمة باللقاء ولكن لم اتوفق دعيني اقرا عليك ماسمعت
انا سمعتو مخفيتش ضحكتي دخل شي فشي وخصو يكتب بالانجلش وعندو واكلة الدق بالبيان خليني نوصفو لكم كان رجل ثلاثيني طويل شوية انيق... ملامحو مشرقية بزاف...
انا استئذنت منو فالقلم خديت الورقة مسحت ايدي من الما ديال التنظيف.. وتحنيت عل الورقة مور مفهمت منو اش بغا يقول ملي كملت وقرا كان مذهول انو عاملة نظافة طلب غي رايها تتفوق عليه وتكتب باحترافية عليه مخفاش اندهاشو شكرني بسرعة ونزل لانو كانو كيستعجلوه ينزل.. نظفت الغرفة والغرف المجاورة ونزلت بدلت ورجعت للدار لي ساكنة فيها انا وقريبتي

فالصباح كنسمع الدقان فالباب عند بالي حنان الي ساكنة معاها نسات شي حاجة..فتحت وتصدمت الرجل: هل سنقف كثيرا هنا الن تسمحين لي بدخول انا: ااا تفضل
دخل وجلس فوق الفوتوي انا من تحت سناني رجهك صحيح الرجل': يي شو بو وجي شوق: واش انت عربي " بدهشة" اي نعم متعرفنا امس انا احمد رجل اعمال من سوريا مشن هيك شهرتي الشامي انا: كيف درتي عرفتيني هنا وشنو باغي احمد: شوي شوي متسرعي بالحكي مشان افهم عليكي. اخدت عنوانك من ادارة الاوتيل وحاولت اعرف عنك كذا اشي منو دراستك بادارة الاعمال شوق: وعلاش هدشي كامل مفهمتش شنو المطلوب مني لحمد': حبيت انو اشكرك ع مشاعدتك الي امس وانو انقدتيني من موقف محرج كنت رح انحط فيو مشان عيك اجيت اعرض عليك فرصة عمل بشركتي شوق: اااا ولكن انا متعاقدة لمدة سنة مع الاوتيل احمد: خلص ولا يهمك اعتبري انلغى انتي رح تكوني مساعدتي شوي شوي وبتتعلمي الشغل وكمان التركية حسيتك كثيرة ضعيفة شئ طبيعي لانو من كم شهر بس اجيتي.. هذا مبلغ صغير اعتبريو سلفة مشان ثياب الشغل وبعد بكرة ان شا الله بتكونبي بالعنوان الي بالكرت
نمشيو نلقو نظرة علا بطلنا.. لي ندم بزاف انو ماقالهاش حكايتو كاملة بحذافيرها وبجزئياتها واهم هاد الاخيرة بنتو لينا.. قبل ميخلي المغرب جا جلس فمدينتها اكثر من اسبوع وهو كيراقبها النهار بخوه وكان كيبات قبالة دارهم..كانو باغي يشبع منها قبل ميمشي ومزعمش يقربلها او يطلب الغفران من جديد. .ودع بلادو وعائلتو وبنتو وحبيبتو ورجع للولايات لي لقا نفسو فيها موقوف عن العمل لانو ممد اجازتو مدة طويلة بدون سبب او اوراق طبية معتذرش بالعكس ضرب كل كريرو فالصفر وقدم استقالتو...وبداو ديونو ومصاريفو كتكثر فقرر يبحث عن عمل اخر ولكن مكيعرفش حاجة من غير عملو فاشتغل مع منظمات سرية كعميل..وتفوق فهاد المجال من جديد كينتقل من دولة لدولة وهو كيبحث غالوجوه علا شوق.. الي مغابتش علا بالو....الشئ لي خلاه يرجع للمغرب باش يعيد الكرة ويطلب الصفح لكن لقاها تحولات من سكنهم وحتا واحد معارف عليهم والو رجع بخفي حنين.. منين جا. حاول ينسي نفسو بالعمل لمدة 3 شهور من عملية لاخرى. حتا جاتو هاد الاخيرة فتركيا...غيشترك هو وهي المكان الارض تحت نفس السماء وغيستنشقو نفس الهواء. غيقدر يشوفها اما لا الله اعلم

فمنظمة للامن الاجتماعي تعمل في سرية تامة فوق التراب التركي... استوقفتها عملية ابت ان تحل.. العملية كالاتي..... اغتيال عدد كبير من مرموقي البلاد بنفس الطريقة الذبح من الوريد الى الوريد باداة حادة.. احتارت السلطات وقفلات القضية ضد مجهول ولكن الامن الاحتماعي لي كيشتغل فسرية مقتنعش واضطر يجيب عميل من خارج البلاد ولي هو صديقنا عزالعرب...عز وصل للتركيا واستقبلو الجهاز وبدا البحث ديالو فالاشياء المشتركة بين هاد الناس لي ماتو.. رجال اعمال شباب..اغنياء من اصول عربية...ومن هنا بدا وانطلق البحث ديالو

احمد: اوهو اتاخرنا اليوم كثير بالشغل اتفضلي لوصلك الوقت متاخر شوق: شكرا استاذ غنتصل بتاكسي احمد: مية مرة بقلك نحنا اصدقا مافي داعي للرسميات ومشان اثبتلك راح نتعشا سوا شوق: ممم احمد: ولا كلمة اتفضلي قدامي..وصلنا للمطعم طلبنا العشا.. وخضنا فحذيث طويل عرييض.. وكل واحد منا حكا للاخر حكايتو انا مخبيتش حكايتي لا مع نادر ولا مع عز عليه... ًوهو سمعني ومعطانيش تعاليق ونصايح فارغة ولوكان ولو كان الشي لي عجبني فشخصيتو وخلاني نحسو كصديق شوق: ودابا دورك.. تعاودلي علا علاقاتك. احمد: ههه مابتنسي شي المهم انا كان عندي علاقات كثيرة وعابرة بس مؤخرا صدف كثيرة وغريبة جمعتني مع بنت كثير كثير حلوة.. وبصراحة عم فكر اخطبها... وبكرة بالحفل السنوي للشركة راح اقدمها للكل....
انا: اووه اثرت فضولي بزاف واش وليتي كتبغيها احمد: اي قصدك بحبا اي صرت بحبا وبكرة راح عرفك عليها ولايهمك.. وصلني وانا عقلي كيدي وكيجيب بمعنا ممكن نكون انا هي بففف مبغيتش نخسرو كقديق وشخص قدم لي الكثير والمساعدة فوقت الحاجة ولكن...منقدرش نخون حب وذكرى عز واصلا العلاقات صفحتها تمزقت من قاموسي

الغد ليه تانقت بفستان فالابيض .بتسريحة مناسبة احمد سيفطلي الشيفور.. كان الحفل فنفس الاوتيل لي كنت فام دميناج فيه الدنيا دوارة وليوم داخلالو كشخصية بارزة ومهمة فمجال المال والاعمال...دازو جميع الفقرات من الاحتفال وشفنا عرض فيديو مراحل تاسيس المجموعة لهاد اليوم.. ووصل الفقرة الحاسمة شديت علا قلبي وحبست انفاسي وانا كارهة نسمع سميتي منو لو كان فظرف اخر كنت نكون طايرة بالفرحة

جريمة تتعلق بقاتل محترف وبالتسلسل كيختار ضحاياه بالدقة وبعناية عندهم عدة اشياء مشتركة مبيناتهم... الوسامة.. السن...الاصل العربي الثراء ..المهنة كرجال اعمال راسي بغا يتفرقع... كنقول هذا شي واحد من منافسيهم... اذا مكانش هدفو السرقة ومكانش كينقص من بيوتهم حتا حاجة...او ممكن شي واحد متعصب ضد الشباب العرب الناجح.... دوزت الليل كامل كنفكر وكنحلل... فالفجر طاحت عليا فكرة تخليني نشد راس الخيط.... خرجت من الاوتيل.. فداك الصباح بكري توجهت للمركز السري استدعيتهم لاجتماع شرحتلهم شنو فكرت فيه الليل كامل وطلبت منهم
عز: بما اننا تمكنا من معرفة الاشياء المشتركة بين الضحايا ..فنحن بذلك قطعنا شوطا كبيرا في هذه القضية... ساطلب منكم ايجاد الشباب البقية اللذين يمتلكون نفس السكات المشتركة الذين لازالو احياء
انصرفو للبحت ومور ساعتين... لقينا انه بقا شخص واحد شاب سوري يدعى احمد الشامي....
هو لي كنت كنقلب عليه اهو الضحية القادمة... ام هو القاتل لي زول منافسيه من طريقو اشياء تطلبات مني نحطو تحت المراقبة ابتداءا من هذه الليلة. نتبع تحركاتو وسكناتو نشوف الناس المحيطة بيه وهذا سيتسنا لي من حفل مجموعة شركاتو السنوي...باكبر فندق فالعاصمة الاقتصادية التركية. اسطنبول اعتلا احمد المنصة وانا قلبي كيخفق بقوة حسيت كاع الناس سمعولو...احمد: ضرب الكاس بالشوكة.. انتباه انتباه من فضلكم... شكرا علا مشاركتكم لي فرحتي بالذكرى العاشرة لتاسيس مجموعة شركاتي... اود مشاركة خبر مهم في حياتي... خطوبتي علا الشابة التي جمعتني بها الصدف... صدف حركت مشاعري نحوها. جعلتني اعشقها بجنون اتمنا ان ترحبو بي حبيبتي:
انا فخلطري كنقول السلااامة منطق ديك الكلمة حتا سخفت. احمد: صوفياا
خرجات من ورا ظهرو شابة طويلة ورشيقة زوينة وشعرها اشقر فاتح... بفستان طويل احمر ومايكاب صارخ قبل ايديها.. ونزل كيقدمها للجميع.. فالاخير وصلني حييتها ولكن مرداتش باينة فيها متعجرفة معرفت كيفاش بغاها شخص بحال احمد
احمد: اي قبل مانسا بكرة رح يوصل حارسي الشخصي لي عينتو... ادم راح يوصل بكرة من امريكا ياريت تكوني باستققبالو بالمطار
انا: اوك
احمد: اهتمي فيو بكرة راح كون مشغول.. انا: ان شا الله

فهاد الحياة كيكون عند بالنا اننا كنلاحقو اشياء ولكن هاد الاشخاص هوما لي كيلاحقونا او بالاحرى القدر لي كيحتم عليهم هدشي.. قلبت عليها فالمغرب حتا غييت ملقيتهاش تمنيت حاجة توصلني ليها رقم هاتف بريد الكتروني حساب فاحدى المواقع الاجتماعية والو يمكن القدر عاندني فيهم ولكن. كان مخبيلي مكافاة من نوع اخر كتسائلو علاش كنهضر...واليوم بديت مراقبة..احمد الشامي وانا فحفلتو.. شاهدت ملاكي بلباسها الابيض للحظة خييل لي انها تهيئات وهلوسات ولكن هي حقيقة... خصوصا ملي قربت وسمعت الناس كيحييوها باسمهم.... عرفت من احد المدعويين انها مديرة مكتب احمد الشامي...للحظة رجعت لي اعراض غيرتي المرضية.. ولكن سرعان ماتلاشت ملي اعلن عن ارتباطو كانت هي شوق منعت نفسي من الاقتراب بصعوبة..فزاوية كانت تتحذث لرئيسها فالعمل اقتربت وتلقت مسامعي خبر وصول حارسه الشخصي من الولايات. ..انصرفت للمكتب وانا فرحان عل الاقل عرفت مكانها.. طلبت منهم يعرفولي شكون هوما الناس لي،كيحملو اسم ادم..وغيدخلو غدا التراب التركي كان واحد ... بحكك علا معلومات عليه اسمو فين تدرب والشركة لي تابع ليها باش نتفادى اي احراج نعم غنلعب دورو....الغد ليه لقاتي الحارس ادم فانتظارو علا اساس انا من مكتب الشامي وصلتو للسيارة..للرجال يتكلفو بيه ورجعت للباب المطار وقفت بشنطات علا اساس عاد وصلت تسنيت شوية ماشي بزاف حتا نزلت من سيارة سوداء كانت بجيبا فوق الركبة شوية ضيقة فالبيج وشوميزة مدخلاها فيها بالگرونا صباط عالي وبوشيط بيج طالقة شعرها اول مرة نشوفها بهاد النوع من المايكاب كان ثقيل شوية مع احمر شفاه من لون البلوزة... حيدات نظرات طلعات بيهم شعرها كتقلب بعينيها درت عطيتها بظهر بزربة. قربات قاست كتفي...
عفوا سيدي هل انت ادم درت عندها اه هو

شوق: مصددوومة ععزز شنو كادير هنا وشنو باغي.. وعلاش مبدل سميتك وكيف درتي وصلتي هنا
عز: اييه هييه صبري حاجة بحاجة ونفهمك تنترات مني غادة فحالها ..عز: جريتها من ذراعها هيي سمعيني نتي مجبرة تسمعيني وتعاونيني او حياتك حتا هي فخطر شوق: همم شي كذبة جديدة عز: اشمن كذبة تاني... شوفي باش نكون واضح معك لي غيجمعني معك هنا خدمة موضوعنا الشخصي نسايه ياك نتي طلبتي منعاودش نتبعك وانا درت شنو قلتي لي شوق: وشنو كتسمي هادشي دليوم..متقوليش صدفة عز؛ والله حتا صدفة سمعي معنديش الوقت لي نضيعوه... عرفتي بلي السيد لي خدامة معاه بينات التحقيقات انو يااما ضحية ياما قاتل شوق: ميفا .جلسي نفهمك... جلسنا فوق واحد الكرسي تماك عاودتلها كلشي بقات مصدومة.. شوق: شووف هو شخص عادي يعني مكيضهر عليه حتا حاجة بالعكس انسان مزيان عز: هكا كيكون القاتل بالتسلسل كلشي كيشهد باخلاقو الحميدة وحتا حاجة مكتبان عليه المهم... خصك تعاونيني متبينيش بلي رانا كنعرفو بعضنا تماك تصرفي عادي عل العموم مابقا علا داك التاريخ غير اسبوع شوق: اشمن تاريخ.. عز: ليلة راس السنة... هادي خمس سنوات كل سنة وفنفس التاريخ.. كتوقع جريمة من الجرائم لي قلتلك عليها خصني فداك النهار منغفلش عليه شوق: صافي واخا انا غنعاونك..عز: حاط ايدو علا وجها توحشتك بزاف احياتي شوق: سيد ادم الابغيتي نكملو اسبوع خدمتنا مزبانين بلا بسالة عافاك جرها لعندو عز: انا عز عز حبيبك ماشي ادم دابا ممعانا حد شوفي فعينيا قولي بلي راك كتكرهيني قوليها شفتي كيفاش كتهربي بعينك حيت مازال كتبغيني... دفعاتو وركبات مع الشوفور القدام.. تبعها بابتسامة نصر... ركب لور.. وهو متبع عويناتها لي كيهربو منو فالمراية عز فخاطرو مزال زوينة كيفما ديما ومزال خنيكاتها كيحمارو ملي كتحشم الحمد لله انها مزال كتبادلني نفس الحب وكنواعدك منخليش هاد الحب يخسر او يضيع
معرفت كيفاش غيدوز هاد الاسبوع يكمل مهمتو ويعطيني فيها التيساع ...كيدوزو الايام بثثاقل. .وانا كل نهار خايفة نضعف قدام عويناتو الزورق لي كنغرق فبحرهم كلما جات عيني فعبنو كنرتبك.. وكنتفعفع ...وليت كنعتذر باش منتلاقاش باحمد لانو كيكون معاه ديما.....
وصل اليوم الموعود واش غنكون فرحانة بصح خيت اليوم غيكمل مهمتو الا معاوذش شفتو او غنرجع نتعذب كثر من الاول اه مازال كنبغيه وكنموت عليه ولكن كرامتي فوق جميع حسابات الحب.. اليوم غتكون حفلة فالفيلا ديال احمد..بمناسبة رآس السنة الميلادية فاتصا بيا باش نعانو فشي كادو لشعشبونة ديالو بغيت نقول خطيبتو الشمطاء... تلاقينا فمول فخم... وللاسف جاب معاه عز لي كنمنع راسي نعنقو غي بزز احمد شد لي ايدي ممكن تساعديني باختيار فستان لصوفيا يليق بالسهرة.. انا مجاوبتوش كنشوف غير فعينين عز لي ولاو فحال قطرة ديال الدم..مركزين فايدينا..شوق: اكيد....نشوفو هاد الاسود...البنت لي مكلفة فالمحل قالت لنا بلي منو مجموعة وطلبات منا نكشو معاها نختارو سبقنا احمد عز: جرني من دراعي لغرفة تبديل الملابس كيهضر من تحت سنانو.. .واش كديريلي هدشي بلعاني ادو... علاش علاش..اخر مرة نشوفك مازال ايدك فايدو ولا غنقطعهم لكم بزوج.. انا مركز فعينيه وحتا هو... اقتربنا من بعض بزاف... ووقعنا فاول قبلة... كان معصب ومزير بمجرد مدهلنا فلقبلة تراخا دور ايديه علا الخصر ديالي..وطلعني لعندو.. حتا سمعت صوت احمد كيعيط لي خرجت كنمسح فمي لي ولاحمر لعند احمد ولاخر تابعني احمد بابتسامة ماكرة امم تقدري تقولي اشمن فستان فهادو. .انا القصير احسن... احمد قرب لعندي هو صح شوق: اه القصير.. احمد: لا بقصد هو حبيبك السابق عز: شافو قرب لودني عز: احم احم..احمد: اوكي.. خدي هدول مفاتيح بيت صوفيا هي راح تكون معي بليز خدي الفستان لبيتها حطيه مع رسالة غرامية حلوة ع زوقك اوك باي اا فيك يا ادم توصل الانسة معك... غمزني ومشا فحالو وحطني فموقف اخر خييب من لي سبقو وانا مزال حشمانة من البوسة

عز: تسناي فين غادة را مزال مكملناش الشوبينغ.. شوق؛ مكنشريش من هنا.. كسوة وحدة قد خلصة عام عندي بسلامة عليك. عز: اجي لهنا شنو بان لك فهاد اللون زوين غيجي معك. .شوق: مكنلبس الحمر مالني راقصة عز: لا غتلبسيها. ..شوق: واش هادشي بزز الله يستر عز: اه بزز.. دخلي قيسيها ولا عرفتي بلاهادشي

هادشي بزز الله يستر عز: اه بزز.. دخلي قيسيها ولا عرفتي بلاش خليها حتا نشوفك بيها فالحفلة هزها ومشا للاكيس شوق: الله يستر قالك متعيقيش متعيقيش وجالس كيخلص ببطافة ائتمانية بسميتو الحقيقية عز: كنقولهالم ديما راني كنشك فذاكاءك... كتعتبريني بهاد الغباء...كلشي داير بحسابو متخافيش يالاه نوصلك...
وصلنا لباب صوفيا.. عز: نتسناك..شوق': لابلاش غي سير يالاه تلبس نتلاقاو فالحفلة عز: غي سيري غنتسناك شوق: لا عاد غنفكر فالكلمات لي غنكتبلها.. عز': شكون الكاتبة المفضلة عندك... شوق: كاااتبة لا مكنقراش لكاتبات.. عز'': فكري خدمي المادة الرمادية شوية تفهمي قصدي يالا باي..
شنو قصد... ااااه بصح احلام مستغماني.. فهمت هههه هبيل واللله ولكن عاوني فالعبارة لي غنحط فالبطاقة... دخلت للشقة كانت.. راقية باينة فيها هاد صوفيا من عائلة غنية بزاف.... قلبت علا بيت النعاس..حطيت الكسوة فوق منو بطريصة زوينة وحبدت من صاكي ورقة وستيلو... كتبت... "الاسود يليق بك معشوقتي "
خبيبك احمد
حطيتها وتحرك فيا الفضول نبقشش شوية كنقلب من قنت لقنت.. لقيت واحد البيت مسدود... ..مابغاش يتحل. ..خرجت للشرفة كنطل منظر زوينة كيطل علا الجسر المعلق روعة باينة هاد صوفيا مولوعة بالنباتات قربت من وحدة عجبني شكلها حتا كيبانلي مفتاح طايح فوسط منها... معلق بحاملة مفاتيح علا شكل صليب هزيتو.. وفضولي خركني من جديد عارفة هادشي لي منديرو غلط ولكن غموض شخصية صوفيا هو لي اثارني نعرف عليها كلشي....حليت داك البيت. ..كان مظلم قلبت علا مفتاح الكهرباء... فوقعت عيني علا..

طابلو كبير ملصق عليه خمس اشكال لنفس الفتاة صوفيا كيف استطاعت التغيير من شكلها بهده البراعة والاحترافية تقول خدامة...ماكيوز فالسينما واو بزااف...واحد الستارة زولتها خمس شباب تجمعهم الوسامة...شديت علا فمي من دهشتي شنو هادشي صور نفس الشباب وهوما مذبوحين..هوما هوما نفسهم الي قالي عليهم عز.... شداتني الخلعة انا فدار سفاحة وجيت برجلي...درت كنلقا مقالات صحفية كتهضر علا احمد يعني هو الضحية القادمة هذا كيدل ان معرفتها بيه ليست رهينة الصدفة بل مدبرة من طرفها يمكن قرات انو عربي وغني من القصاصات ديال المقالات الصحفية لي عدرات عليه هدشي خقني نقولو لعز خصني نعتق احمد.... ..فين تلفوني تحنيت نهز صاكي وشي حاجة ضرباتني فراسي دخت وفقدت وعيي

لبست كوسطار فالكري
هزيت سلاحي مشيت كنتسنا فسيهم احمد علا خر يامي وليت حارس ولمن روح انسان كتستاهل اننا..نضحيو باش نقذوها..لبس وخرج..
شدينا الطريق للاوتيل كنتصلو بشوق والو مكتجاوبش... ممكن تكون مازال كتوجد فراسها شوية التحقات بينا صوفيا... بالبسة لي شرالها احمد ممنعتش راسي نسولها علا شوق قالت بلي ماشفتهاش ملي وصلات لقات غي لكادو صافي تسنيت شوية... دازت الساعة اللولا ماجاتش التانية ماجاتش استئذنت من احمد ونسيت مهمتي لي هي حمايتو فهاد التاريخ...مشيت لدارها كندق كندق.. ولا من مجيب كنتصل التلفون خارج الخدمة رجعت للحفلة قلت ممكن انو نقدرو نكون تخالفنا فالطريق وقلت مع العد التنازلي لدخول السنة الميلادبة الجديدة
5...4...3...3...1..
هابي نيو يير هابييي نيو يير موسيقى عالية وزينة متناترة وانا كنقلب بعيني غير علا شوق قلبي ضارني من جيهتها...شوية انقطع التيار الكهربائي فالصالة كامل.... مشيت كنجري معرفت علاش ناحية ديال احمد... رجع الضو صوفيا اختفت واحمد كيخرخر الدم فايد من عنقو.... اتصلنا بالاسعاف.... فشلت فانقاذ احمد ومخصنيش نفقذ شوق تفكرت دار صوفيا...مشيت بسرعة كبيرة... لقيت الباب مسدود. ..ةريحة دالغاز منتشرة بزاف.. دفعت الباب بقوة مخصنيش لانشعل ضو او برييكي او العمارة كلها تهز. اسنخدمت الپيل ديال تلفوني... كنقلب من قنت لقنت وكنفتح السراجم وكنهوي الدار باش تخرج ريحة الغاز دخلت للكوزينة طفيت الغاز.. لي كان مطلوق....وانا كنقلب وكنعيط قست شي حاجة برجلي فالارض سلطت الضوء كانت شوق. ..قست دقات قلبها ضعييفة بزاف هزيتها نيشان للمستشفى خايف خايف بزاااف نفقدها اوتضيع مني للابد اكيد رئتيها تشبعو بغاز البوتان... كنتمنا يعتقوها... دخلوها لغرفة العلاج...وانا اتصلت نسول علا احمد لي باقي مخرج من العمليات.. الله ينجيهم بزوج.... ويرجع لي حبيبتي سالمة ان شاء الله

كنحل فعينيا بشويقة راسي كيحرقني من الدقة...لقيت راسي مكتفة علا كرسي بحبل وقدامي صوفيا كتحط فالماكياج.. شوق: شنو بغيتي مني طلقيني صوفيا: صحي انا مابحبك ولا استطعمتك من اول ماشفتك بس مكنت حابة اذيكي بس انتي نخورتي من وراي وكمان عرفني عني اشيا كثيرة مابيصير غيري يعرفها...مشان هيك لازم تموتي شوق: حرررام عليك شنو دارو ليك دوك الشباب صوفيا: هو هني. ..بس واحد مثل فيك تقولي عم شوفو فيهن... علي حبيبي اول شخص حبيتو وكنت بشتغبكل عندو.... مثل علي الحب... اغتصبني هو اصحابو من اول مرة وافقت روح معو عبيتو... ولما عرف انو حامل اجهضني بالقوة... واذلني ادام امي لي ماتت من حسرتا كنت صبية حلوة لسة مخلصة جامعة مليانة حب وحيوية كل همي عيش انا وامي بمستوى احسن بس هو ظلمني كثييير ومن يوميها اي واحد بيشبهن بمثل عليه الحب بهوية واسم جديد وشكل جديد وبذبحو من الوريد للورييد مشان اشفي غليلي... شوق: اهئ اهئ خليني نمشي مغنقول والو صوفيا: لآ ياروحي صدقتك انا... ماتخافي مرح تحسي بشي اصلا مرح اقتلك بنفس البشاعة... لبسات كسوتها ااا نسييت شي مهم اداة الجريمة مشبك شعري مصنوع خصيصا للذبح بس شكلو

خلو ماهيك بيلمع بتحبي جربو غليك جات كتلعب فشعري بتحب حط لك رووج خرمجات لي فوجهي وانا كنبكي تخلط دامشي بالموع كانت كتصرف معايا بحال شي بنت صغيرة كتماكيي لمونيكتها.. مافاقت من شنو كادير حتا صونا لها احمد. كنت كنغوت نعيطلو ملي هي كتهدر معاه ولكن سداتلي فمي بقوة نطرات ذاك لفيلول من شعري وخرجات انا بديت كنشم ريحة الغاز... خصني ندير شي حاجة هي سدات كاع الشراجم وكتمات الغرفة بقيت معاقرة مع داك الحبل حتا فتحتو... نضت باش نخرج ولكن شداتني الدوخة استنشقت كمية كبيرة من الغازات... غييبت عن الوعيي مبقيتش عقلت

حليت عيني فالمستشفى غرفة بيضاء... عل الكرسي جالس عز مسند عل الحيط حاولت نعيطلو ولكن قدري كيعگرني ومقادراش نتنفس..... حس بيا جا عندي عز:: حياتي علا السلامة باس ايديا...انا: علاش خليتيني معاها اهئ اهئ ه ئ عز: صافي صافي راها تشدات وغتاخد جزاءها..
شوق: قالت قالت لي غتقتل احمد عز: صافي راهو عايش مابيه والو واصافي براكة من البكاوات...
شوق: امتا غنمشو من هنا محملتش انا هاد الكلينيك عز: واخا يشوفك غي الطبيب ونمشييو..
خرجت من المستشفى ورجعت للداري... كل نهار كيجي عندي يشوف شنو خاصني ويشربني الدوا.... اليوم خصو يرجع لامريكا...
عز: سمعيني عندي منقولك..
شوق: شنو
كيلعب فشعري انتي عارفاني كنبغيك وكنموت عليك.. ودابا انا خصني نرجع نعطي التقرير فالولايات... شهر وغنرجع عندك..باش نزلو بزوج للمغرب نتزوجو انا معنديش مزال الصبر اننا نبقاو بعاد شوق': هدشي ققررتيه بوحدك امتا قلتلك انا موافقة عز: انا كنبغيك ونتي كتبغيني ومتقدريش تنكري.. وبغيتي ولاكرهتي غنتزوج بيك غنتزوج بيك..منوصيكش عل الدوا... وخلي حدود بينك وبين احمد... تافقنا شوق؛ لا دابا هدشي بزز واش انت حمممق ولا شن سكتني بقبلة اطول من سابقتها... التهم شفاهي بحب ورومانسية ذوباتني خلاتني تجاوبت معاه حتا سالا وبعدني هو بشوية عليه عز: دابا تافقنا... تلاحت لحضنو عنقتو بجهد مبغيتوش يمشي... ومباغاهش يبعد عليا من جديد

شوق: واغي خليني نمشي معك حتال المطار عز: هضرنا فهادشي نتي مازال عيانة مكاين لاش تمشي معايا هكذا انا غنكون مهني اكثر... يالاه تهلاي فراسك وخلي تلفونك ديما حداك كيف نزل فواشنطن نتصل بيك اوك شوق: اوك يالاه سلم ليا علا ايمن ومهدي عز: يوصل يلا بايي توادعنا بحضن دافي كانو كل واحد منا كيحاول يستشف روح وريح الاخر لي تبقا معاه فغيابنا وبعدنا عن بعض.... وصلت معاه لبرا الدار توادعنا ومشا...
وانا رجعت كندور بدار كنطرفها ..يمكن غدا غنرجع للشركة قلت نستغل نهاري فالتنظيف وفالطبخ ومنها نيت منحسش بالفراغ لي خلا عزالعرب...
دق دق دق يمكن هدا عز رجع نسا شي حاجة او تاجلات رحلتو... حليت الباب بلهفة... كان احمد محطم بزاف عينيه عامرين بالدموع وملوي باندا علا عنقو... شوق: احمد مالك خويا... احمد: تعبااان كثير كثير تعبان... جريتو ودخلنا للدار جلستو علا الفوتي احمد': ليش عم يصير معي هيك ياشوق شو عملت بحياتي حتا يصير معي هيك شيشوق: ماعرفت منقولك هدشي قضاء وقدر احمد: صرت بخاف اطلع برا البيت صحافة عم تلحقني وين ماكان اسهمي بالبورصة كل مالا عم تنزل.. والناس بعد الفضيحة بطل بدل تتعامل معي شوق: اش من فضيحة انت مدرتي والو غي ضحية احمد: هني عم يقولو اني واحد غبي امنت لوحدة رخيصة وكنت راحا اعطيها اسمي معناتا انا سهل اوثق بالناس غلط واخد قرارات غلط وخسرون فلوسن شوق: احمد احمد هذا كلام خاوي ومعندوش اساس من الصحة الكل عارف بلي انت شاب ذكي وعصامي وهدشي لي انت فيه وصلتيلو بجدك وجهدك واجتهادك... ودبا خليني نشوق ابتسامة صديقي لي ديما كيساندني احمد: بابتسامة اي صحي وينو حبيبك مصحلي شوفو واتشجرو ع وقفتو معي عن جد طلع شاب منيح ذكي وقوي مبين انو بيحبك ماشفتي كيف كان راح يجن لما مابينتي بالحفل شوق: حتا انا كنبغيه.. احمد: نيالو بحسدو انا شوق:هههه فالصراحة انا،غير كنمثل عليه الحب انت فالقلب ياحلو
تشاااخ
شوق': عزززز
عز: الحمار الغبي لي كثمتلي عليه...
شوق: خليني خليني غي نشرحلك احمد: لا لا تؤول انك صدقت مزحة وراح تخرب علاقتكن مشانا عز: غنخرب وجهك انا... فعلا ندمت الي نقدتك.. ضربو بوكس لاحو علا الكانابي.. شوق: كدفع فعز..حرام عليك راه مازال مريض..
عز: كيبعد يديها بقرف واشمئزاز بعدي عليا متقيسنيش..
شوق: علاش انت كتدير هكدا علاش عقلك صغير انت شخص مريييض مرييض وخصك تتعالج عرفتي علاش شكك قاتلك حيت كتحس بالنقص انت شخص ناقص... معرفتش باش ضربني واش بيدو ولا بحديدة المهم راسي تزعزع.. جاتني الدوخة ناض احمد يفكني... وهو ينزل عليه بالضرب.. حتا بدا عنقو كينزف من جديد...
عاد حبس...شوق': شنو درتي شنو..راه كنت بغيت غي نضحك معاه السيد كان محطم نفسيا وجا لداري لجآ لي كيعتبرني ختو وانا دخلتو فعلا ولكن خليت الباب محلول باش تعرف نيتي كانت صافية عز: كيتصل بالاسعاف
بصح ممكن نكون غلطت او تسرعت ولكن كنظن عمرنا غنتشاوفوواو غنصلح لك مور هاد النهار شوق: علاش علاش احمد مغيطرالو والو... واكيد غيسامحك.. وحتا انا مسامحك.. حاولت نشد فيذو.. شوق: حيت،انا شخص ناقص..
خرج فحالو وانا طحت علا ركابيا.. انا فعلا دخلت وخرجت فالهضرة ولكن انا تظلمت وحسيت بغصة وحرقة فقلبي حاولت نبردها

بالكلام جات الاسعاف... نقلات احمد للمستشفى خدا العلاجات الازمة ورفض يقدم شكوى فعز وانا باليل رجعت لداري وخليتو فالكلينيك...

دخلت نظفت داك الدم... وحاولت نتصل بعز والو الجهاز مغلق. ..اتصلت بمكتب الاستعلامات ديال شركة الطيران اكدو لي انا الاسم كانت عندو رحلة علا الساعة التاسعة صباحا... وتاجلات لساعة العاشرة ليلا... كانت الساعة تشير للتاسعة ونصف... والمطار يبعد عن بيتي بحوالي ساعة ونص يعني فجميع الاحوال مغنقدرش..نلحقو...نعست ودموعي علا خدي... وفالصباح حاولت نتصل بيه من جديد...نفس المشكل خارج الخدمة اتصلت بمهدي وايمن حتا هوما قالو بلي معندهمش فكرة علا بلاصتو يمكن هو لي طلب منهم يفولولي هادشي، ...انا مالي علا حالي هو لي غلط الاول.. الحب شئ جميل ولكن الكرامة اجمل... مبقيتش نزطم علا كرامتي هاد المرة غنزطم علا قلبي ولي يوقع يوقع عندي دابا شخص انا مدينة ليه ببزاف دلحوايج راهو بحاجتي دابا وانا مغنخدلوش...مشيت للمستشفى باش نزور احمد لي من بعد ولا نهاري مقتصر علا زيارتو وتسيري لامور شركتو...
ومحاولتش نقلب او نسول علا داك الشخص لي هاني وهاني بزاف وبلا قياس... شخص مشكاك يدو سابقاه ومعندوش ثقافة الاعتدار..

حنا بطبعنا كبشر كنعطو وعود فوقت من الاوقات ياما كنساوها فساعتها او الزمن كينسينا فيها او كنوفيو بيها وهاد الاخيرة اصعب حاجة واندرها.... الوعد لي انا كنهضر عليه هو كلمة كنواعدك نبقا معك حيت انا كنبغيك ومنقدرش نعيش بلا بيك... عبارة كل مكنرددها بيني وبين نفسي ابتسم استهزاءا..حيت بزوجنا قلناها لبعضياتنا واه هاحنا عايشين بلا بعضياتنا.. شهر شهرين سنتين نعم انساتي سيداتي حولين من الزمن معرفتش عليه حتا حاجة او سمعت عليه بنت شفة وحدة ولا بقات عندي صورة لينا بزوج او بطاقة معايدة او هدية اوذكرى كلشي حرقتو وحرقت قلبي واحساسي معاه...فهاد السنتين...احمد تزوج.. بواحد الانسانة رقيقة وظريفة تستحقو ويستحقها وانا مبقيتش معاه فشركتو.. لا لا خصني نفهمكم مازال علاقتي بيه وبزوجته مزيانه وشركتو رجعات حيات بدخول مشتتمر مغربي كبير... وكبير حتا فالسن كنقولو العم. نجيب... من الجيل الاول للمهاجرين المغاربة..معندوش ابناء خدمت معاه مدة فتركيا وهنا اقترح عليا اني نشد فرع من فروع شركتو فدبي... تقريبا ست شهور وانا فالامارات العربية المتحدة. اهلي حاو لعندي باش يشوفوني فين عايشة ويتاكدو اني بخير،وفرحو ملي شافو نجاحي والمستوى لي انا عايشة فيه الصراحة ماشي هوما لي بغاو يجيو انا لي طلبتها منهم بحجة اني مشغولة وعندي التزامات... منقدرش ندخل المغرب عندي فيه ذكريات معاه هي نفسها الذكريات لي خلاتني نهرب من تركيا...وكنتفكر وعدي ليه انو مننزلش للمغرب الا وايدي فايديه...وعود وعود وعود ولا شئ من ذاك الحب من ذاك الزمن من ذاك الشخص يعوود خرجت محطم النفس مكسور القلب من ذلك الكلام حقا انا تسرعت وممكن نكون فهمت الموضوع غلطت ولكن هي قالت كلام وخرجات لي فقلبها فلحظة حطمات كلشي فعلاقتنا...رجعت للمظار دوزت النهار كامل فيه النهار لي كنت ناوي ندوزو معاها بيدما توصلني وقت الرحلة.... رجعت للولايات وفالمطار وقاتلي شي حاجة غريبة...وانا خارج متجه للبلاصة فين خلذت سيارتي اربع رجال لابسي الاسود ملثميين..تبتوني بقوة وطلعوني فسيارة كبيرة سوداء حاولت نقاوم ولكن
ضربة فراس كانت كفيلة بافقادي وعيي...
بديت كنسترجع وعيي كنت مكتف فمستودع او يمكن مصنع مهجور بينا من تاكل جدرانو وصدآ الحديد.. وقطرات المتساقطة من انابيب مياه.متاكلة غير بعيد عليا كانو نفس الاشخاص بربعة... يعاقرون الخمر ...كانو كيتناقشو بصوت مرتفع... كانو كيتخاصمو علا نصيب كل واحد منهم حقيبة كبيرة سوداء...ملآي بالدولارات... هل هو ثمن اختطافي وتسلمي لجهة ما او هو ثمن قتلي..لاني بعملي الجديد حليت عليا شحال من جبهة وخبطت واذيت مصالح عدة جهات فغفلة منهم لانهم ثمالى سكارى تجريت شوية وصلت لمنددة كان محطوط عليا السجاير وولاعة..تعدبت حتا وصلت ليها وبديت كنشعلها مور ظهري واخا كل مرة كتحرقني باش نفك قيدي.. واخيرا تحل..
الرجل الاول: اذهب واحضر لنا علية سجائر
التاني': اظن ان لدي واحدة هنا وضعتها فمكان هنا.. ناض جاي لجيهتي كيقلب علا البريكا ملقاهاش يمكن عاق شاف فيا وجا لجيهتي كنت وقتها فتحت الوتاق ضربتو وسرقت سلاحو... كان بكاتم صوت.. ساعدني باش نتيري فرجلو هرستو باش ميتبعنيش حكسديتلو فمو بنفس الثوب لي كانو سادين لي بيه فمي وكتفت ايدو وخرجت..كنقلب علا لاخرين يمكن انتبهو غياب صديقهم وجاين واحد تلو الاخر.. تيريت فالاول والتاني والتالث... طاحو فالارص ورجعت عند لاخر لي مزال فوعيي حيت ضربتو غي فرجلو عز: من ارسلكم لقتلي لاجاوب من لاخر حاولت معاه بزاف مابغاش بديت كنوطالو علا رجلو المصابة كان كيغوت من الالم.. الرجل: اااااااااااا كفاا.دجيم دجيم كيردون
ضربتو بالظهر السلاح حتا غاب عن الوعي رجعت لطاولة لب كانو كيشربو عليها كانت حقيبة عامرة بالدولاااراات...
بفلوسك احماي غندخل السوق وغنافسك وغنولي اكبر واكبر منك..وغنقتلك بسلاحك باين منسيتيش وباين بلي وجودك فالسجن مرباكش وممنعكش تخطذ للانتقام ولكن كنواعدك غتخرج تلقاني اكبر منك وغنفعصك برجلي فحال شي حشرة مضرة. هزيت مفاتيح سيارتهم وخطيت اول خطوة فدرب الاعودة طريق خطآ وغير قانوني وخطير عارف ولكن هو لي غيرجعلي اعتباري ويخليني نهزم دجيم باش نحافظ علا بنتي حيت ضروري الا خرج ياخدهما مني.

انا والعم نجيب خدمتنا غادة... مزيان تقدو تقولو..اكلنا السوق التركي والعربي فمجال التيك ستايل... الملابس الجاهزة...وزادت ارباح الشركة اضعاف واضعاف.... خديت دار وسيارة جديدة وبحال اي بنت درت براسي ووغيرت من شكلي وليت بحال نجمات

السينما... تقدو تقولو بانو عليا الفلوس اليوم رجع العم من جولتو وعندنا معاه اجتماع... علمت رؤساء الاقسام ووجدت للاجتماع....فقاعة الاجتماعات لي فمكتب العم نفسها...
لحظة وصولو كنت فاستقبالو بالباس رسمي بالازرق اليلي.. وفايذي التقارير المالية... والعملية.. نجيب: هلا بنتي كيف ماشية الامور شوق: كلشي غادي مزيان فحال الا راك هنا واكثر من ذلك..والكل كيتسنا فمكتبك نجيب: تبارك الله عليك ابنتي راك علا بال وهادة لي الهم كون كانت عندي بنت كنت نتمنا تكون فحالك شوق: علاش انا ماشي بنتك. نجيب: بنتي وربي شاهد وعالم معزتك عندي شوق'؛ يالاه باش منتعطلوش
نجيب: نبغي نشكركم علا مجهوداتكم... ومادام كنعتبر هادي شركتنا كاملين فانا حابب نشارككم قراراتي وناقشها معكم الكل: مرحبا تفضل.. نجيب: بما ان ارباحنا تزادت غنولجو مجال جديد وهو المضاربة فالبورصة..شوق: ولكن انا كنقول مخصناش نجازفو بفلوس حنا تعدبنا فيهم والبورصة ربح وخسارة يقدر بين ليلة ونهار نخسرو كلشي الكل: جاوب ضدي واييد اقتراح العم طمعا منهم فزيادة الربح والمدخول وبما ان الاغلبية صوتات لصالح القرار بدينا المضاربة ربحنا الشهر الاول والتاني والتالث ...ولكن السقووط الحر جا فالشهر الرابع نزول ثمن اسمهمنا للحضيض... ولينا غادين للافلاس ...

ولينا غادين للافلاس الشركاء والزبناء ولا و كيطالبو بفلوسهم والمستشهرين ...ولينت فازمة لدرجة انو الموظفين منقدروش نعطوهم مستحقاتهم والعم مرض مسكين ودخل للمستشفى.. كيف لا وهو كيشوف شقا عمرو كيضيع امر الشركة ولا كوكول لي خصنا شريك جديد ينتشلنا من الحضيض ويضخ اموال جديدة عندنا ترجع الحياة للشركة...لانو البنوك رفضات تعطينا قروض وبديت كنقلب علا الشريك..وعملية البحث كانت صعيبة كانت اشبه بالبحث عن ابرة فكومة قش شكون غيشري شركة كتحتضر كل يوم فنزول للقاع....فماكان من العم الا انو يطلب مني نبيعها.... قرار اصعب عندي كثر ماهو صعب عليه... دابا خصني نيغوسيي مع الشاري باش نبيع باكبر رقم ممكن لانو العم فحاجة للسومة علاجية كبيرة... وخصني نطالبو ونحط فشروط عقذ البيع انو يشري الشركة بموضفيها لانو لا انا ولا هوما عندنا فين نمشيو او فين نخدمو وكل واحد منهم فاتح بيت وكيصرف علا عائلة فغياب العم وبصفتي رئيسة العلاقات العامة فالشركة ونائبة المدير عندي حق التوقيع علا عقذ البيع بتوقيع من المالك يعني انا لي غنتراس الاجتماع مع الشاري...كان شاب اجنبي فاواخر العشرينيات لي وافق علا جميع الشروط ومنها نبقاو خدامين عندو وعطاني ثمن خيالي لي لو كنا بعنا الشركة فاوج ربحها مكناش نبيعوها بهاذ الثمن واعدت دجيم كيردون شحال من مرة وكل مرة كنت كنوفي مازالو فترة قليلة ويخرج من السجن ولكن ملي يخرج غيتمنا لو مخرجش كليتلو السوق السوداء للمتاجرة بالاسلحة اكل وضميت لصفي اكبر باروناتو وسحق اسم كيردون بل ناس نساوه ولا التعامل معايا انا فقط ...مشوار السنتين بديتو بحقيبة ثمن موتي بديت بيها وكبررت بيها حتا ولا الكل كيعرفني وكيديرلي الف والف حساب.....وتعطالي اسم جديد فالسوق..
الدانجرز...وهوما مكيعطو اسم الا وهو علا مسمى.. فعلا..ولكن خطري كان ينصب نحو اعدائي... اما داخلي فمزال عز العرب الانساني الحنون رغم عصبيتو.... بالعكس ثروتي وجهتها للاعمال الخيرية وساعدت اصدقائي... اولهم ايمن لي دار فالمغرب الكلينيك ديالو اكبر كلينيك فشمال افرقيا ومهدي دار استوديو ولا كينتج اغانيه الخاصة... وولا معروف نسبيا... خوتي وبنتي واهلي حاولت نوفرلهم سبل العيش الرغيد والرفاهية مازال عالمي ودنيتي لاينقصه شئ سوى الحب... لي مقدرتش نقربلو مور من شوق واخا حاولت حتا عييت حتا فاخر زياوة ليا للمغرب.. تعرفت علا بنت من طنجة... دوزت معاها وقت زوين ولكن كنت كنشوف فيها شوق واحيانا كنت كنعاقب بيها شوق لي نقصات مني ولي رداتني شخص ناقص وغير مكتمل... وفشلت مع نسيمة البنت لي دويتلكم عليها ...ورجعت ندفن نفسي فالعمل... لي ولات حياتي مقتصرة عليه وعلا اصحابي ايمن ومهدي.. راكمت ثروة كبيرة وخصني نبدا فغسيل اموالي انا كنت رجل قانون وكنعرف دروبو ودهاليزو وخصني نبب مرقف اموالي امام المسالة فجبت لي يساعدني شخص سبق لو ساعدني هو مايك لي استفال من عملو مورايا مباشرة والي جبتو خدم معايا وولا دراعي اليمين طلبت منو يجيبلي شركات للبيع... شرينا فامريكا فالمغرب ودابا لقينا مجموعة شركات بين تركيا والامارات سيفطو شراها وهاد المجموعة هي لي غتولي الستار لاعمالي غنشتغل علا راس ادارتها ومنها الكل يعتقد انها مصدر مالي... اليوم نزلت للدبي وعندي لقاء تواصلي مع الموظفين. .لبست كوستار فالاسود كيعطي هيبة وغموض هاد الانطباع الاول لي كيترسخ فذهن الموضفين هاد الوقار غيخليهم يحترهموني وصلت للمقر الشركة حاطط وجه السيراميك..لا تعابير لا ابتسامة داز الاجتماع نزيان وعرفت كل واحذ ووظيفتو...الا شخص وحيد رئيس العلاقات العامة اعتذر هاتفيا لانو عندو شخص فالمشفى وانه غيحضر فاخر الاجتماع وفعلا وصل.. تفتح الباب اول ماوقعت عليه عيني كعب عالي باللون الاسود معناه هي بنت ماشي راجل.. طلعت نظري كانت بتنورة رسمية فالاسود وشوميزة بيضة داخلة فالساية شعر اسود طويل. ..وقد وقوام ممشوق مطويلاش بزاف ملي هزيت عيني وكملت الشرفة جات عيني فعينها.. الدنيا صغيرة بزاف هي قد ماهربت منها قد مكتجمعنا الاقدار من جديد نضت من علا الكرسي من لهفتي من شوقي لا لا عفوا من عز شوقي وانا كنقرب منها امام انظار الكل وصلت ليها تقابلت معاها مكتفصلنا الا سنتيمترات عن الارتماء فاحضان بعض وفعلا هي ارتمت فحضني ولكن مغشيا عليها فاقدة الوعي

حملتها بين ساعدي وطلبت من الجميع الانصراف ويتصلو بطبيب مددتها علا الاريكة لي فمكتبي الجديد.. جا الدكتور قالنا انه من شدة الارهاق اتخفض ضغطها وطلب منا انها ترتاح وتتغذى مزيان فهمت من الموضفين ان الفترة الاخيرة كانت مرهقة بزاف بالنسبة ليها مشاكل الشركة ومرض شخص عزيز علا قلبها... مكرهتهاش تنوض وتعاودلي كلشي بنفسها مكرهتهاش.. مكرهتش نضمها لصدري سنتين مغيرات فيها والو مازدتها الا فتنة وجمالا ضنيت انا حبي لها جف واشتياقي نضب ولكن البعد والجفا مازادني الا عشق لها وحنين...بدات كتفيق. ..شادة فراسها شوق:،فين انا

عز: معايا شوق: شكرن انت انا مكنعرفكش اصلا عز: شوق شوق شوفي فيا.. ضنيت بلي هاد المدة غتحنن قلبك ساعة عاد مازاد قساح وبرد من هنا حاس ببرودتو شوق: بعد من طريفي خليني نمشي فحالي عز: معندك فين تمشي شوفي فيا علاش كتهربي بعينيك شوفي متقدريش خيت عامرين بالحب تجاهي عامري بدموع كيقولو شحال توحشتيني. ..مغنبعدش من طريقك حيت نتي مكتوبة ليا وانا مكتوبة ليك هدشي كل مرة القدر كياكدو لينا كل مرة كنهربو من بعضنا كيجمعنا فصدفة فمكان وفزمن ممتافقينش عليه شوق: انت احمق حمق تخليني فوق مابغيتي وتجي فوق مابغيتي....فين كنتي ملي كنت غنحماق وانا كنقلب عليك وكنتصل ونسيفط رسايل ونسول عليك واش ميت ولاخي بعد من طريقي انت احمق عز: كنت اه كنت حمق ملي خليتك كنت حمق ملي فكرت بلي سعادتنا وراحتنا فبعدنا عن بعض ولكن دابا كنواعدك منتخلاااش عليك ولو شنو مابغا يكون يكون شوق: كنكرهك كنهرك وكنتمنا منعاودش نشوفك فحياتي.. انا مستقيلة حضرة المدير العام... ..بسلامة عليك

اوف منك اوف اشوق كل مقول نسيتك تطلعي قدامي نلقا راسي كنموت فيك وفيما نقربلك خطوة كتبعدي القف ميل... ماشي لخاطرك اانسة تستقيلي فوق مابغيتي

تييت ممكن تجي اانسة زوج دقايق
السكرتيرة: نعم استاد فاش نعاونك
عز: انتي مغربية
السكرتيرة اه اسيدي
عز: سكريتيرة شكون كنتي
السكريتيرة: سميتي زينب وسكرتيرة دانسة شوق.
عز: هدا هو المطلوب عافاك بغيت صورة من الكونترا ديالها معانا وبغيت ملفها عنوانها..
زينب: واخا استاذ
عز: الو مايك لديك خمس دقائق لتكون بمكتبي
مايك: بما اخدم الدانجر
عز: هده التسمية هناك هنا لديك مهمة مغايرة
مايك: وهل سبق لي ان خدلتك
عز: البتة ولكن مهمتك هده لها علاقة بالقلب. ووو...
مايك: اهو الخب سيدي اتلك الفاتة حبيبتك... ههههههه
عز: مايك
مايك: اسف سيدي لك استغربت ان لي الدانجرز حبيبة
عز: مايك صديقي العزيز احمل معي مسدس 7'62 لم يطلق عيارا منذ شهرين مارايك بان اجربه الان
مايك: ماهي مهمتي سيدي
عز: ععهههههه ستعطيك السكرتيرة عنوان الفتاة اريد تقريرا يوميا عنها لا ليس يوميا علا مدار الساعة لاتغب عن ناظريك
مايك: حسنا.
عز: واخا الالة شوق هاد المرة ابدا مغنسمخش فيك...

داز عليا اسبوع...باش ممشيتش للخدمة معرفتش واش كنعاقب راسي او كنعاقبو هو... رغم ان نظرة عينيه قالت بزاف دلحوايج ليا هو مقالهومش هاد المرة متاكدو انه ناوي عليا ومغيقتنعش يعطيني بالتيساع بحال المرات الفايتة
عارفة انه غيدير شي حاجة غير كنتسنا نشوف شنو غيدير..
نضت من فراشي دوشت وسشورت شعري لبست .سروال بيتي فالكحل مع ديباردور صفر درت شعري كودشوفال... ونزلت نوجد.. فطوري. ..وانا واقفة فالكوزينة...سمعت الدقان فالباب. ..مشيت نفتح...
شوق: انت شنو بغيتي تاني ياك الخدمة لي جامعانة خليتها...
دفعني ودخل سد الباب قرب لودني... عز: اولا حنا جامعينا حوايج بزاف نتي عارفة وانا عارف... تانيا عمر ماجمعتنا الخدمة والا كنتي باغا تجمعني علا هاد الاساس غنهضر معك...
شوق: اش بغيتي تاني
عز: استقالتك مرفوضة رجعي لخدمتك
شوق: لا قلت لا يعني لا عز: او فالكونترا ديالك مع الشركة لي حضرتك موقعة عليها انه الا خليتي الخدمة قبل خمس سنوات غتخلصي شوط جزائي يقدر ب 100 الف دولار
شوق: لا لا انت تسطيتي معنديش داك المبلغ ومفنرجعش للخدمة يالاه دخلني للحبس
عز: اوك مادام جامعانا غي الخدمة والبزنس هو البزنس.. غندفع الاوراق للمحكمة باي..
غادي فحالو هاد خونا يديرها وانا كنعرفو الا قال الكلمة يديرها شوق': هييي وقف عز: شنو اانسة شوق':،غنرجع عز': بشرط شوق: اووف اشمن شرط تاني عز: نفطر معك توحشت فطور مغربي شوق: اوك حيت حنا ولاد بلاد وحدة واصلي كيحتم عليا منردش عابر السبيل زيد مورايا.. عز: هههه واخا واخا عقلي..
حطيت الفطور الصمت مكينش لي كيهدر. كل واحد كياكل بشوية. .عز: منزلتيش للمغرب شوق:،لا نزلت نزلت انا و خطيبي عز: بابتسامة ماكرة اوهوو هي تخطبتي مبروك شوق: الله يبارك فيك. عز: واش هاد خطيبك معندوش باش يشريلك الخاتم شوق: لا عندي غير غير غير مدرتوش وصافي... عز: اوك الله يعاون شكرا عل الفطور وغدا مع 8 تكوني فوق مكتبك
شوق: اوك باي
عز: اه هههه مكاين لاش تكدبي مكاين لاخطيب لاوالو..
شوق: هيي وباش عرفتي وماشي شغلك عز: باش عرفت باش عرفت انا نقولم انا حفضتك عن ظهر قلب ملي كتكدبي كيبان عليك... اضافة انو مراقبك... وعارف شكون كيتصل بيك وشكون كيحي عندك وشكون الناس لي كتعرفي... اه سلميلي علا اريام.. وقولها سلم عليك..بوركابي..
اويلي ميمتي علا حشمة هدا سمع مكالاماتي مع اريلم حمار باش من حق يتسنط علينا ويلي ويلي ويلي اش كنا كنقولو وهيا كتقولو غي بوركابي واااااع اهئ هئ عارفني مازال كنبغييه.. اويلي علا حشمة.. مالي حتا انا عل الكدوب..

رجعت للخدمة معاه هادي زوج دالاسابيع دايرة وجه اخر كنعاملو بحال موظفة مع مديرها وهو مقابلش هاد الطريقة ديما كيتدمر منها فيما مشيت كنلقاه قدامي... ممنوع نهضر مع الموظفين ممنوع نخرج بوحدي طلعلي فصحتي... وقهرني قهرني بالورد جاتني حساسية بالورد دارس ولات فحال مقبرة دنصارى ارا متسيفط فالكادويات وتخسر فالفلوس انا ممسامحاكش ومارجعاش ليك..
اما واحد الفار مسلوخ مسيفطو يعس عليا فيما نذور نلقاه...بفف عيت نتعصب عليه ونحاول نستفزو باش يتعصب ويمشي فحالو تاني يغبرلو شي عامين والا بغا يتعصب بارد هاد المرة عاطيها غي للضحك...حتا عييت وخليتو..
ولكن تعرفت هاد النرة علا جانب جديد منو جانب البزنس مان فبضعة ايام رجعات الشركة كتحيا..
اليوم عندي اجتماع مع الناس ديال اقسام المحاسبة.. الغريب انهم لقاو 250 الف دولار خارجة من لاكيس بدون مبرر.. شي كيسبها فشي ولكن الغريب انهم لصقوها فيا... المسؤول المالي: شوق ختي خلي الامور بيناتنا الا عندك الفلوس مازال متصرفتي فيهم رديهم راه هاد المدير الجديد قبيح ومغيتفاهمش بحال السي نجيب
شوق: واش اسيدي كتفلا عليا انا راه علاقات عامة كونترات عقود صفقات هنا حدي مسالة الفلوس عندكم نتوما علاش كلكم كتلصقوها فيا زعما ولا حيت مكاينش العم نجيب بغيتو تزولوني من الطريق برافو طريقة زوينة باش تتقربو من المدير الجديد ولكن انا غنوزيكم

المسؤول: الالة الالة داك التفليات وتحرايميات ممعاناش الفلوس وصلو عندك نتي ومعاودش بانو..وكلنا شاهدين بدا تيغوت وكيجمع فالناس كلشي كيتفرجو الموظفين حسيت بالحكرة تجمعو الدموع فعينيا..مشعرتش غير براسي فلاسانسير للدور الرابع.. مكتب عز فتحت منتابهتش كانو معاه زوج موظفين... غي حليت الباب وهو يوقف..عز: مالك طرت عليه بتعنيقة وعطيتها للبكاوات..
عز: تقدرو تفضلو عافاكم... هادوك خرجو فحالهم مندهشيت كيوشوشو بيناتهم عز: مالك شنو عندك دوي. شوق: هئ هئ وكنزير عليه عز: واش شي حد فداركم وقعاتلو شي حاجه كنحرك راسي بلا عز: واش شي حد ذارلك شي حاجة قلتلو اه عز: شكون هدا اش دارلك وفين هو ليوم نقتلو.. شوق': كنتنخصص بلاتي عز: دويي شوق: تاهموني بسرقة فلوس من لاكيس دالشركة عز': الشركة ديالي شوق:اه عز: وخوديهم كاع وكلشي ديالك مالك دايرا هاد الحالة شرق: يعني حتا انت متيق بلي انا لي خديتهم كنت جاية باش تنضفني ساعة انت كثر منهم يالاه عيط علا الشرطة عز: واغي صبري انا منوت حتا حاجة خايبة انا عارفك ماديريهاش واش تبغي ناخد لك خقك شوق: امم عز: اري يدك.. نزلنا لقيناهم مازال كيوشوشو.. عز: بغيت نسولكم واش الانسان يقدر يشفر راسو الكل: ههه لا ميمكنش عز: هاد الشركة راها ديال الانسة شوق الامين...ونتوما كتقولو بلي الفلوس هي لي خداتهم الخسبة هنا غير ممكنة صح... الكل: ااا اه كاينة عز: نتوما متاكدين بلي الفلوس عندها بقاو الكل ': اه بالدليل وبلوثائق. عز': اوك حتا واحد مغيخرج من الشركة انا اتصلت بمحاسب خبير غيجي يتاكد من صحة اوراقكم واتصلت حتا بالشرذة المذنب فيكم من هنا زجلو للسجن.. ولا شي كيشوف فشي كل واحد كيشوف فلاخر المسؤول دار بحال الا كيراجع الوراق اه اه استاذ عز كاين واحد الغلط الفلوس كاع مخرجو من لاكيس غي غي عز: غير اش غير بغيتو تظلمو هاد البنت دابا كلكم.. مطرودين... برا برا

تحولو جميع الموظفين للتحقيق المسؤول استغني عن خدماته والاخرين توقفو مدة عن العمل.... هاد الواقعة قرباتني لعز...حسيت انو فغربتي هو الظهر لي نتحامى فيه والدليل اني اول محسيت بالحكرة هو الحضن لي ركضت وتحاميت فيه كندوزو اليوم مع بعضنا فالشركة وباليل كنتعشاو مجموعين وكيوصللني للدار وفالعطل كنسافرو.. رحلات... المهم رجعنا عشنا الهبال وحب المراهقة وغيرو... ملي كيكون فالولايات انا كنتكلف بالشركة... اليوم غنحضرو حفل الالبوم الجديد ديال مهدي... ..لبست سوارية فالاخضر ملكي بمشيطة علا جنب مايكاب ماتقيلش بزاف ...وجالي عز العرب خداني كانت الحفلة فاوتيل شيراتون.. كان ايمن الي تصدم ملي شافنا جايين بزوج وحتا مهدي بدوره تفاجئ مكانوش عارفين بلي حنا تصالحنا.. مهدي: اوهو حصلي الشرف تكون حاضرة هاد الجميلة ممكن نتصور معك بغيت الاشاعات يكثرو عليا.. عز': مهدي متتتتندمنيش حيت جبتها... ايمن: مبروك الرجعة مهدي بدل الساعة باخرى.. مهدي': مهدي مهدي مهدي احتارموني راني وليت فنان مشهور شوق: هههههه مغنسمعو والو من عندك مهدي: غتسمعي ديدكاس ليكم بزوج علا الله تديرو عقلكم.

ميوزك بلييز
وان تو تري غو
مابيستحوا بعدن عم يجرحو بعضن عم يذبحو بعضن لآ الدني مش هيك حلوة دني وهني قلبن علا بعضن خوفن علا بعضن هيك الحقيقة هيك.....عز: دابا اش كيخربق هاد الحمق شوق: انا بعدا عجباتني ايمن: راه كيمعني عليكم عز: ولد الحرام ههه كيمعني علا المنتج.. ايمن: قطع عليه الما والضو.. اه بصح امتا غتهبطو للمغرب راني ماجل الحفل السنوي الاول للكلينك ديالي حتا تجيو عز: كنظن قريب... شا فيا وغمزني.. ابتسمت ..شوية بدا توقيع ديال اوتوغراف مع مهدي تصورنا معاه وقطعنا الكيك.. كنضور نقلب
علا عز ملقيتوش...
شوية كنسمع فوق المنقة وفالميكرو صوتو وبقعة الضوء مسلطة عليه ووحدة عز:
لا تضني انستي ان صدك لي عن حبكي يثثنيني فالشوق هو مايشجيني.. وجفاكي يغريني واهاتي لا تبكيني بل تزيدني عزما وتقويني.. ونيرانك لاتحرقني بل تداويني صياحك في وجهي هي لي انغاما تناديني وكلماتك تقتلني وتحيني ولان هجانكي وشوقي لكي يكويني... اردت ان تكملي حياتك بقربي تبقيني تقيني..اجيبي بنعم وراضيني.. انسة شوق لامين هل تتزوجينيني!!؟؟؟

الكل كيقول وافقي وافقي انا طفا عندي الضو وذنيا كيصرفرو من خجلي هو انا باغاه وفنيتي نوافق ولكن قدام الناس حشمت بزاف... هزيت عيني شفت فيه بمعنى غتقول اه لانزل نخلي دار بوك... حركت راسي للفوق ولتحت...عز: اجي طلعي.. مشيت بخطوات مرتبكة كنحس بالارض كتهتز من تحتي وصلت قدامو عز: انسة شوق تقبلي تتزوجي بيا انا: اه محسيتش الا بزوج دمعيات وهوما هابطين مخلطين مع ابتسامة ليط من المشاعر لبسني الخاتم قبل ايدي وجبيني...
ونزلنا.. مشادين طلقات موسيقى... هادئة وكلشي الكوبلات بداو كيرقصو حتا حنا ...كملات الحفلة وتعشينا مجموعين كيما كيقولو احتفلنا بخبر خطوبتنا واخا انا مكنت عالمة بوالو الاطرش فالزفة...
عز وصلني لباب الدار...وقفات السيارة وبقينا شحال كنشوفو فبعضنا الصمت التام.. هو كيشوف فيا وكيبتسم.. انا: هيي مالك كتضحك شككتيني فراسي عز: لا هههه والو غير كنتفجر وجهك..ملي طلبت منك الزواج ههههه شوق: انا لي قتلني شكلك وانت كتقول فالشعر هههه مع العربية عندك مراجلة داخلة فيها الانجلش وتريفيت جيتي كتقتل بضحك عز: بصح ممزياناش ولد الحرام مهدي تفلا عليا غنقتلو شوق: هههه لا والله حتا زوينين دوك الكلمات غير بغيت نشد فيك.. عز: يعني دابا انا ونتي مخطوبين شوق ؛ اممم عز: يعني غي نطلع نبات شوق: عززززززز
عز: هاهو ماقال والو نزلي يالاه باي عل العموم راك كونجي لمدة اسبوعين غندوز عندك غدا فالصباح نشرو شحال من حاجة باش نهبطو للمغرب انا: علاش.عز:،ياه علا علاش نتزوجو..شوق: اواه دغيا عز: ياك عاد وافقتي ولا عاد باغا داكشي ديال نتعارفو ونخرجو بزوج كنظن هدشي دوزناه غدا مور العصر غندوز عندك باش نخرجو وسالينا شوق: تعلم تحترمني شوية وتعطي قيمة لرايي وانت داير بحال هكدا عز: بحالاش داير عاوديها عاودي اشنو قلتي دابا انا ممحتارمكش شوق: لالا مقلت والو يالاه بون نوي بستو فخدو وهربت قبل منصدقو فالثار والانتقام

دخلت للدار فرحانة مرة مرة كنشوف فالخاتم غنتسطا...دخلت دوشت ولبست بيجامتي دخلت للفراش.. اتصل بيا قالي بلي وصل للدارو.... بقينا كنهضرو شوية حتا قلتلو صافي عيانة بغيت نعس... قطع... يالاه بدا كيديني النعاس وهو يبدا التلفون كيصوني...كنت ناوية نحيح عليه حتا كنلقاها نمرة ديال المغرب جاوبت.. شوق: الو البنت: شوق شوق: اه هي البنت: متصوريش اني درت المستحيل علا قبل باش نوصلك ونلقا نمرتك شوق: شكون نتي البنت: انا اماني خت عز العرب تعقلي عليه شوق: اهلا حبيبة داز بزاف دلوقت باش تشاوفنا شي عامين ونص تقريبا او كثر اماني: اه نتي كنتي واعدتيني انك تكوني صديقتي وبما نو معنديش لي يعاوني فمشكلتي..لجات لك نتي شوق: ياك لاباس عاوديلي اماني': الصراحة معرفت منقول حشمت والله.. انا كنعرف واحد الولد وكان مواعدني بالزواج المهم وقعات شي حاجة شوق: شنو وقع قولي اماني: وقعات شي حاجة الحل الوحيد فيها هي اننا نتزوجو شوق: اويلي يالموصيبة ويسقو لك لخبار لا باباك ولا ركن ولا المجنون ديال عز مغيترددوش باش يدبحوك قوليلو يجي لداركم دغيا واخا صعيب يقبلو الصغيرة تزوج قبل لكبيرة
اماني: ماشي هدا هو المشكل المشكل هو انه السيد تراجع مبقاش بغا حتا يجاوبني وانا حفت نقولها لخوتي يقتلوه قلت نهضر معك تنصحيني شوق: مبقاش وقت النصيحة هذا شحال عندكم فالساعة..اماني: العشرة. دليل شوق؛ غدا مور الظهر نتلاقاو فوسط المدينة..اماني: كيفاش واش غتجي شوق: اه غني ولكن سمعيني هدشي الاساقلو شي حد الخبار راه لا انا لا نتي
نضت اتصلت بمكتب الاستعلامات لقيت طيارة بقالها شي خمسة د الساعات درت غي صاك جلدي كبير درت فيه لبيسة وبيجامة وتروس دلحمام وفوطتي لبست سروال جينز وكونفرس فالبيض بودي بيض وجاكيت كحلة... جمعت شعري كو دشوفال واتصلت بتاكسي والوجهة المطار لقيت رحلة للكازا... نزلت فالفجر هانا ذا انقض العهد والوعد انا كندخل المغرب بلا بيه ولكن مسالة حياة او موت حتا انا بنت وحتا وحدة فينا معارفة شنو مخبية لها الايام ..خديت طيارة اخرى للمطار العروي... وكملت لي بقا بسيارة اخرى استاجرتها لمدة يوم كامل... بقيت كنسول معارفة لا منين نجي ولا منين ندوز فهاد المدينة...حتا وصلت للبلاصة لي درت فيها مع اماني حتا شفتها عاد تفكرت عز لي غيكون هرس الباب بالدقان سيفطلو ميساج قلتلو فيه بلي راني صبحت عيانة ومشيت لعند الطبيب حتال غدا ونتشاوفو...طفيت تلفوني ...نزلت عند اماني كانت اخايفة بزاف تبدلات كبرات خليتها عندها 15 دابا عندها 18
عنقاتني وانفجرات بالبكا..
انا: تهدني باش نقدرو نفكرو بزوج... فشي حل فين ممكن نلقاو هاد فارس الاحلام اماني: دابا غيكون فواحد الكافي ...
وراتهالي وطلبت منها متنزلش من السيارة نزلت سولت النادل جلست معاه فالطبلة.. الشاب كان سميتو منير..
منير: مابانتلك اختي غي هاد الطبلة ولا الزين باغي يتعرف
شوق: بقالي غي نشوف فبحالك انص رويجل عندي سيدك يشدك يقسمك علا زوج منير: اوه خلعتيني وفين هو دابا هاد هولاكو شوق: هدشي علاش جيت نعتقك من هاد هولاكو اماني كتعرفها منير: لا مكنعرفهاش شوق: ليوم غتخطبها باليل منير: واش نتي تررلي كنقولك مكنعرفهاش كتقولي نتزوح بيها شوق: شنو راييك نعيطلك علا خوتها وقولهم هاد الهضرة منير: عينيه فالارض معنديش باش نتزوج شوق: ليوم باليل غتدي داركم وتمشي تخطب البنت علمات اهلها وانا غنكتب لك.شيك ب 20.000 درهم دبر بيهم راسك والعرس انا لي غنتكلف بيه واياك تلعب معايا راه ندمك...منير: اليوم باليل ان شا الله
خرجت وانا ميتة بالقفقافة معرفت كيفاش متلت هاد القوة قدامو طمنتها وقلتلها تعلم دارهم راه غيجي... وصلتها لدارهم وسرحت واش هنا كبر وعاش الانسان لي بغيت اماني: بلاتي متمشيش.. دخلات ومور شوية جات وفايدها..بنيوتة عاد بدات كتتمشا بكسيوة فحال الاميرات نفس العينين نفس الشوفة نفس لون الشعر صورة مصغرة من عز لينا.. قربتلها هزيتها وكانت كتضحك معايا غزيولة عاد كتهضر.. كتقول كليمات كيخلوك تبتسم لا شعوريا تصورت معاها سيلفي ومن فرحتي درت الصورة فون ديكغون ودعتهم وبستهم وجعت منين جيت وصلت لكازا مكانوش رحلات خديت اوتيل دوشت... وقلت علاش منعيطش لصاحبتي تبات معايا ونعاودلها اش صرالي فهاد العامين فعلا جات طايرة.. تعشينا بزوج، ونعسنا محاديات.. كنتعاودو حتا داها النعاس وانا مجانيش من خلعتي واش غيكون عاق بيا عز.

الصباج ودعت صاحبتي فالمطار... ورجعت لدبي.. الطيارة حسيتها كاع مكتمشي مابغات تدوز ديك سبعة دسوايع دازت عندي بحال سبع سنين... وصلت هزيت طونوبيلتي من البارك ورجعت للدار...مع فتحت الباب كنلوح فصباطي كل فردة فقنت صاك والبوشيط فقنت طحت من تعبي علا الفوتوي لي فالمراح عز: علا السلامة الانسة فين كانت بايتة
شوق: اش كدير هنا وكيف درتي دخلتي..لهنا عز: علاش كتردي الجواب بجواب اخر هضري عز: والله هانتا شوفيا والله ماكنت فين غي فهنا اسيدي حبيبي غي سمعني عز: واقيلة سولتك علاش كتعصبي دين مي... كان معصب وعروققو خارجين وكيزير علا يديه عز؛ نقولك انا فين كنتي وصلتك لباب الدار وصدرتيني فالتلفون علا اساس راك عيانة خديتي طيارة للمغرب فالفجر ومماشيتش لداركم نزلتي فكازا نتي وصاحبتك سديتو عليا تلفوناتكم اش كنتو كديرو وشكون شفتو هدشي لي بغيت نعرف...وعلاش نقضتي الوعد وممشيتيش لداركم واشمن سر يخليك تسافري بلا متعلميني..عز والله تا نقولك غي جمع ايدك مور ظهرك بليز وحلف متضربنيش عز: اري داك التلفون بعدا..شدو وشعلو..لقا فالفون ديكغان صورتي مع لينا عز: كان واقف جلس... علاش فهميني بغيت نفهم انا اش كديري مع بنتي ومقلتي والو كون قلتي بغيتي تشوفيها انا نجيبها حتال عندك شوق: اوف فخاطري معاقش اه اه اعز انا غي كنت بغيت نشوفها وو عز: ولكن دارنا مقالولي والو شويا بداو كيوصلو الميساجات..من عند اماني

شكرا اختي راه كلشي داز مزيان وراه وفا وجاب دارهم ومكلاش لفلوش كيما كان يحسابلنا..
عز: اش هدشي. شوق:، غلط معرفت ميساج ماشي ليا عز: كتبهالي عليا هضري..هضري عندك علاقة بخطبة اماني لي دازت اليوم.. شوق: عز انا غنعاود لك كلشي غي حلفلي بحياة بنتك مدير والو كون بغيت المشكل يتحل بعنف كون قلتهالك ولكن..شوق: شوف دابا اماني بغا يتزوج بيها واحد الولد علا قد الحال وانا عاونتهم ماديا عز: اوك علاش مقالت ليا الحمارة والو حتا البرهوشة ولات كتعشق وتمعشق شوق: راه علا هدشي مقلنا والو عز: علاش مسيفطيش لفلوس ومشيتي بنفسك شوق: راه بغيت نتاكد ياك ماكيتفلا علينا عز: هاد التخربيق لي خربقتو مور ظهري غنحاسبكم عليه والله... شفتي نتي غير كنغبر عليك شوية كتروني الدنيا دابا جمعي شنطتك وعلمي داركم غدا غنرجعو للمغر ب غنوصلك لداركم وغنمشي نجيب عائلتي ومنها نيت نشوف حريرة البرهوشة غي خرج.. وانا نهز التلفون قريت اماني متقول وعلمت اريام تسبقني لدارنا هههه محتاجاها فبحال هاد النهار... واخا هاد خونا باين لي بغا يتزوجني غي باش يبقا يسلخني علا خاطرو

الغد ليه صبح عليا مع الصباح مخنزر... حليت لو مازال ببيجامتي شوق: صباح الخير..عز: الصمت شوق: واجاوب راه الصباح غي لله عز: صباحو شوق: واصافي عي تبسم لي مكتجيش معك التقليقة عز: علاه نتي وديك المراهقة تخلو الواحد علا خاطرو دايرين الثقة فبنادم معارفينوش البارح مدانيش النعاس من كثرة السيناريوهات لي دازو فراسي
شوق: واصافي كلشي داز بسلام والسيد نوا لحلال وقصد الدار من بابو عز: علا ظهر النسا
شوق: واصافي الدنيا والزمان هادي مديرش فبالك واصافي تبسم عز: واخا واهادي دوزتهالك وقولي عليا تاني مسموم شوق: شكون لي قال علا حبيبي مسموم انا نوجدلك الفطور عز: يخليلي حبيبتي انا امتا تولي فداري كل نهار توجديلي لفطور شوق': قريب ان شا الله عز: نتي فداري غتكوني اميرة الف من يخدمك شوق: عز ديما كنبغي نسولك شنو سر الثروة لكبيرة والشركات والسيارات والحراسة والفيلا عفوا بغيت نقول لقصو عز: ربحت فالتيرسي ههه وجدي لفطور خليني نحجز لنا الطيارة
شوق؛ اوك
فطرنا وجدت فاليزاتي وخرجنا للمول اصلا مالقينا الطيارة لاكادير حتال ليل...خدينا شنو خاصنا والكادويات... كلينا برا رجعنا رتبنا شنو جبنا ووصلنا للمطار.. فالوقت...
عز تلفونو محبسش كل شوية كيبعد ويهضر ويرجع معصب

سمعنا النداء الاخير مبقيتش سولتو مالو ...هضرنا شوية فالطيارة ومن بعد داني النعاس علا كتفو ارتاحيت مزيان وشبعت نعاس حتا قربنا نزلو عاد فقت لقيتني مدفگة كامل عليه وهو كيشوف فيا وكيضحك شوق: عيي مالك كتضحك عز: لا والو غي بدلت رايي مبقيتش مزوجك علا نعاسك كضربي بايدك ورجلي وكتهضري شوق': اويلي اش قلت عز: قولي اش مقلتيش ههههه مالك غتبكي غي كنضحك معك احياتي نتي فنة مكاينش بحالك شوق؛ تفو عليك عز': اشنو عاودي اش قلتي شوق': والو والو غي. عز: غي الا عاودتيها غنقطع لك داك اللسان. وصلنا فالصباح بكري وصلني. لدارنا ومشا فحالاتو...انا حلاتلي اريام.. كانت ماما وبابا وخوتي كلخم جاو من برا كيوجدو حيت علمتهم من قبل... جراتني اريام كاع مخلاتني نكمل السلام للبيت قالتلي والو نعاودلها كيف عايشين دمغاها حبيبتي مشا بعيد هههه بحالكم كاملات نتوما لي كتقراو... .دازت اربع ايام فالتحضيرات وجا الصباح ل اتصل بيا عز قالي بلي راهم هنا فالاوتيل فاكادير.. واليديه وخوتو وبنتو..
النهار كامل وانا كنقفقف مكليت ماشربت بحال غندوز الباك الخلعة شداني من الصبع الصغير...مشيت للحمام انا واريام وموراها دزنا
للصالون... صاوبت شعري سامبل وخليتو علا طولو مع بوندو مرصع خفيف جمعتو بيه من لقدام لبست قفطان فلبلون كاسي جيت كنحمق كلشي لي فالدار تزعط فيا مازال نشوف ردة فعل سيهم عز العرب اول مرة غيشوفني بالتقليدي حتا اريام شادة معايا الزحام هههه طبعا سمعت بلي دكتورنا المبجل جاي معهم وشكون متزعطش فايمن الوسامة والمركز الاجتماعي والقد والقامة
جلسنا فبيتي او بالاحرا فسرجم بيتي كنسناو فيما بانولنا شي زوج دطونوبيلات كنقولو هوما هدوك

حتا فقدت الامل ورجعت جلست سيفطلي ميساج عز: اليوم حققت مرادي وانتقمت مجايش.. اويلي كيفاش مجايش كنتصل كيقطع عليا... فتحات ماما الباب ايوا يالاه البنات نوضو حطو الصواني والحلوى الناس باينة فيهم هاي كلاس.. ديال الهمة والشان شوق: اويلي اماما اشمن شان ولا
مرشان العريس باح كلشي فركش راه قالك مجايش كتقيسلي فجبهتي الله يستر ابنتي خصني نزورك وهادوك لي لتحت زيدي ابنتي اريام عاونيني الله يسترنا
ولد الحرام تفلا عليا هئ هئ والله لابقات فيك
غي صبر... نزلتت دخلوني عنزهم زعما الحشمة وداكشي سلمت علا كلشي وصلتو وهو يوقف مدلي ايدو خليتو بلاكة وجبت الدورة جلست حذا ماما باش يتعلم

كيدير لي فالاشارات زعما غابلاتي عليك... حرجتو مسكين... قالو ديك الهضرة المعتادة... قرينا الفاتحة...ولينا مخطوبين رسميا ولكن خونا طمع شوية هههه عز: احم احم دابا كي شفتو منقدروش نمشو ونعاودو نرجعو حتال الريف الا كان ممكن نوجدو لوراق ونديرو العقد السيمانة الجاية بابا: الي تفاهمتو عليها اولدي لا اله الا الله عليها حنا متسالونا غي نوقفو معكم ..عز: لا راه حنا مفاهمين اصلا معندناش بزاف دالوقت باش نرجع للخدمة تقريبا شي شهر...هدا معامن تشاور كيهضر فبلاصتي... تفاهمو ونزلنا العشا تعشاو ومشاو فحالاتهم.. ...تشاوفنا قبل من لاكت شي زوج مرات فديك السيمانة...علا قبل الوراق... دازت السيمانة بحال البرد وقررنا نديرو لاكت فالدار وجدنا حفيلة صغيورة فالدار غي عائلتي وعائلتو لبست تكشيطة فالبيض بمشيطة علا جنب ماكياج خفيف... خونا يدور يدور ويغمز فيا... تغداو الناس بيد ماجاو العدول.... ومااصعبها لحظة... من حيت الاحساس فرحة خلعة انتقالة نوعية من خضن الاب لعنق الزوج... من عائلة لاخرى من اسم لاخر... مسؤوليات تلقى علا العاتق بمجرد تغيير التسمية من مادموزيل لمدام... سولوني انا لولا... ابنتي واش قابلة تزوجي بعز العرب الصافي بخاطرك... جاوبت بزربة بسيف عينيه مطرطقهم فيا اه...تسول نوبتو ..عز: عندي شرط حطني فموقف خايب كيفما كان شرطو غنقبل كون كان تسول هو للول وشرط... كنت نشوف نشوف واش نقبل ولكن حطني امام الامر الواقع... عز: كنظن مكاين لاش تخدم المل: اه بصح.. مكاين لاش المراة يليق لها غادارها.. ولادها... مجاوبتش حبسولي الدموع علاش دارلي هكدا حرام عليه وعارفني كنموت فخدمتي سنا باركولينا...نضت من حداهم مقدرتش نتحكم فدموعي الكل يسحابلو حشمت.. معرفت شنو كان غيقولي هو خليتو بلاكة وطلعت كنجري لبيتي... سديت عليا تبعاتني اريام كتجري... حسيت بالخنقة الشمتة علاش مقالي والو حتال قدام كلشي بقات كتسكت فيا حتا تدق الباب... ودخل راسو راس الطنگ لاخر شوق: كنسير عليه بسنادل والمسانذ كاع لي لقيت كنشير بيه اش بغيتي برا عليا... الله يلقيها ليك عز': شي درية زوينة شوق: الله يعطيك الموت انتا وياها.. عز: ختي اريام كان ايمن بغا شي كاس دلما بارد وحشم يقولها عافاك ديه لو اريم: ويييواااززاع قولي تكبي هانية عز: ههههه عندي شي حسابات..سد الباب من الداخل... لا جاكيت الكوستار حل لاغرافات طلع لي مونش دلقاميجة..... جاي قاصدني شوق: اويلي عافاك دير عقلك غينوها فينا خايبة... عز: مرتي وغنربيها كنهضر معاها مكتديرش بكلمتي كتحرجني قبالة الناس شوق: شكون حرج لاخر شكون حطني قدام امر الواقع عز: دابا عندك حل من زوج ياتديري عقلك وتنزلي معايا ضاحكة مبتسمة ولا ندير فك شرع ايدي شوق: تفو هاهيا نازلة خصك غاسبة باش تضرب كياكلوك ايديك.. عز: جرني لعندو حتا لصقت معاه شنو قلتي

واش هاد الكلمة مازال مابغات تحيذ منك هاد المرة تقوليها نعضك فداك الفم شوق: ربي محيد تفو دابا غينوها فشكل.. واع اويلي قلتها والله والله مقصدتها والله معليك عز: مسوقيش هو كيقرب وانا كنبعد عز: حتا انا والله حتا نعضك.. لصقت مع الماريو تحنا شويش لمستوايا.. العين فالعين والشفة علا الشفة والقلب زاد خفقانه شي خمسة الدقايق وحنا فعوالم اخرا مفيقني غي ملي شد فيا بعضة حتا زدا سنانو هئ هئ غادي كيلبس جاكيتو عز': هههه حلفت منحنتش تبعيني متعطليش شوق: هئ هئ الاه يعطيك السم شوهتيني كيف ندير نزل قدامهم تفووووو عز: كان خارج ودا ر راه غنرجعلك المسخوطة هاد المرة نديهم معايا.. شوق: صافي بليز انا نحط غلوس ونتبعك.. عز: شوووق شوق: نعم عز؛ مبروك علينا مدام الصافي.. خرج خلا ابتسامة عبيطة مرسومة علا شفتاي..الجريحتان

دازت الايام...وهومشاو فحالاتهم وعز رجع لدبي علا قبل شي عقود وانا بقيت فالمغرب كنوجد للعرس..... بغيت ندير كلشي تقليدي وعلا حقو وطريقو بغيت نوقف علا كلشي.. دقة دقة...
شفت منظمة حفلات هي لي تعاوني ...مع قالي عز العرب صرفي وتضربي حسبة وانا نيت ماشي غي تطلقت تفرشخت.... مكاين غي صرف... خصوصا حنا لبنات كنبغو ليلتنا تدوز طوب..وتبقا مترسخة فالبال كيف لا وهي ليلة العمر
حتا صداقي ...دخلت فيه.
وصل نهار العرس... جاليا خويا للصالون انا واريام بنفس اللون الاخضر ملكي... دخلت للقاعة بالصلا والسلام والتعشاق...وعلا انغام عيساوة.....بديت كنتحنا...شوية.. كنسمع صوت..الدقايقية.. دخلو بطيافر... ديال الدفوع كنقلب علا راس الطنگ...حيت كان خصو يوصل من دبي ليوم فالصباح ولكن مخلاونيش نهضر معاه...بحجة مكاينش الوقت... وحنا الابدينا الهضرة...منسكتوش... دخلو خواتاتو وبنات العائلة فابهى حلة ركن وايمن جاو غزلان بالجابادورات... لينا بقفطان فالغوز كتحمق... كلشي هدشي كنبرگگ من تحت الڤوال مهدي مدورينو المعجبات.. منظر ديالو كيضحك كلشي ناشط... كيشطح... والو خونا مابانش ليا ...كانت اماني كتشطح مع منير...جات اصالة كتصور حدايا وانا نسولها من تحت سناني فين بوركابي. ههه اح بغيت نقول خوك اصالة: مغيجيش هادتنا تبرزي بوحدك... شوق: اويييبلي.. الكل حبس كيشوف لجيهتي.. بقيت كنشوف وكنبتسم بكل ثقة علا اساس ماشي انا مولاتها.... اويلي علا ولد الحرام بغ يديرلي الشوووهة... حبسات الموسيقى كنشوفههم كلشي كيخرحو لبرا واحد مور لاخر كنسمع موسيقى..كنهز راسي فالتلفزة لي نقابلة معايا هاهو جايبينو فوق العود بجلابة بيضا مهبط قبها عليه حشمان بغيتلك السم ... اش نقول انا بنت الهم تفلات عليا... غمزاتني كتضحك زعما شديت فيك وانا كون لقيت نقجها.. نزل من فوق العود.. جا حدايا هز الفوال قبل جبيني.. واهيا ناري كيف جااا وااع لحية مطراسية لحسانة لي دار واتاتو بزاف نقص الجناب وخلا الوسط وبارفان ياخواتي كيدوخ كون محشوما نوض انا انا انا نيت لي نبوس حبهتوو..

جرجونا من تماك طلعونا لواحد البيت كنبدلو فيه... جريت علا النگافة مان دخلنا ونبدا نعض نقمش عنكشتو عز: ياك اولد الحرام شحال من خطرة درتيها بيها شحال من خطرة ناوي توقغلي القلب عز: ميت بالضحك بعدي لهيه راني شاد ايدي بزز.. نخاف نخربقلك هدشي ويقولو عائلتي ضربنا هاد المسافة كامل باش ندو هيشة..شوق: ايي هئ هئ انا هيشة عز: هالعار هالعار...ايما سكتي ماشي ليوم تا هو تبكي فيه والله حتا جيتي طوب كتحمقي عييت نقولها لك لتحت ولا عبرتيني شوق: ورا غي حشمت وصافي زعما عجبتك عز': واش عاد اليوم من نهار غلبتيني ماشفت النعاس من داك النهار ونتي عاجباني.... يالاه غنبداو فقبلة دخلات النكافة من حيث لا نحتسب.. اهدا اهدا ياولدي ماشي دابا سير اولد الله يرد بيكم اهاد الجير لبس الكوستيم ديالك.. عز ولا حمر...انا مت بالضحك حتا فالتلي اجي نتي اديك قيمرونة نشوفو كيف نديرولك مع هاد اللبسة حتا هي ههههه قصفاتني وانا مزال كنضحك معاه كون مخفت ليلتي تخ ر كون ضرت فيها اش كيعرفو اش كيعرفو للرشاقة.. هههه..المهم توالات اللبسات.. الاميرة والحمراء..وملكة النحل الي بالذهبي والشدة الشمالية والفاسية والشلحة والصحراوية وانا سخفت بفف والاه حتا صعااب حتا هو بد شي خمسة دلمرات وحلف لي متشطحي.. ايوا لهبال هذا عمركم شفتو شي عروسة مشطحاتش فعرسها فاش نزلنا من العمارية كانو وقفو لنا باش نتحركو شوية نشطحو خلاهم واقفين وجرني للجلسة حمضهم.. ساعة ديك الثباتة لم تدم طويلا... فاش لبست الغوب دمارياج...وقطعنا الكيك ولبسنا الخواتم كنتسناه يعيط لي ندخلو فرقصة زعما رومانتكية ساعة كنت اظن وكنت اظن وخاب ظني ملي دخلنا للمغرب مشات ديك الرومانسية لي كانت كتشتت عندو رجعني للجلسة.. ..وتجمعو الدراري ولاد عائلتو وصحابو...وجلسو كيشطحو علا انغام اويورا الليارة سمحولي بغيت نقربكم لو الاغنية ولكن هادي لي عقلت عليها المهم يسالي هاد الشطيح لي بالمكاحل ونسولو شكون ديك زبيدة لي كيقولها سمارينو....
دقت ساعة الحزم...خلاها مولاها الى الامام دار البنات خاوية وانا بنت جديدة اليوم غتخوي دارهم... كانت عندهم ضيفة وليوم وصلوها لراجلها... حياة عاشت مع ناس بغاوها قراوها وتعدبو عليها واليوم كيحققو امنيتهم وكيوصوها للدارها غي هو الفراق صعيب دموع..دموع ودموع فعيون الكل حتا من الاب لي غير متوقع يبكي.. سلمت عليهم حيت من الاوتيل للمطار ودعت عائلتي..بزز...مقدرتش نسمعهم وهوما كيوصو عليا عز... بعدت طلعت فالسيارة وانا كنشوف فيهم كيف كيهضرو معاه والدموع خانقينهم... سلم عل الكل بابتسامة ولكن فعيونو تاتر... طلب من السائق يعطيه الساروت قالك بغا يسوق لراسو... ركبت حداه... بقينا غادين شوية وقف.. مع الشمس عاد بدات كتطلع دار لعندي كنت مازال كنبكي عز': بابتسامة الا ندمتي نرجعك لعندهم.. ضحكني وانا كنبكي فنفس الوقت منظر غريب فتح لي ذراعاتو ترميت فيهم بلا شعور خلاني بكيت حتا بردت هوايشي كيمرر يدو علا ظهري فتالي قابلني معاه وشد فايدي بزرج دفن وجهو بيناتهم... كنواعدك ان شا الله منخليكش تحسي لا بغربة ولا بفراغ وانا معاك منخليكش تندمي وانا معك.. وربي يقدرني ونخليك اسعد وحدة فهاد العالم

مشينا للاوطيل غير وصلنا حدا لباب وهزني حبيبي بين يديه و غادي و كيتحلف فيا انا صافي تنادم معايا الحال .....مابقيتش باغا لا حب لا زواج لا والو ....يوم الدبيحة وصل و الجزار جالس حدايا ....و ماعندي حل من غير نحاول نعطلو....شوق :حبيبي انا ندخل ناخد دوش باش نرتاح و من بعد دخل نتا...عز:كيشوف فيا نضرات كلهم كيرمزو للإنتصار ..اوك حبيبينو واخا تعطلي حتى لغدا انا كنتسناك