جنة: طه منين جا هاد الدم... طه زول الستار: جنة شنو كديري هنا جنة: جبتلك هادي علقات الفوطة بلاصتها وعينيها كيتفحصو جسدو الحمد لله كان بالبوكسر طه: والو جنة: لا شو الدم الجرح عاود تفتح لك... حيد الما سخون عاد يزيد لك.. بقيت كنخربق ونقلب فادراج الدش والرفوف كنقلب علا شاش وضمادات ومعقم.. اما طه فكان مركز معاها ومبتسم حيت حس بخوفها عليه..خرج من ورا الستار ووقف حداها... دورها لعندوو وشد ايديها لصقهم مع الحيط ...وتابع طبع قبلات كثيرة ففمها ووجها اما هي مقاومتتش بعد عشر دقائق.. طه: كل مرة كنشوف هاد الخوف فعينيك كنزيد نبغيك .جنة: طه حيد حيد عافاك ماشي بوحدنا معنا مراد طه مكمل تقبيل عنقها واستنشاق عطرها: ويكون.. خليه يجرب يحل فمو ..دفعتو وخرجت.. اما هو رجع كمل دوش علا خاطرو وخرج...
طه: مراد غير تعشا ودخل ترتاح سبقنا .جنة تبعيني ضمدي لي الجرح تبعها بغمزة حشمني ..اما مراد حمار وصفار تنحنح بلا ماياكل دخل لواحد الغرفة صغيرة وسد عليه.. طه: تحركي غتبقاي واقفة تماك.. تبعتو كنزفر هو تمدد علا ظهرو كان غير بشورط هاد المرة... جلست جنب السرير باش نقادلو الضماد ولكن مقدرتش نخدم فراحتي..وقفت وتحنيت... هو كان ساد عيونو حلهم بقا كيتمنضر ففتحة صدر البيجامة.. وكيزول الشعر ذيالي من علا وجهو كان كيحجب لو الرؤية.. طه: جلسني فوق كرشو هكدا تقدري تخدمي حسن.. جنة: طه طلقني خليني نمشي فحالي بالناقص لي يحن فيك... طه: متبتها عليه.. هي لخاطرك بزز تحني الا ماحنيتي فراجلك فمن غتحني ..جنة: اولا انت ماشي راجلي تانيا انا كنكرهك ومابقيتش كنتيق فيك قلت هاد زوج كلمات وهربت لبيتي وسديت.. الحافيظ الله كنت خفيفة اما تبعاتني واحد الاباجورة جات فالباب كن جات فيا كن افقدتني البصر.. "تحية لصفا"
ديك الليلة حتا واحد فينا منعسش او غير انا وطه.... حيت كنت كنسمعو خارج داخل... حتا انه جا طل عليا شحال من مرة... كنت كنتظاهر فيها بالنوم يمكن من تصرفي او متايقش فوجود مراد... معانا... ماغفيت حتا بدات البيت كتضوا بنور الشمس... مقدرتش نحل عينيا بعدها وانا كنسمع الحرجة فالشقة وريحة القهوة معبيا الاجواء.. نضت بزز توضيت وصليت ...غسلت سنيناتي وجمعت شعري مع لمسات... مايكاب... خرجت.. كان مراد جالس كيفطر.. صبحت عليه ورد التحية ودخلت نجيب لي كاس القهوة باش نحي نفطر ..لقيت طه فالكوزينة بسروال بيجامة كارو بالگري ولكحل مع سوڤيتمان فالگري وشعرو فازغ... كيشرب قهوتو ومركز عينيه فالشرجم ديال الكوزينة... كانو مراقب شي حد.. سلمت مجاوبنيش حتا شكيت انه كيشوف شي حاجة.. مشيت وقفت حداه بديت كنطلل مكان والو الدنيا خاوية... بالعكس غير قربت انا وخرج هو مور مالاح الطاس دالقهوة فالشاريج بالزعاف حتا شكيت واش تهرس عرفتو كيتجنبني وانه معصب من كلامي دالبارح ولكن معرفتش علاش تقرصت وقلبي ضرني واخا انا لي ختاريت هاد الجفاء وانا لي طالبة عليه..شغل يخ منو عيني فيه بدا معايا... دوزت النهار كنقرب لو ونقلب عليه وهو مكشر وانا عاد ماحلالي وديك التكشيرة وداك الحاجب طالع ولاخر نازل هو لي زايد مزينو فعيني... المشكل ان الامر مابقاش لليوم واحد فقط... هانحن نكمل العشرة ايام فبرشلونة..وهو مكيدوينيش لا لا ياربي الكدوب حرام وفا بوعدو وجابلي كل مغنحتاج باش منضيعش الوقت..ونوجد البحث.. ديالي لاب توب مراجع معلومات سرية... وكيخدم معايا بايدو عدا القراية مكيعبرنيش ومكيحاشيهش ليا ومكيهزنيش من ارضي هضرت مع صافية قالتلي بلي الناس بداو كينزلو البحوث وبلي هوما رجعو من وليلي وقالت بلي شافت طارق مرة وحدة هو معصب مني حيت مكنهضرش معاه وحيت فوتت كثر من الايام باش واعدتو بزاف وهو ليا يكدب علا ماماه حيت مكنزورهاش ..وباش يسكتها داها عند ماما غيبقاو تماك سيمانة ...قطعت معاها ..وانا كل ماقالتي ماهولنيش قد ماهولاتني معاملة طه معايا ...زعما نكون كنخسرو.. دابا هو فالواقع انا خصني ندير منو اتونسيون حيت خبا عليا ولكن هو خصو يبين لي حبو ويبقا بحال النهارات اللولين يحزر وانا نتعفر هئ هئ علاش تبدل هئ هئ مالي حمقة مالي حتا هو بكرامتو وانا مهليتلوش وكملتها بكنكرهك ..ولا كيخاصم عليا مؤخرا باش نبقا تسد عليا البيت بليل ههههه مسكين ولا كينعس فالصالون خايف مراد يدخل عليا هههه وانا غنستغل غيرتو للصالحي ونستخدم خطة ب ب 3
(63) sima wise & sana mina
يوم جديد كباقي الايام ...نضت كيف العادة غير ليوم نضت ابكر باش نوجد الفطور ....درت روتينياتي من وضوء صلاة ولباس ...توجهت لمطبخ بذيت فتوجاد الفطور وانا كنوجد طاحت في بالي فكرة علاش منفيقش مراد ونخلي داك صنديد ...توجهت لبيت مراد دقيت لحسن الحض لقيتو فاق هو الاول
جنة : صباح نور مرمر...
مراد : مرمر جنة
جنة : يلاه انا كنتسناك الفطور واجد تحرك خلاص...
مراد : وسي طه فاق ولا ...
جنة : منعرف يلاه يلاه خلاص...
مراد : (بتعجب) وا واخة ...هدي مالها...الله يحضر سلامة من داك الراس ...
مشيت لكوزينة كملت ماتبقى من توجاد حتى لحق عليا مراد كبيت ليه قهوتو ويلاه بديت كنحط حتى سمعت تقرقيب عرفتو طه فاق وجاي فاتجاهنا ...احم احم...
جنة : ميمي (بدلع) اش نحط ليك پان كيك ولا كريب بشكلاط ولا ندهن ليك خبيز بشي حاجة...
مراد : هااا ميمي جنة يرحم بيها الوليدين عضامي يلاه بداو يتجمعو مقاد على مشاكيل مع سي طه...
طه : سمعت سميتي صباح الخير اش كاين مالك امراد ...
مراد : واااالو اجي تفطر...
جنة : احم اممم غادي نحط ليك على ذوقي...
طه : نو مبغيتش غنحط لراسي....حتى تفاجئ بيها مكانتش قاصداه مشات لمراد وحطت ليه كريب وكتكب ليه شكلاط بطريقة سيكسي طاح واحد شوية من شكلاط في جنب طبسيل هزاتو بطرف صبعها ولحساتو بلسانها بطريقة مثيرة الكل مدهوش طه مراد حالين فمهم وحتى حاجات اخرين حلو فمهم ههههع .....مشيت لبلاصتي حطيت ليا حتا انا اما داك راس الطنگ خليتو حط لراسو ياك قال غنحط لراسي ايوى حط لراسك دابا...بقينا كنفطرو وانا ومراد شااابعين ضحك لدرجة مراد نسا راسو ورجع لعادتو بدا يضرب فيا لضهري وكتافي ولكن مسكيييييين تم مسكين زغبو الله شدني من حناكي وبرك يجبد فيهم غافلين على البركان لي ثار حدانا خبط طابلة تاقفزنا ومراد سما الله ههههههه.....
طه : نتي غتنوووضي تگعدي تكملي حفاضتك وبحثك وانا شوية ونوصل عليك يلاه بييييييتك....
جنة : قمم معاودتش الهضرة مشيت بجرية لبيت خديت الحجر ولابتوتب وشي كتوبة واستانفت الحفاضة....
طه : ونتا ...دار لعند مراد لقاه مكاينش صرطاتو لارض
توالت الايام وانا كنوجد وطه كيعاوني في فترة قصيرة كملت البحث ديالي واصبح في اتم الاستعداد للاستلام طفيت لابتوب ديالي وجمعت كتوبتي خديت البحث درتو في بلاصتو جمعت كلشي وساليت حتى دخل عندي طه وفاجئني بخبر لي بقيت حتى عييت ناسياه حتى جا وقتو وهو اننا في ضرف يومين غرجع لبلادي المغرب .....
تقرقيب تقرقيب الهضرة كتيرة اووووف اشنو هادشي ...طليت على الساعة لقيتها 5 ديال عشية اووه شكون نايض في هاد الوقت هذا صوت جنة اووف منك يا هاد البنت....
اكيد كلكم كتسائلو شكون لي كيهضر معاكم نعم نعم طه بشحمه ولحمه هههه واخيرا حصل ليا الشرف انني نهضر معاكم بلساني شخصيا اكيد كلكم كتعرفوني شكون واكيد مزال غامض بالنسبة ليكم لكن خليو كلشي لوقت المناسب لي نقوليكم هو انني المفترس لكن.... حبي لجنة لا بل عشق غنسميه عشق لانني كنبغيها لدرجة الجنون من اول نضرة غيرتي عليها يمكن نسميوها غيرة عمياء مجرد مكتمسني ضو كيضربني كنصبر راسي بزز باش منغلطش معاها نقولو ان لمساتنا تخطت الحدود تقبيل احضان عناق لكن فاخر لحضة كعيق براسي يا اما انا يا اما هيا ....وحتى هيا كتغير عليا لدرجة الجنون وكلشي كان واضح ايام ماكانت كتجي عندنا ايما وبمجرد مكنهضر معاها او كنقيسها كلقا تنينتي اشتعلت نارا هههه اه يا بلسم قلبي ....دازت اسابيع وحنا مع بعضياتنا يا ما مشاكل وقعو بيناتنا يا ما تصالحنا...هاد الايام كنشوفها مع مراد بزاف كيضحكو وكيتمازحو داك المزاح الباسل بغاتني نقطع ليها راسها ونتهنى ...نعم مراد قرا معاها من صغر صديق طفولتها وكتر من خوها ولكن غيرتي عليها كتخليني نشعل حتى الى قرب ليها خوها الحقيقي .....ملي نقذتها من بين يدين رودريگو وحنا في حرب مع العصابة اضطرينا نعبرو الحدود لفرنسا باسماء مزورة حتى وصلنا لاسبانيا وهانحن ذا بعد يوم سنودع التراب الاسباني في اتجاه بلدنا المغرب كل مكنتفكر الموضوع كنتازم حيت غادي نرجع حبيبتي لدارهم سالمة غانمة وكلشي غادي بنتهي لكن بلاتي بلاتي غادي ينتهي كلشي لكن غادي تبدا مرحلة حياتي انا وياها مغنخليهاش في اقرب وقت غادي نخطبها من دارهم مستحيل نفرط فيها لكن كلشي بوقتو ....
شوية بديت كنسمع ضحك كتير وشحك هاد المرة قهقهات ...كضحك ليا ضحك شيخات هدي ياك وصيت مها متبقاش تحادي مراد واش هدي بغات طرطق فيا شي عرق ...نضت بجرا دخلت دوشت ولبست حوايجي رجعت شعري لور درت بارفاني وساعتي وخرجت فاتجاه صوت القهقهات لي كان فبيت البلازمة... توجهت ديريكت ليه ...
طه : مزياااااان تبارك الله ....لقيت الانسة المصون متكية على كتف مراد ومخدمين فيلم وباركين عالضحك ونشاط
مراد :قفز ناض وقف .... شاف ...
طه : تحرك نتا دير داكشي لي قلت ليك صباح ..
مراد : واخة نعماس...
جنة : (الصمت ) كتبلق فعينيها...
مشا مراد يقضي داكشي لي وصيتو عليه وانا بقيت مع هاد قاصحة الراس ....شديتها من ذراعها ضغطت عليهم حتى بدات تاوه ....
طه : غادي تجمعي ولا نجمعك بطريقتي بتخنزيرة قاصحة سمعتينييييي.....
جنة : لا مسمعتكش ومغنسمعكش وشكون نتا باش تحكم فيا شك... طار عليها بقبلة يبوس ويعاود تكاها على الفوطوي هز ليها ايديها وخشا راسو في عنقها كيشم فيه بطريقة مثيرة رجع لفمها استمر في تقبيل حتى دفعاتو وصرفقاتو تا دار.....ناضت ....اخر مرة تمسني اصلا هادشي لي فبالك هذا هو الاثبات عندك باغي غير حاجتك....محست
حتى بان ليها الضو نتيجة تصرفيقة لي عطاها خماسية تا تصورت ايدو فحنكها ....شدها من فكها ...
طه : باقي نسمع جدك قلتي هاد الهضرة متلومي غير راسك كن بغيت حاجتي ناخدها منك بطريقة ساهلة ولكن انا مخليك لحلال نتي مكتفهميش ومبغيتيش تفهمي ومبغيتيش تيقي بيا غنقوليك جوج كلمات غدا فليل عندنا طيارة مباشرة لرباط ومن هنا لديك ساعة متبقايش تحاديني ولا دوزي جيهتي ...دفعها حتى طاحت ومشا خرج وزدح الباب بجهد من وراه خلاها طايحة وشلال دموع هابط على وجنتيها....
Mesdames et messieurs , s'il vous plaît attachez vos ceintures ,, l'avion va atterrir après cinq minutes de territoire marocain . Merci
سيداتي سادتي المرجو منكم ربط الاحزمة،، الطائرة ستهبط بعد خمس دقائق إلى التراب المغربي . شكرا
هانحن اليوم نحط رحالنا الاخيرة في بلدي الحبيب اللي مشيت منو وانا عازمة ومصرة نلقا الحجر لي عليه بحثي ولي تخاطرت انا وعماد الوكيلي على ودو ها انا دا راجعة بعد مكملت عليه البحث اللي كان الفضل الكبير كلو لطه هاد الاخير لي ملي قال كلمتو ووفا بيها زاد جفاء على جفاء وهذا لي قتلني من لداخل حتى الهضرة قطعها معايا حتى من مراد الى شافو معايا كيضحك مبقاش كيدوي لا معايا لا معاه اي حاجة بغا يقولها ليا كيوصلها ليا عبر مراد حتى شوفة مبقاش كيشوفها فيا...عندو الحق الشي لي درت ليه ميتحملو حتى حد كسرتو وهو دار لي ميدار على قبلي سري...دابا حنا في طائرة فرنسية ( air france) متاجهة لرباط عاد غادي تاجه لامريكا مباشرة ....كالسة حدا مراد اما طه فبلاصتو جات بعيدا علينا في الصف لاخور ....
مراد : عندو الحق ...
جنة : كفاش ...
مراد : عندو الحق يتصرف معاك هكا عندو الحق ينكرك گاع لانك ببساطة مدرتي فيها ميليق دار عليك لي ميدار ونتي معفرة ...جنة انا مغنجي لا من جيهتو لا من جيهتك لكن لي نقوليك هو نقصي من العجرفة لي فيك و(ضرب ليا راسي ضربة خفيفة) وقصوحية هاد الراس لي غتجيب ليك غير المشاكيل واول مشكيل كان ملي فكرتي تخاطري مع داك عماد حتى فكرتي تقصحي راسك مع طه ...
جنة : الصمت...
مراد : اذن عرفتي غلاطك ...خاصك تصلح داكشي لي افسدتي بايدك ولكن صعيبة...
جنة : علاش ...
مراد : هههه ببساطة بحكم انني كنعرف طه من زمان وعاشرتو لي نقوليك هو انك غادي تاخذي وقت عاد باش ترجعيه كيف كان معاك وترجعي تصلحي الكسر لي تسببتي ليه فيه ..يعني خلاصة القول طه الى تقلق وخدا على خاطرو كيتقلق مزيان هو راجل وهو من نوع ديال رجال لي طبعهم صعيب صارم كرامتو بالدرجة الاولى اول مرة كنشوفو كيدير لخاطر لجنس اللطيف بهاد الطريقة لي كيدير معاك نتي ...
جنة. : كانت شي وحدة فحياتو ياك...دويييي
مراد : واهليييييي مشكيلة هدي ونتي حنا فين ونتي فين باغة تصلحي غلطك ولا باغة تنكشي ليه فماضيه معامن كان تي مالك مالك فزعية ...
جنة : اوووف معرفتش معرفتش
مراد : عرفتي اشنو خلينا تانهبطو بسلام وديك ساعة ندويو فهادشي دوري جيهة شرجم يرحم باك ...
بعد وقت وجيز واخيرا حطت الطائرة رحالها في مطار "الرباط سلا" هبطنا مشينا لجيهة الجمارك عطينا اوراقنا كملنا الاجراءات يلاه غادي نمشيو ناخذو حوايجنا حتى لقينا مفاجئة لم تكن على البال ولا على الخاطر.....
(66) sima wise &sana mina
كنت انا ومراد واقفين بزوج كنتسناو في باگاج ديالنا يبان ...اما طه فكان بعيد علينا شوية كيف قلت ولا داير مسافة بيني وبينو ولا كيحاول يتجاهلني قدر الامكان وميحادينيش قال كلمتو ووفا بيها....وانا كل مكيتجاهلني نار كتشعل فيا قلبي كيتقطع...عقلي كيوقف عن تفكير الا في حاجة وحدة برود وجفاء طه حبيبي روحي وعمري ...يا ليت زمن يرجع بيا لور ومنتصرفش هداك تصرف او منطقش بدوك الكلمات لا بل جمل جارحة قاهرة لرجل احبني اكثر من نفسو ضحا بحياتو عرض نفسو لخطر ولدابا باقي معرض لخطر فاي لحضة تلقاه المافيا وتقتلو ....ااااه...
يلاه خديت انا ومراد بگاجنا حتى كنسمع صوت كينادي باسمي كان صوت مالوف جدا كيف لا وهو من تكلف بمجيىئي لايطاليا ومصاريفي فيها ورجل لي كيبغيني من طفولة ....
طارق : جنة جنة ....
جنة : طارق ...
طارق : ويييي حياتي ( جا حتى لعندي هزني وعو معنقني ودافن راسو في عنقي كيستنشق عطري ) توحشتك توحشتك ....
جنة : اا ههه حتى انا (بعدتو من عليا ...) احم طارق نقدم ليك مراد رافقني في طول الرحلة وهو لي وقف معايا هو و....(طليت على طه ملقيتوش حدانا نهائيا ولا حتى في داك المحيط،..) اممم
طارق : شكون...
جنة : امم كان غير هنا معر...
طارق : متشرفين مراد ...
مراد : ليا شرف سي طارق ...
طارق : امم جنة يلاه مشينا حتى لمنبعد وعرفيني عليه يلاه دغيا..
جنة : ولك...مخلانيش نكمل جرني بزربة غادي بيا وسيد لي هاز لينا باگاج ورانا كيجري ...شفت في مراد ودرت ليه اشارة بايدي بمعنى فين هو ....غمزني ودار اشارة ديال هاتف بمعنى من بعد ونهضرو ...استسلمت لهاذا ومشيت معاه وصلنا لسيارة ركبت ومشينا طول طريق وطارق كيشوف فيا وكيبتاسم ابتسامة معرفتش المعنى لي كتحمل طياتها وانا تفكيري كلو كان فيه نعم في طه ومن غيرو لي ولا شاغل بالي وتفكيري معرفتوش فين مشا مكلفش راسو حتى يودعني لهاد الدرجة صافي لهاد الدرجة هز في قلبو واخة نكون قاتلة ليه علاش هاد الجفاء الحار اه ولا يمكن حيت شاف طارق عنقني اوووووف...
طارق : مالك حبيبتي
جنة : امم ؟
طارق : مالك تاففتي ...
جنة : والو فين غنمشيو دابا...
طارق : امم غنديك دابا لدارك حتى تستراحي وبعدها غنمشيو ديريكت لعند خالتي والوليدة عندي ليك مفاجئة تما ...
جنة : اشنو هيا...
طارق : بغمزة من بعد...
وصلنا لاقامة فين كاينة داري لي ساكنة فيها انا وصافية بغيت نحيد سانتير حتى قرب طارق لوجهي حسيت بنفس ديالو كيضرب بالجهد استنشق ...
طارق : هههممم توحشتك (يلاه بغا يحط شفافو على شفافي حتى سمعت طرااااخ..).....
حتى بغا يقرب ليا ويحط شفافو على شفافي كنت غندفعو حتى سمعنا صوت شي حاجة تخبطت ...حتى مشينا وجينا...
طارق : اش واقع ...نزل يشوف...
درت نشوف اش واقع لقيت سيارة ضرباتنا من لور ومشات ركنت في جيهة لوخرا ...طارق مشا لمول سيارة ....بقا مدة وهو خاشي راسو فزاج ديال ديك سيارة معرفتش اشنو كان كيدور بيناتهم حدي كنشوف في طارق كيشير ويشالي بايديه ...بقا جهد نص ساعة حتى تشوشت بغيت نزل بان ليا جاي وديك سيارة مشات كتجري بسرعة البرق خلات غير العجاج كيطاير وراها....
جنة : اش واقع ...
طارق : والو غير قاليك ضربنا كان عندو مشكيل ومعرت اش بقا كيخربق عليا تم عطاني كارت ديالو باش يتحمل مصاريف تصليح البلاصة فين ضربت طوموبيل...مهم ماعلينا يلاه نزلي باش طلعي تستراحي وموعدنا فليل ان شاء الله...
جنة : اوك ...اجي صافية كاينة...
طارق : معرفتش غير هيا مفراسهاش بالي جايا مبغيتش نقولها ليها بغيتك تفاجئيها...يلاه ...اجي هداكشي غنديه معايا...حط ايدو على فاليز لي فيها الحجر....حتى حطيت عليه ايدي...
جنة : معليش تخلي حتى دوز ليه باليل ...شفت فيه بعيون مترجية هو مفهم والو لكن مبغاش يخسر ليا رغم ان الوضع ميسمحش يكفي انه تكلف انني ندخلو لمغرب بدون ميلقاوني لبوليس وياخذوه مني ونديرو اجراءات وبلا بلا لكن تصرف بنفسو بحكم المركز ديالو....
طارق : بتردد ...واخة ولكن ضروري يكون عندي باليل باش صباح نسلمو وبعدها نساليو الاجراءات اوكي لانه ضروري خاصنا نمشيو لعند خالتي ...
جنة : اوك مي علاش زربان نمشيو حتى نعطي بحثي ونسلمو و...
طارق : بحثك الالة حتى لنهار الاثنين وسلميه وزايدون حنا غادي نمشيو غير ويكاند ورجعو...
جنة : اوك ...يلاه اندخل دابا ...
طارق : منسيتي والو...
جنة : بتساؤل ...اش ..
طارق : حط ليا الباليز قدام الباب ديال دار وتم جاي كيقرب جيهتي وانا كنبعد حتى حاصرني بايديه بجوج مع الحايط ....هبط راسو لعندي كيشوووف فيا وانا في نفسي كندعي ربي ميديرها حتى هبط راسو لعندي باسني لكن هاد المرة حدا ودني بوسة خفيفة غمض عينيه وهمس ليا ...
طارق : كنبغيييييك وكنحماق عليك وهادي متنسايهاش ومتحيديهاش من بالك شاف فيا غمزني ...عاود رجع عنقني حتى سمعنا ...
تصفااق طاق طاق طاق ....مزيااااان تبارك الله ...
جنة :
مزيان مزياااان تبارك الله معندي ميتسالكم...ونتي الالة جنة ...
جنة : صافية ....
تسلت من طارق جات في وقتها اصلا محملتوش يقرب ليا وفي نفس الوقت مقدرتش نقمعو مزال خاصني نهضر معاه ونصارحو بمشاعيري اتجاهو كيفاش دايرة وانه مجرد اخ لا غير ونقدم ليه اعتذار على الاستغلال لي استغليتو واخة عارفة صعيب بزاف انه يتقبل وهو كيبغيني من صغر هففف مجرد تفكير كيقهرني من جهة هو ومن جيهة اشتياقي لطه لي معرفتوش فين غبر توحشتو بزاااف ...
مشيت كنجري تعلقت فيها مع هيا برج خليفة وانا دنينو ...توحشتك توحشتك بقيت نبوس ونقول مابست بقينا نتعانقو خلانا طارق وهبط ودخلت انا وياها كلسنا نتحتو ونعنقو بعضياتنا نحيدو الوحش توحشتها بزاف بغات تشدني باش نعاود ليها ونخوي ليها المزيودة بزز باش قنعتها حتى نستراح ومن بعد نعاود ليها كلشي حتى على طه ااااه هاد الاخير لي غبر غبرة وحدة يا ترى واش توحشني واش البعد غادي يخليه يعيد النضر في قرارو واش غينقص منو الجفاء لي ولا فيه من جيهتي واش حن ليا ولا لايامنا لي كنا فيها بزوج تحت سقف واحد ذكرياتنا في ايطاليا في بوردو في اسبانيا ..حن لتناگيرنا لعناقنا لغزلنا ببعض لدقات قلبنا لي كتسمع الى قربنا لبعضياتنا ..حن لوجودي بجنبو وحاطة راسي فوق صدرو تارة نضحكو وتارة نتعانقو واش واش فينك اطه غير بان حتى نمرتك ديال هنا بلاصتك تا حاجة معارفاها املي الوحيد نوصليك هو مراد ...سست افكاري وخرجت من تحت رشاشة ديال دوش بعد ما دوشت لبست حوايجي تكيت وغفيييت حتى فيقني صوت الهاتف ديالي كيصوني حاولت نتجاهلو لكن بقا كيصوني حتى جاوبت طليت لقيتها نمرة خاصة...
جنة : الو شكون معايا...الو الو الوووو افففف قطعت ورجعت نعس حتى صونا تاني جاوبت بلا منشوف...وابنادم شكون معايا ...ها طارق امم والو غير معرفتش شكون صونا ليا امم اوك ساعة غتلقاني واجدة ..اجي واش ضروري نتلاقاو برا...همم اوك اوك...قطعت وانا كنتافف معرفتش علاش مصر يشوفني ليوم بقيت متكية حتى نضت مشيت نشوف ملبس ...اختاريت كسيوا في الكري مغلوق طويلة بسميطات وفوق منها جاكيت كوير فالكحل قصيرة وصندالة بلا فلون جاكيت درت ميكاب خفيف ماسكارا وايلاينر وكلوص في غوز وبارفاني المعتاد جمعت شعري كعكة مهملة وخرجت خصلات من شعري لقدام مافيا ميصايبو باقي لونو اسود من ديك المرة فاش بدلت لوك سولتني صافية بدلت المرضوع قلت ليها غير تشهيت نديرو في ايطاليا...وصل طارق قاليا انه كيتسناني لتحت في طموبيل خرجت سلمت على صافية وهبطت لعندو لقيتو كيتسناني للحضة وانا غادية لعندو حتى طلعت مع نيفي ريحة عطر غمضت عيني وحليتهم عطر رجولي شكيت انه ديال طه درت بجنابي ملقيت حتى حد ولا حتى دليل لوجود شي حد عينيا تغرغرو توحشتو بزاف ...مشيت لعند طارق ديمارا ومشينا داني لواحد المطعم رومانسي بقا كيتغزل بيا حتى تعشينا وفاجئني بموضوع لي فشل ليا ركابي وسرع دقات قلبي وهو انه فاتح ماما في موضوع زواجنا انا وياه وهاد الويكاند غنديرو خطبة رسمية .....
الخبر نزل عليا كالصاعقة. .. الطريق كامل.. وانا مغيبة كنفكر فبزاف دالحوايج انه هادي اخرت لعبي ..وتهوري ..استغليتو اه. استغليت مشاعرو ولكن هاني غنخلص وغنودي، ..خصوصا دابا وصل الخبر لاهلي ..ماما صعيبة فاي حاجة كتعلق بعائلتها وخصوصا حاجة بحال هادي من ديما كتلح عليا فيها فنظرها طارق عريس ميتعوضش.. وهادشي غيقربها اكثر من ختها ..اما بابا الا مشات حتا قنعاتو غيولي طارق او الموت... وانا عقلي وقلبي وكلي ملك لواحد واحد فقط طه...لزرعتو هاني غنحصدو ..حتا هو خسرتو ياريتو كان فصفي بابا كان يهون عليا وانا غير بكلمة هانا معك ولكن انا لي خسرتو بتصرفاتي وغبائي..وصلني طارق... للدار... وحاول يودعني بطريقة العشاق واي زوج مخطوبين لكن انا صديتو.. ونزلت خليتو فذهول ..وصلت باب لموبل ..غمضت عيني من جديد... كنحاول نستنشق نفس العطر لي شميتو قبل منخرج مع طارق.. ولكن ماكان والو يمكن مجرد تهيؤات .لقيت صافية قدامي كانها كتسناني باغاتفهم وتسمع كلشي لكن تحججت بالتعب... دخلت بدلت حوايجي..وهربت من الواقع للاحلام عل الاقل تماك نقدر نكون مع طه بزوجنا ..الاسبوع كله.. قضيتو فالنعاس حتا جات نهايته ونهايتي فنفس الوقت نهاية احلامي وقصة حبي مع طه..اليوم غيكونو اهلي كلهم وصلو واهلو ..قررو يديرو خطوبة عائلية. . بلا مايشاوروني حتى بفف هالي قلنا انا عارفاهم مصدقو فاتحهم طارق فالموضوع واكيد قالهم